تحية عطررررة للجميع
للي راحت مصر اوتعرف مصريين حتسمع وتشوف عندهم اكله الكشري المصري ...... لذيذة وشهية ..... مش سهلة اوي ومش سريعة بس جميييييلة جدا
المكونات
عدس بني
مكرونة عقل صغيرة
شعرية + ارز مصري
4 بصلات كبار
زيت للقلي
حمص حسب الرغبة
===============
الدفة
ثوم + خل + صلصة + طماطم
محل وفلل وشطة حسب الرغبة
================
مدة التحضير والطهي ساعة الا ربع وانتى وشطرتك
يلا بسم الله
اولا اغسلي العدس البني وخليه نص ساعة منقوع في المية وبعدين اسلقيه ولما يستوى حطي ملح وفلفل
ثانيا اسلقي المعكرونة وصفيها وحطي ملح
ثالثا قطعي البصل قطع صغيرة واقليه في زيت غذير لحد ما يصبح لونه بني وليس اسود انتبهي لا تحرقيه لانه طعمه بيمرر في الاكل لو اتحرق ... انشلي البصل وصفية على ورق مناديل
رابعا في زيت قلي البصل حطي الشعرية وحريها ثم اضيفي الارز ثم الما المغلي ثم الملح والفلفل وقلبي ثم هدي النار خاااالص حتى يستوى الازر على نار هادية
خامسا الدقة قشري التوم اهرسية مع مل وفلفل هاتى تلات اربع الثوم وحمريه في قليل من الزيت وحطي عليه الصلصة وشوية مية وخل
ساسدسا الشطة ... هاتى باقي الثوم وحطي عليهم خل وشطة
=============================
خلاص كدا جهزنا كل حاجة .... نيجي للغرف ....
تحطي الارز الاول
ثم المعكرونة
ثم العدس البني
ثم الصلصة ثم البصل ولو حبيتي تزودي صلصة زودي .... والشطة حسب الرغبة
ودا صحن نزلته لجارتى لانها ست كريمة جدا وكل اسبوع لازم تطلع لنا كيك وقلت اصوره لكم ومعاه شوية من الشطة طيتها في كوب بلاستيك .... وقدمته لها في طبق العزايم 6 ف 1 ودا حلو جدا وعملي في التقديم ... وكان المفروض اكمل احط ملعقة وشوكة ومناديل وسكين للشكل العام بس ماكان في وقت بسرعة نزلته
والصحن دا لاخر واحدة ترد على الموضوع هع هع هع :time:
واسيبكم عشان عندي مواعين بالهبل على الاقل 4 حلل و3 اطباق و4 ملاعق غرف حاجات بسيطة كلها ... :angry:
لكم ودي