كيفكم يا حريييييييم
ان شاء الله مبسوطين
انا اليوم ولله الحمد بعد مرور 3 اشهر بالتجربة
واكيييييييد عارفين التجربه خير برهان
استطعت توفير 250 ريال في الشهر الواحد
ههههههههه عارفة مو كتير بس والله تسد حاجه
:27:
مرة عربيه مرة عامية اهم شي تفهموني
والطريقه كالأتي :
بكل بساطه سرت ما اروح السوبرماركت نهائيا
ابدا ابدا ابدا
قاطعتها
:44:
والله كان شي صعب
بس ها ما قعدنا من غير مقاضي
اجيكم بالشرح
:09:
يعني كل يوم في الليل اقرر ايش ناقص البيت
واكتب بورقة واعلقها على الباب
يقوم اطال الله في عمره
ابو العيال ياخذ الورقه معاه
:arb:
وبعد ما ينتهي من الدوام يعدي على سوق الخضار المركزي
السوق هذا عندنا في المدينه يبيع كل شي بسعر الجمله
من منضفات ومعلبات وخضار وفواكه وكل شي كل شي
بس ها اللي زوجها ما يحب مشاوير الظهر تخلي يجيبها في الليل
مو تقولو ام دودي قالت وتسير مشاكل وتبلشوني
انا الله يخلي ليا نشيط يحب يروح الظهر عشان ما يخرج من البيت تاني
:7_5_131:
لو اي وحدة جات تحسبها لما نروح السوبر ماركت كم ندفع
واغلب الاشياء مو ظرورية
وخاصه لما نروح مع الاطفال ياسلااااااااام على الفاتورة
يعني الفائده الاولى ما نشتري الا الضروري
وتاني فائده فرق الاسعار
صح السوبرماركت تعمل خصم على بعض البضائع بس تعوض ببضائع تانيه
واحنا نشتري وما نحس
والله اشياء كتيرة البقاله تبيعها ارخص
مثلا : الاريل كنت اشتري من السوبرماركت ب37.5ريال
لكن من البقاله والله العظيم اشتريته ب35 ريال
وغير باقي الاشياء
انا وفرت حوالي 250 بالشهر
مين الشاطرة توفر اكتر
ههههههههههه
نسوي مسابقه
ومرة اسفه طولت عليكم
حبيت اطرح تجربتي وان شاء الله تستفيدو
حلوة اطرح صح
هههههههههه
ام دودي العسل @am_dody_alaasl_1
عضوة فعالة
يلزم عليك تسجيل الدخول أولًا لكتابة تعليق.
#اسيل#
•
حياتي كلها لك ............ هههههههههههههههههههههههههههههه نفس الحالة ههههههههههههههه.............
الصفحة الأخيرة
اخر شئ افكر فيه اني اوفر لو ريال
مستحيييييييييييييييييل
ما ارتاح لو اشوف اي رقم برصيدي لازم اصفررررررررررررر حتى استقر في البيت