السلام عليكم كيكم ..
والله مدري كيف ببدا يمكن احد مر بنفس حالتي او يفهم اللي بوصل له بإختصار تزوجت عن حب من شخص كنت اعشقه عشق وبعد الزواج بانت عيوبه ومصايبه وعشت معه من صدمه لصدمه لمدة ٤ سنين باخر سنه حملت وجلست عند اهلي الى ان انفصلت بعد ولادتي على طول تعبت نفسيتي بس مع الوقت بديت اتأقلم وقويت نفسي بعد سنه من طلاقي توفت اختي قدام عيني فجأه بسكته قلبيه وفاتها هزتني هزززز كل القوه اللي فيني انهدمت اختي عندها اربع بنات اصغرهم كبر بنتي عمرها سنه واكبرهم عمرها ٩ سنوات عاشو معنا مع العلم بيتنا مافيه الا انا وامي صرت اهتم بالبنات وحطيت كل حياتي لهم وتركت وظيفتي لانه كان ضغط علي وماعاد صرت اقدر اوفق ، مر على وفاة اختي سنتين كبرو البنات وهم معي لكن بداخلي حزززن حزن عجزت القى له حل احس بداخلي الم ماعاد احس بشي يفرحني ودايماً الموت قدام عيني واحس كل شي فالدنيا مايسعدني فالنهايه بنموت صايره اشوف الدنيا تاافهه مع اني ترا ايجابيه والكل يشوفني متفائله ووالله راضيه بالقضاء والقدر ولاعمري نزلت دمعه قدام البنات عشان مااحسسهم بالألم بس دايماً قلبي ميت وودي احس بشعور السعاده ودي افرح احاول بس والله ماتغير شي مدري وش الحل تعبت 💔
ام حنان ❤️ @am_hnan_18
عضوة جديدة
يلزم عليك تسجيل الدخول أولًا لكتابة تعليق.
د فارسة الإسلام
•
اه ياقلبي الله يكون بعونك حبيبتي
الله يربط قلبكم وكتب الله أجرك البنات الكبار علميهم يشلون مسؤؤليتهم وتكون يدك بيدهم عوديهم على المسؤؤلية
@--@
•
سنتين فترة طبيعية عشان حزنين على هذي الظروف( طبعا الفترة تختلف من شخص لآخر ) بس أكيد النفس تحتاج وقت عشان تستوعب الصدمة وتحزن عليها ثم تجي مرحلة السلوان و التناسي ثم النسيان ( أكيد ما راح تنسين أختك و إنما نسيان الحزن الشديد و الاكتفاء بالدعاء لها و تذكرها بأعمال الخير ) و اللهو بمشاغل الحياة
عطي نفسك الوقت يا قلبي كلنا فقدنا ناس و ربك سبحانه كريم يجبر و يمسح على القلوب ،، و ما تدرين وش ربي كاتب لك ما تشوفين بعض المشاهير و الأغنياء بداياتهم صعبة ؟ ثم رزقهم ربي من حيث لا يحتسبون
انتي بعد احتمال أجمل أيامك ما عشتيها لسا ، و الأيام كفيلة بترميم روحك و إعادة رونقها
نقطة : انشغلي بالاهتمام بتفاصيل بنات أختك وبنتك و حبيهم من قلبك و خليك قريبة منهم خصوصا الكبيرة ، لأنها أكثر وحدة حست بفقدان أمها ، و انتي بعد كلما صارو سعيدين بتكونين سعيدة
عطي نفسك الوقت يا قلبي كلنا فقدنا ناس و ربك سبحانه كريم يجبر و يمسح على القلوب ،، و ما تدرين وش ربي كاتب لك ما تشوفين بعض المشاهير و الأغنياء بداياتهم صعبة ؟ ثم رزقهم ربي من حيث لا يحتسبون
انتي بعد احتمال أجمل أيامك ما عشتيها لسا ، و الأيام كفيلة بترميم روحك و إعادة رونقها
نقطة : انشغلي بالاهتمام بتفاصيل بنات أختك وبنتك و حبيهم من قلبك و خليك قريبة منهم خصوصا الكبيرة ، لأنها أكثر وحدة حست بفقدان أمها ، و انتي بعد كلما صارو سعيدين بتكونين سعيدة
أي ألم تحسين فيه وانتي إنسانه عظيمه كفلتي أيتام ورعيتيهم وعارفه حديث الرسول صلى الله عليه وسلم ( أنا وكافل اليتيم في الجنه كهاتين ) هذا الحديث يخليك تطيرين من الفرح غير إنهم بنات والرسول صلى الله عليه وسلم قال ( من عال جاريتين حتى يبلغا كن له ستراً من النار ) شايفه أي مكانه وصلتيها برعايتك لأربع بنات يتيمات لذلك إحتسبي الأجر واستمري على تفاؤلك بس لا تظلمين نفسك تقدرين ترجعين لوظيفتك وتجيبين عامله تساعدك وعلِّمي البنات يعتمدون على نفسهم قدر الإمكان وروِّحي عن نفسك من فتره لفتره وسوِّي الأشياء اللي تسعدك وادعي ربك بجوف الليل يشرح صدرك وييسِّر أمرك ويعينك على تربيتهم 🌺 أسأل الله أن يكتبلك السعاده الدائمه وفرح مايفارق قلبك ويجعل أيامك المقبله كلها فرح وسعاده ويرحم أختك ويجعلها في علييِّن ويديم عليك صحتك وعافيتك ويحفظك 🌺
الصفحة الأخيرة