حبيبتي الله يرحم أمك ويسكنه فسيح جناتة
عزيزتي أتمني أكون لك صديقة تبادلينة المحبة والأخلاص علي أرض الواقع عمري أنا أعرف وحده عمره13 سنة وتوفت أمها تركت لها7أفراد أصغرهم 6شهور وفوق هذا تحملت وأبوه متزوج منقبل طلبت منأبوه تكون اهم شقة خاصة بعيدة عن زوجته وهذا ماحصل عمري يوم الخميس والأربعاء أقضيها أنتي وأخوانك في بيت جدك وسط خالاتك واذاتشتكين من أسلواب حرمة أبوك يمكن توسطين أخوالك وخالاتك عند أبوك يوضح له الوضع والله يسهل أمرك
um hissa
•
أبكيتيني يا مخاوية جروحها .... والله اني احسست بالحرقة اللي بقلبك ... أحسست بك كأنك اختي الصغيرة ,,, و تمنيت اني أحضنك وأهدي روعك ....
غاليتي ...
الله يرحم والدتك واسع الرحمة و يغفر لها و يدخلها جناته من حيث لا تحتسب امين ... ....
الله ان شاء الله بيجمعك معاها ( بعد عمر طويل ) في جناته .... انتي اجتهدي لذاك اليوم يا حبيبتي ...
بالنسبة لوالدك .... الله يهديه ... في رجال طريقتهم كذا ,,, ما يحطون اعتبار لشئ اسمه صدمة , روعة , حزن .... ربوهم اهلهم انهم يواجهون الشئ الصعب بقوة و الغاء للمشاعر ...
أبوك ما سوا فيكم كذا , الا هو مسوا به كذا بعد ...
بالنسبة للزواج ...
ادري يا حبيبتي , صعب عليك تشوفين وحدة حلت مكان امك ... صعب ... بس صدقيني , أمك ترى الان مش من اهل الدنيا ... و لا يهمها ان ابوك تزوج و الا ما تزوج ... فلا تضايقين نفسك و تتخيلين موقفها ,,, و انتي ... أبيك يا عمري عليك , تتفائلين ... ما اقولك : انسي , و خلاص ,,, انا ما ألومك بمشاعرك أبدا أبدا ابدا .... بس الحياة تسير ... و بقاء الحال من المحال ...
هذه الواقعة انضجتك قبل اوانك ... بس زادتك قوة !
انتي عندك قوة , يمكن اقوى من الرجال الدارسين و الفاهمين أنفسهم ... تقدرين بها تواجهين المشاكل و تحلينها بعقل كبير ...
حبيبتي ....
تقولين ان ابوك كان مدللك من قبل ... صدقيني , دام ابوك هذا هو طبعه , بيرجع له ...
بس الحين مثل ما تقولين , فرحان بالعروسة الجديدة , فرحان بالتشبب , فرحان بالوضع الجديد , فرحان بالتدليع اللي جايه و صاير اسمحي لي بالكلمة ... مثل الطفل ...
بس ترى كلها فترة و بيرجع زي ما كان ... و بتذكرين كلامي ...
في الوقت الحاضر ابيك تركزين على شيئين :
- نفسك .... لا تصيرين فريسة سهلة للهم و الاكتئاب و الحزن و الدموع ,,, قوي نفسك !!
ترى الشيطان يستانس اذا شافك كذا ... تذكري يا الغالية , ان هذا ابتلاء من الله ... يبي يشوف كيف بتسوون في هذا الامتحان ( القاسي ) ... و كل امتحان و له وقت و ينتهي ان شاء الله , لو طال .
ما يحتاج اقولك كيف تقوين نفسك .... كفاية انك مسلمة ... يعني غيرك من غير المسلمين يتلتهون , ما يلقون شئ يساعدهم في محنتهم , و انتي الحمدلله , هالشئ بين أيديك ,,, القران و الصلاة و الدعاااااااااااااااااااااااااااااااااااء .
قرري بينك و بين نفسك , انك بتقومين الليل و خاصة الثلث الاخير و تقرين قران و تدعين بالفرج لمدة شهر ,,, و انتي شوفي النتايج عليك .... ما في احد اعطاك هالنصيحة الا عارف بنتايجها المذهلة ان شاء الله !
