السلام عليكم ورحمة الله وبركاته
هلا حبايبي حبيت مرة هالمنتدى كنت كله أشوف قصصكم وسوالفكم الحلوه وقررت أشترك وأصير عضوة أشاركم أفراحكم وهمومكم وأنا بصراحة قصتي قصة ولا ودي أطول عليكم بس بقولكم بأختصار اول ماتزوجت حملت بسرعه وكنا مستانسين أنا وزوجي وننتظرجية المولود وجبت بنوته وكانت فيها تشوهات داخلية وتوفت وهي تصارع الألم شهرين وبعدها حملت وكنت أبكي وخايفة وماكنت ابي هالحمل وكنت انط وانزل من الدرج بخطوات سريعه وزوجي تعبان نفسيا وبعدين اتصلت امي علي قالتلي تعالي أعالجج عند مرة في الكويت طب شعبي مع قراية وكان لي شهرينورحت اعالج عندها وقرت علي ولما رحت أولد ماكنت افكربالألم كنت صابرة بس انتظر متى ينزل الطفل عشان اعرف والحمدالله الله رزقني بنوته سليمة وكانت تبكي وانا ابكي معاها ماكنت اعرف انها اذا بكت انها سليمه لان البنت اللي ماتت كانت ماتبكي مخنووووقه حيييل وزرقه وبعدين حملت بسرعه وراى بنتي الله يخليها لي ولا رحت اعالج وجبت ولد نفس الشي توفى وحملت وجبت بنت ونفس الشي توفت وتعبت نفسيا حتى زوجي كل مايجيه خبر وصلني انه كان يجلس بالمجلس ويبكي ولما يجيني كان يصبرني ويقول هذا خير لنا عند ربي وفرط واللي عندنا تسوى الدنيا وكنت اشوف بعيونه لما يشوف العيال يحبهم ويبوسهم والحين أنا حــــــــــــامل وتعبانه نفسيــــــــــــــا من كثر ماافكر وكلام الناس اللي يقول ليه مايتزوج واللي يقول ليه مايطلقها عشان تدور نصيبها وانا تعبانه من سوالف هالناس فوق تعب التفكير بالطفل اللي بطني وانا الحين أعالج عند نفس المرة وتقول خير ان شاءالله الله بيرزقج ولا تفكرين انتي تعبانه من التفكير حتى يبنات مع علاجها ينزل معي الله يكرمكم شي غريب مع آلام بأسفل بطني وتقول شر والله بيخلصة منج تكفون أدعولي ودعوة المسلم لأخوه المسلم مستجابه تكفون انا حامل لي يومين وأدخل الخامس الله يرزق كل محروم ومحرومة بالذرية الصالحة السليمة المعافاة من كل مرض ويثبت حمل كل وحده حملها ضعيف يارب
أدعولي حبايبي فديتكم
المتفائله111 @almtfaylh111
عضوة جديدة
يلزم عليك تسجيل الدخول أولًا لكتابة تعليق.
رشة عود
•
الله يثبته لك ويقر عينك بشوفته ياااارب سليم معافى تام الخلق والخلقة
ياقلبي عليك الله يرزقك بالولد الصالح التام الذي ليس في خلقه زياده ولا نقصان ويهون عليك حملك وولادتك ويرزقك بعده بالذريه الصالحه المعافه من كل شر ومكروه
يارب يارب ياكريم ياعظيم ياقدير يرزقك بالذرية الصالحة ويحفظ جنينك من كل شر ويسلمة ويجعلة سليم معافى وقرة عين لك ولابوه ياكريم ياسميع الدعاء----امين
الصفحة الأخيرة