وعشان لايروووح تعبك على الفاضي!!!

كم مره رتبتي مكان وتعبتي فيه وبعدين جو عيالك وقلبوه فوق تحت وحسيتي ان تعبك راح ع الفاضي ؟؟؟


كم مره طبختي وتعبتي في الطبخه وبعدين زوجك دق عليك وقال والله انا اليوم ماني جاي ع الغدا وحسيتي ان تعبك راح ع الفاضي؟؟؟




وكم مره قضيتي فيها يومك بين غسيل وطبخ وترتيب وكوي ومذاكره للعيال وغيره وغيره وجاك شخص وانتقد شغلك وبكل بساطه قال...انتي من الصبح ايش جالسه تسوي ماني شايف اي انجاز...ووقتها حسيتي ان تعبك راح فعلا ع الفاضي💔💔




وكم ...وكم ...وكم....طيب الي بيقولك حاجه تخلي كل حاجه تعمليها تاخذي عليها أجر ....حتى وان رتبتي والعيال خربوا اجرك واصل...حتى وان طبختي وماحد اكل اجرك واصل...حتى وان محد قدر لك اي مجهود وانتقد عملك فأجرك واصل واصل واصل...


اول ماتصحي من النوم استحضري النيه ...قولي يارب كل عمل راح اعمله اليوم ابتغاءا لمرضاتك ...راح انظف لأن النظافه من الإيمان ...أجر....وراح اطبخ لان في كل كبد رطبة اجر ...اجر ....وراح اهتم بعيالي وانتبه عليهم واذتكر لهم وماأسيبهم للأيباد فقط امتثالا لقول الرسول كلكم راع وكلكم مسؤول عن رعيته ....اجر....راح اسوي اليوم هالشغله لزوجي عشان أسعده امتثالا لامر الله ورسوله اجر....راح اتزين واتجمل لان الله جميل ويحب الجمال ....اجر...وقيسي عليها كل تفاصيل حياتك


خلي عندك نوايا متعدده عشان تجيك حسنات متعدده...على قد النوايا الله سبحانه بيزيد العطايا.....


في فرق بين شخص استحضر النيه واشتغل ووقت ماهو شغال حسابة الحسنات شغاله ...وشخص عمل بدون ان ينوي وتشوفه يشتغل واليوم الثاني يشتغل والي بعده يشتغل وكل ايامه زي بعضها ..مثل مارحتي جيتي...


مارأيت أعجز ممن عجز عن النيه ...


خلونا يابنات نبدا من بكره واول مانصحى من النوم نستحضر النيه في كل أعمالنا حتى سبحان الله راح تشوفي نفسك بتشتغلي وانتي مرتاحه نفسيا لانك حتعرفي ان كل تعبك ماراح يروح ع الفاضي وانك مأجوره وكل شغله بحسنه والحسنه بعشر امثالها والله يضاعف لمن يشاء احنا بنتعامل مع دين رحيم ورب كريم بس احنا الي بنبخل على أنفسنا بناات كفايه حرمان لاتحرمي نفسك الأجر وكافئيها بما تستحق ....