اذا علاقتك زينة بأحد قريباتك الكبيرات في السن ( خالة / عمة / زوجة خال او عم ) وكانت هالمرأة فعلا عاقلة و تخاف الله أهم شئ مش راعية سوالف و قيل و قال ( ترى مش كل كبيرة في السن عاقلة ) .... تقربي منها ... استفيدي من نصايحها ....
تقربي من اخوانك الصغار و الكبار ... الكبار اتفقي معاهم على انهم ما يكون كل واحد منكم في حاله و ما يدري عن الثاني لان هذا اللي ما تبيه والدتكم رحمة الله عليها ...
خلوا لكم وقت تجتمعون فيه مثلا العصر , المغرب , سولفوا , اضحكوا , ساعدوا بعض , شوفوا ايش يحتاج الثاني ,,, سواء كانوا اكبر منك او أصغر منك , علموا انفسكم ان كل واحد فيكم يسأل عن احوال الثاني و يساعده ( لا تخلين المسؤلية عليك بس , وزعوها ) صدقيني , هذا بيزيد قربكم من بعض ....
البنت الصغيرة محتاجة دفتر مثلا ... خليها تروح مع اخوك و تجيبه سواء هو يسوق أو مع السواق , يركب معها ,و يشوف طلباتها ,,, هذا بيزيد تقاربكم من بعض و حرص كل واحد على الثاني ...
افتحوا قلوبكم لبعض , وابعثوا الامل فيها .... اخوانك الصغار اذا شافوكم كذا , راح يتفائلون , و ينظرون للمستقبل بأمل .... يعني ان شاء الله بدون عقد نفسية و بالتالي يكونون اسر مثلهم سليمة ...
الكبار وزعوا المسؤلية عليكم ,,, لا تستحين تمسكين ورقة و قلم و تتناقشون , و تتفقون على أبسط الاشياء ... كل ما حسوا بالمسولية , كل ما زاد اهتمامهم و قربهم في بعض ... فالاتحاد قوة :)
- الشئ الثاني اللي أبيك تركزين عليه يا حبيبتي ... هو انك لا تقطعين التواصل مع ابوك ...
انتي قلبك شايل عليه ,,, و انا ما ألومك .... بس اقولك حاولي ...
ارسلي له على الجوال مسج مثلا تقولين له ( مشتاقة لحناااااانك يا يبا ) بس .
اذا جيتي تسلمين عليه , احضنيه بقوة .... صدقيني , لو صخرة بيلين ... و لا تسوين كذا الا بينك و بينه ....
استخدمي الكلمات الحلوة من اللي تستخدمها عادة البنت لابوها ... مثلا
يبا ... الله لا يخلينا منك امين , محتاجين... كذا .
يبا... الله يطول لنا في عمرك , ممكن توديني ... كذا .
يبا.. الله لا يحرمنا منك , اختي تبي كذا ...
حاولي ايضا ,,, تقربينه منكم ,,,, قهويه , و سولفي معه ,,, واضحكي معه , خليه يتعلق بمجلسكم ,,, خلي خواتك الصغار ( اذا صغار ) و هو جالس يحضنونه ,,, و يقعدون في حضنه ( انتي قولي لهم ) ... و يسولفون عليه عن المدرسة ,,,
مرة جيبوا طاري موقف حلو على حياة الوالدة رحمة الله عليها ... هالشئ كله , و الله العظيم راااح يفيدكم ....
عمر الجفاء و القلب المشحون , عمره ما جاااب نتايج !
أغدقوا على انفسكم بالحب , بينكم و بين بعضكم , و بينكم و بين ابوكم ... بتجيكم ايام صعبة ,,,مثل كل الناااااااااااس .... ترى كلنا عندنا مشاكل و زعل , بس نرجع و نحاول نصلح الامور , ما نتركها سايبة ...
أقنعي نفسك با الغالية , ان هذا الله اللي كاتبه لكم ,,, من قبل لا يتزوج ابوك أمك ....
ما تدرين ايش الحكمة في كل ما يدور في حياتكم ...
اقري هالاية اللي الله سبحانه قايلها و لا احد غيره :
( و عسى ان تكرهوا شيئا و هو خـــــــــــــــــــــــــــــــــــــــــــير لكم ) .
قلبي معاك .... أحلف بالله ان قلبي معاك ....
