اخواتي الشيفات الحلوات
ده ثاني موضوع ليا في فعالية استقبال الشهر الكريم
في الموضوع الاول كان الاستقبال بالتزيين وبشجرة رمضان المميزة للأطفال
لكن هنا في موضوعي ده هاقولكم اهم استعداداتي قبل رمضان باسبوع
توفر وقت كتييييير جدا في رمضان
ودايما قبل رمضان باسبوع انزل اشتري المستلزمات الآتية قبل ما اشتري الياميش
اولا :
انا اشتري اللحم المفروم بكمية كويسة
وابدا اشتغل في يوم
اعمل جزء منه لحم مفروم معصج ولما يبرد اقسمه في أكياس واضعه في الفريزر
وجزء آخر اعمل منه كفتة واصبعها واضعها باطباق فويل والفها واضعها بالفريزر
وجزء آخر اعمل منه برجر واجهز اقراصه واضع بين كل قرص والآخر كيس بلاستيك لمنع الالتصاق ثم اضعه في الفريزر
وده بيبقي في يوم
يوم آخر اجيب الدجاج واقطعه واغسله جيدا وبعضه اتبله تتبيلة الشواء وبعضه انظفه واتركه كما هو او مقطع واضعهم بأكياس ثم في الفريزر
يوم آخر اجيب فيه طماطم كتيييير
وابدا اعمل صلصة بالطماطم والبصل جاهزة على طول
ولما تبرد اضعها باكياس وتلحق باخواتها في الفريزر
يوم آخر اجيب الثوم واقشره واهرسه مع الملح واضعه ببرطمان زجاجي وعلى الوجه معلقة زيت ثم اضعه بالفريزر
ويوم للكفتة إلى بالأرز وبعد ما اعملها واصبعها واحمرها اضعها في أكياس أيضا وعلى الفريزر
يوم بقي بيبقي مخصوص للفلفل بكل ألوانه اغسله واقطعه قطع صغيرة جدا واضعه بأكياس كل كيس على قدر أكلة خاصة الفلفل الاصفر والاحمر وفي الفريزر احتفظ بهم لمدة طويلة ولا اخذ وقت في تجهيزهم
يوم بقي لأهم شيء وهو لتدميس الفول وتجهيزه في أكياس بعدد أيام الشهر كل كيس على قدر أكلة
وكذلك إعداد الزبادي المنزلي اللذيذ استعدادا للشهر الكريم
بكده بقي في رمضان بيدخل عليا وانا مرتاحة جدا
اللحوم جاهزة ومغسولة
واللحم المعصج جاهز
الصلصات جاهزة للطبيخ مباشرة او للمحشي او للمكرونات
الفلفل الملون جاهز ومقطع
وأكياس الخضار البسلة والفاصوليا الخ جاهزة
الفول جاهز للسحور مع الزبادي
فيكون الوقت امامي كافيا للعبادة ومتابعة البنات
ووقت المطبخ تقلص للنصف
مع هذا الحر الشديد
اجارنا الله واجاركم من حر جهنم
انا حاولت اصور بعض الأكياس التى في الواجهة
ولكن لم استطيع الغوص في دهاليز الفريزر لتصوير باقي الأكياس والا انهار كله فوقي
صورت الزبادي البيتي
والفول المدمس
وبعض الصلصة والخضروات
جربوا تعملوا كده قبل رمضان هاتلاقوا الموضوع يفرق معكم جداااا في الوقت
وحطيت هنا صورة برضو لزينة رمضان الى زيناها انا والبنات في ليلة رمضان وبقية الصور موجودة في موضوعي الاول ورابطه في الفعالية يا اجمل شيفات
ورمضان كريم علينا وعليكم
وكل عام وانتم بالف صحة وسلامة
مااحب افرزن ولاعمري جربته😊