وفاة ابوي واخوي سببت لي خوف وقلق وزوجي مسكين

السلام عليكم ورحمة الله وبركاته 
ببدا قصتي قبل سنة صار لاخوي عمره 25 سنة حادث وتوفي وتعب ابوي من وفاة اخوي وصار بس يفكر ويترحم عليه وحنا جالسين مالاحظ الا وقال الله يعطيك الجنة يقصد اخوي الله يرحمه وصار ابوي بس يفكر ويوسوس وتعب وصرنا نراجع فيه المستشفي وقالو لنا فيه سرطان بالكبد كله اورام ولا نقدر نعطيه كيماوي علشان عنده جهاز خاص بتنظم دقات القلب ولا يتحمل وتعب مررره وصار ماياكل بس يوسوس واي شي يحس فيه بس يصارخ ودوني للمستشفي وتعب زادت حالته لحد ماصار علي عظم وجلد وتوفي قبل رمضان الله يرحمه 
ووقت تعب ابوي جاني الم فظيع ببطني ومعدتي وراحت للمستشفي وقالو جرثومة المعده وتعبت اشوف ابوي يتقطع قدامي وصارت نفسيتي زفت وبعدين توفي ابوي وزادت بالتعب والتفكير وكرهت زوجي وعيالي وجلست عند اهلي صرت اوسوس ان اللي صار لابوي فيني انا بعد وصرت ما اكل وتعالجت عن المعدة وخفت الحمد الله بس جاني قولون عصبي وهضمي من التفكير ان اللي فيني مثل ابوي وووووووووو وتملك مني الخوف والواسوس والقلق
والحين زوجي المسكين كل ماشافني تعبانه تضايق ماخلي ولا مستوصف ماوداني له وكل الدكاتره يقولون عادي اللي فيك قولون ونفسيتك تعبانه وهو يزيد عليك 
ويوم بدت نفسيتي تتحسن شوي ويجيني خبر ان زوجة ولد خالتي عمره 40 تقريبا اصيبت بسرطان القولون الله يشفيها 
وبدت حالتي تزداد بالسوء والتفكير والله تعبت ما احد يعلم بحالتي الا الله 
والحين اكتب لكم وانا نفسيتي زفت مرررررره اول ما اصحي من النوم يجيني قلق وخوف وتوتر ويبدا بطني يعورني ويبدا معي الاسهال تكرمون 
نكدت علي زوجي حياته حتي عيالي طفشو مني بس اهاوش واعصب ودايم فيني قلق وخوف والدكاتره سوو لي اشاعة علي بطني ومنظار وقالو كل شي سليم 
بس كيف ارتاح من التوتر والخوف والقلق الله يسعدكم من جاها نفس حالتي والله رحمت زوجي وخايفه يطفش مني حتي الاسبوع الجاي عندنا سفره للندن وخايفه انكد عليه تكفون ساعدوني ساعدوني الله يحرم وجهكم عن النار ،،