بس متفائلة .... و أبيك تطمنيني عليكم ... اعتبريني اختك الكبيرة .... والله يتقبل ما ادعي لكم .
غاليتي ...
الله يرحم والدتك واسع الرحمة و يغفر لها و يدخلها جناته من حيث لا تحتسب امين ... ....
الله ان شاء الله بيجمعك معاها ( بعد عمر طويل ) في جناته .... انتي اجتهدي لذاك اليوم يا حبيبتي ...
بالنسبة لوالدك .... الله يهديه ... في رجال طريقتهم كذا ,,, ما يحطون اعتبار لشئ اسمه صدمة , روعة , حزن .... ربوهم اهلهم انهم يواجهون الشئ الصعب بقوة و الغاء للمشاعر ...
أبوك ما سوا فيكم كذا , الا هو مسوا به كذا بعد ...
بالنسبة للزواج ...
ادري يا حبيبتي , صعب عليك تشوفين وحدة حلت مكان امك ... صعب ... بس صدقيني , أمك ترى الان مش من اهل الدنيا ... و لا يهمها ان ابوك تزوج و الا ما تزوج ... فلا تضايقين نفسك و تتخيلين موقفها ,,, و انتي ... أبيك يا عمري عليك , تتفائلين ... ما اقولك : انسي , و خلاص ,,, انا ما ألومك بمشاعرك أبدا أبدا ابدا .... بس الحياة تسير ... و بقاء الحال من المحال ...
هذه الواقعة انضجتك قبل اوانك ... بس زادتك قوة !
انتي عندك قوة , يمكن اقوى من الرجال الدارسين و الفاهمين أنفسهم ... تقدرين بها تواجهين المشاكل و تحلينها بعقل كبير ...
حبيبتي ....
تقولين ان ابوك كان مدللك من قبل ... صدقيني , دام ابوك هذا هو طبعه , بيرجع له ...
بس الحين مثل ما تقولين , فرحان بالعروسة الجديدة , فرحان بالتشبب , فرحان بالوضع الجديد , فرحان بالتدليع اللي جايه و صاير اسمحي لي بالكلمة ... مثل الطفل ...
بس ترى كلها فترة و بيرجع زي ما كان ... و بتذكرين كلامي ...
في الوقت الحاضر ابيك تركزين على شيئين :
- نفسك .... لا تصيرين فريسة سهلة للهم و الاكتئاب و الحزن و الدموع ,,, قوي نفسك !!
ترى الشيطان يستانس اذا شافك كذا ... تذكري يا الغالية , ان هذا ابتلاء من الله ... يبي يشوف كيف بتسوون في هذا الامتحان ( القاسي ) ... و كل امتحان و له وقت و ينتهي ان شاء الله , لو طال .
ما يحتاج اقولك كيف تقوين نفسك .... كفاية انك مسلمة ... يعني غيرك من غير المسلمين يتلتهون , ما يلقون شئ يساعدهم في محنتهم , و انتي الحمدلله , هالشئ بين أيديك ,,, القران و الصلاة و الدعاااااااااااااااااااااااااااااااااااء .
قرري بينك و بين نفسك , انك بتقومين الليل و خاصة الثلث الاخير و تقرين قران و تدعين بالفرج لمدة شهر ,,, و انتي شوفي النتايج عليك .... ما في احد اعطاك هالنصيحة الا عارف بنتايجها المذهلة ان شاء الله !
اذا علاقتك زينة بأحد قريباتك الكبيرات في السن ( خالة / عمة / زوجة خال او عم ) وكانت هالمرأة فعلا عاقلة و تخاف الله أهم شئ مش راعية سوالف و قيل و قال ( ترى مش كل كبيرة في السن عاقلة ) .... تقربي منها ... استفيدي من نصايحها ....
تقربي من اخوانك الصغار و الكبار ... الكبار اتفقي معاهم على انهم ما يكون كل واحد منكم في حاله و ما يدري عن الثاني لان هذا اللي ما تبيه والدتكم رحمة الله عليها ...
خلوا لكم وقت تجتمعون فيه مثلا العصر , المغرب , سولفوا , اضحكوا , ساعدوا بعض , شوفوا ايش يحتاج الثاني ,,, سواء كانوا اكبر منك او أصغر منك , علموا انفسكم ان كل واحد فيكم يسأل عن احوال الثاني و يساعده ( لا تخلين المسؤلية عليك بس , وزعوها ) صدقيني , هذا بيزيد قربكم من بعض ....
