لا اريد ان اطيل عليكم لانى حكايتى طويله عمرها 24 عاما منذ بدايه زواجى حتى الان ....و رزقنى الله بولد وبنتين احتملت الحياه من اجلهم...اعتبر نفسى فى مرحله قبل الاخيره
وحتى تفهمونى لابد ان احكى لكم موجز من المرحله الاولى فى حياتى
انا انسانه ملتزمه اخلاقيا ودينيا دون تطرف ومن عائله محترمه وجامعيه ومقبوله الشكل ولا اعمل واجتماعيه عندى شقتى التى اعيش فيها ميراث من ابى ومبلغ بسيط فى البنك اتفنن حتى يكفى طلباتى الضروريه .. .. وكنت ومازلت والله اعلم اسرتى هى اهم حاجه فى حياتى
وزوجى انسان يعمل فى وظيفه مرموقه ومغرور ومتكبر وعصبى جدا ويضايقه جدا اى مصروفات ضروريه وجربت كل الطرق حتى اتفادى المشاكل الماديه معه وحتى احصل على الضروريات باعجوبه ودائما له اصدقاء دون المستوى ......وتوجد فى حياته دايما اخت صديق او زوجه صديق او انسانه تتجاوز علاقته بيها كل الحدود ودايما عنده موبيلات وخطوط واسماء سيدات مسجله باسماء رجال.......
وكنت احبه وراضيه بحياتى ونصيبى وكنت فى الماضى اراه متدينا وعلى خلق ومحبا لى ولاولادى ولكن سرعان ما اختلفت الصوره ووجدت انى و اولادى مجرد جزء من الصوره الاجتماعيه له يصحبنا فى المناسبات والاعياد حتى تكتمل الصوره وبعد ذلك يتركنا ويتابعنا بتليفونات ودايما يختار اماكن عمله بعيده ونلتقى فى نهايه الاسبوع ومعظم الوقت عند اسرته التى تعاملنا انا واولادى معامله اسرى الحرب .... ولا اذكر انى قضيت اجازه واحده معه سعيده لانه دائما يصر على وجود اصدقاءه معنا واكون انا واولادى كدخلاء عليهم
وتحدث مشاكل كتيره كلها تنحصر فى اننا ملتزمين وهم متحررين والله اعلم ببواطن الامور
ولا اخفى عليكم اننا انفصلنا مره بسبب صديق واخته كان مصر على وجودهم فى حياتنا ولاحظت الاهتمام المتبادل والتجاوزات بينهم وفى وجودى واكتشفت بعد فتره انها ارمله
وهو لم ينفى واكد انه سيتزوج وبالنسبه لاهله خذلونى وكانى قطه وتخلصوا منها
وبعد سنوات قليله قضاهم بعيدا عنا دون زواج معلن اكد انه ليس له فى الدنيا غيرى واولادى
وطبعا وافقت بالحاح من ابنى لانه قالى انا موش عاوز بابا يتزوج ويخلف عيال تانين ويحرق دمنا
ولان اولادى وصلوا لمراحل دراسيه محتاجه لمبالغ كبيره ولانى كنت رافضه فكره ان اتزوج نهائيا من اجل اولادى
وطبعا زوجى فرح معانا شويه ورجع لطبيعته .. متقلب الاحوال ..غامض له صداقاته المريبه وانا احاول احافظ على بيتى علشان اولادى كبروا وبنتى مخطوبه
حاولت ان اعمل معاه معاهدت كتيره وفاشله
يصالحنى يوم ويجرحنى تانى يوم
يوم حبيب وتانى يوم بدون سبب يكون عدو
والمصيبه يحاول ان يوقع بينى وبين اولادى وينجح احيانا لانه يغير جدا من حبهم لى وهو رصيدى الوحيد فى الحياه وانا ربيت اولادى احسن تربيه لو انا كتبت تفاصيل قصتى لن تكفى صفحات وصفحات
انا تعبت وزهقت ومرضت كتير وندمت لانى ضحيت بنفسى لاننا اجتماعيا مازلنا اسره فاشله
وكل من حولى يستكترون على اى نجاح او سعاده سواء من اسرتى او اسرته
اعرف ان كل واحده هتقولى كملى تضحيه وانا بحاول ولكن فقدت قدرتى على التسامح
وفقدت قدرتى على السعاده....
حتى انى امس خفت انام قلت فى نفسى هقوم مصابه بجلطه اوشلل
لانه اهاننى بدون سبب وينادنى باسم امى التى يكرها ويصب عليها لعاناته
ويتهمها دائما انها سبب كل المشاكل ولا اقول ان امى ملاك ولكن هى غير مسئوله عن فشل حياتنا
ملكه البكاء @mlkh_albkaaa
عضوة جديدة
يلزم عليك تسجيل الدخول أولًا لكتابة تعليق.
أم مياس ووسن
•
قولي له لي الشرف والعز اكون امي
الصفحة الأخيرة