الوردة الحمراء22 @alord_alhmraaa22

عضوة جديدة

وعيت لنفسي بس بعد شونو ؟؟؟

مرحبا بنات
بصراحه نفسييتي تعبابه وايد
أحس أني ضايعه والسبب سمنتي
بنات انا آكل بالهبل ليل ونهار بدون وعايه بدون ما أحس بنفسي آكل وآكل وجسمي كل ماله يسمن ومب حاسه فيه لحد ما يه ذاك اليوم في يوم كنت في بيت صديقيتي كانت شاريه ميزان يديد قلت يلها خلني أوزن وزنت وكانت الصدمه (( وزني 104 )) وامصصصصيبتاه شلون جديه معقوله لأ أكيد الميزان خرفان ما صدقت رحت المستوصف ووزنت وكانت ميزان الكتروني لقيت وزن مع الأسف (( 104مع 600 جرام )) والله بنات قمت أصيح رجعت البيت ليش جديه قمت يم المنظره وقفت أتأمل جسمي لقيته وع أيه وع وما استحي اقول وع لأن الشحم في كل مكان في الزنود والأفخاذ والبطن وفي كل مكان
بنات ساعدوني شلون أخفف من وزني شلون بالأخص أخواني وخواتي وهم ياييين وهم طالعين كل واحد من فمه كلمه ( بسك بتنفجرين ) ( ليش هالكثر تاكلين حاسبي لنفسك ) وغيره من الكلام الا انتو عارفيينه والشئ الا جرحني أكثر وخلى نفسيتي زفت سمعت أمي تتكلم ويا أختي لكبيره من دون ما أعرفون ( يابنتي غير رايه الخطيب ما يبي الورده لنها مليانه ) صدقوني بنات صادني أحباط غير طبيعي ورحت وحطيت حرتي في الأكل زياده لكن بعد كل الى صار ما قمت أشتهي آكل قدام اخواني او خواتي أو أي أحد
صدقوني بنات تعقدت من سمنتي ومن جسمي لا لبس عدل ولا كشخه ولا شئ كله جلابيات حتى المناسبات ما أوح والسبب جسمي وحسيت أني وعيت لنفسي بس بعد شنو ؟؟ بعد ما وصلت لوزن (( 104 ))
سامحوني بنات أدري ثقلت عليكم بالحكي بس شسوي ما أقدر أطلع الا في قلبي الا ليكم
فبليييييييز ساعدوني هزئوني كفخوني أو سووا الا تبونه فيني بس أهم شئ ادولني على الطريق الصحيح
للعلم أنا من فتره كنت عند أخصائي تغذية وعطاني نظام حلو بس ما مشيت عليه لأن ما عندي أراده وسيطرة على نفسي

ساعدوني بنات ولا تتخلون عني :(

يلزم عليك تسجيل الدخول أولًا لكتابة تعليق.

تسجيل دخول

الماسه الغالية • 13 سنة

الله يكون في عونك
واليش العنف بلا عس مراح اضربك ولا كفخك
بلا عكس راح اقولك عن الاكل جيب صحان صغير مره وكوالي ولاتكثرين مره وبعد كولي زبادي وكثري من السلطه والحومض واشربي شاهي اخضربعد الاكل وباذن الله راح تنحفي وكثري الرقص تاره ينحف ههههههههههه
ياالله خلينه نحماس بعض ونحف ونتي عطيني رجيمك
وراح امشي عليه
وكثري شرب الماء قبل الاكل باساعه
عاد شوفي من ينصحك هههههههههههههههه
انا دابه بس وزني 80 اهي اهي مثل حالتك

رفيف الأشجار • 13 سنة

ياقلبي مافي شي مستحيل

شوفي هالرجيم وشار كي البنات الكل يمدحه

وانا جربته يبين في الجسم بسرعه ومافيه جوع ابد

http://forum.hawaaworld.com/showthread.php?t=2783691

وحاولي تمشين لو نص ساعه كل يوم

وابدأي من بكرا تراها فرصتك

وإن شاء الله تنحفين بصحه و عافيه يارب

بطيخة حمراء • 13 سنة

ياحبيبتي اشتري اول شي حاجه تسد الشهيه بعدها سوي لك رجيم قاسي وتحملي تخربينه حاولي اعتربيها حرررب بس مع الشحوم واللوزن ووري اهلك انك قدها وراح تنحفين وتصيرين مثال العزيمه القويه

حوا بجد • 13 سنة

ما رح نتخلى عنك انت بالمقابل بدك تساعدي نفسك اجباري
اخذت راحتك بالاكل يكفي
اوعدي وانوي نية صادقة انك لازم تتغيرين
ابدي بداية صحيحة وانا معك اشجعك واتواصل معك
ومالك ولا اي عذر

الوردة الحمراء22 • 13 سنة

السيده مودرن :

لا يمكنك مشاهدة هذا التعليق لانتهاكه شروط الاستخدام.

بصراحة ما توقعت منكم التواصل معي بهذي السرعة

شكررررررررا لكم على نصايحكم الا اعتبرها غاليه وثمينه عندي

انا ابيكم اتكونين معي تعطوني دفع معنوي نفسي

وثانكس مره ثانيه لكل من شجعني