البنت الصغيرة محتاجة دفتر مثلا ... خليها تروح مع اخوك و تجيبه سواء هو يسوق أو مع السواق , يركب معها ,و يشوف طلباتها ,,, هذا بيزيد تقاربكم من بعض و حرص كل واحد على الثاني ...
افتحوا قلوبكم لبعض , وابعثوا الامل فيها .... اخوانك الصغار اذا شافوكم كذا , راح يتفائلون , و ينظرون للمستقبل بأمل .... يعني ان شاء الله بدون عقد نفسية و بالتالي يكونون اسر مثلهم سليمة ...
الكبار وزعوا المسؤلية عليكم ,,, لا تستحين تمسكين ورقة و قلم و تتناقشون , و تتفقون على أبسط الاشياء ... كل ما حسوا بالمسولية , كل ما زاد اهتمامهم و قربهم في بعض ... فالاتحاد قوة :)
- الشئ الثاني اللي أبيك تركزين عليه يا حبيبتي ... هو انك لا تقطعين التواصل مع ابوك ...
انتي قلبك شايل عليه ,,, و انا ما ألومك .... بس اقولك حاولي ...
ارسلي له على الجوال مسج مثلا تقولين له ( مشتاقة لحناااااانك يا يبا ) بس .
اذا جيتي تسلمين عليه , احضنيه بقوة .... صدقيني , لو صخرة بيلين ... و لا تسوين كذا الا بينك و بينه ....
استخدمي الكلمات الحلوة من اللي تستخدمها عادة البنت لابوها ... مثلا
يبا ... الله لا يخلينا منك امين , محتاجين... كذا .
يبا... الله يطول لنا في عمرك , ممكن توديني ... كذا .
يبا.. الله لا يحرمنا منك , اختي تبي كذا ...
حاولي ايضا ,,, تقربينه منكم ,,,, قهويه , و سولفي معه ,,, واضحكي معه , خليه يتعلق بمجلسكم ,,, خلي خواتك الصغار ( اذا صغار ) و هو جالس يحضنونه ,,, و يقعدون في حضنه ( انتي قولي لهم ) ... و يسولفون عليه عن المدرسة ,,,
مرة جيبوا طاري موقف حلو على حياة الوالدة رحمة الله عليها ... هالشئ كله , و الله العظيم راااح يفيدكم ....
عمر الجفاء و القلب المشحون , عمره ما جاااب نتايج !
أغدقوا على انفسكم بالحب , بينكم و بين بعضكم , و بينكم و بين ابوكم ... بتجيكم ايام صعبة ,,,مثل كل الناااااااااااس .... ترى كلنا عندنا مشاكل و زعل , بس نرجع و نحاول نصلح الامور , ما نتركها سايبة ...
أقنعي نفسك با الغالية , ان هذا الله اللي كاتبه لكم ,,, من قبل لا يتزوج ابوك أمك ....
ما تدرين ايش الحكمة في كل ما يدور في حياتكم ...
اقري هالاية اللي الله سبحانه قايلها و لا احد غيره :
( و عسى ان تكرهوا شيئا و هو خـــــــــــــــــــــــــــــــــــــــــــير لكم ) .
قلبي معاك .... أحلف بالله ان قلبي معاك ....
بس متفائلة .... و أبيك تطمنيني عليكم ... اعتبريني اختك الكبيرة .... والله يتقبل ما ادعي لكم .
light410
•
ان العين لتدمع وان القلب ليحزن لفراق الاحباب ولكن هذه الدنيا والسعيد من سعى وارضى ربه اللهم اغفر لوالدتك وارحمها واعفو عنها المؤمن مبتلى وان الله اذا احب عبده ابتلاه فابشري اخيتي فان الله يحبك اصبري واسعي على ارشاد وتوجيه اخوانك على الطريق الصحيح وربنا لن يضيع من رجاه ادعي ربك قائمة قاعدة بالثبات لك ولااخوانك وان الله يسخر والدك وزوجته لكم اللهم امين والله دمعت عيني الله يصبركم وما تشوفون شر والله معكم
الصفحة الأخيرة
عليك بالاستغفار وكثرة الدعاء
واهتمي باخوانك >>>>> الله يخليكم لبعض