وفقها الله اللي تساعدني بشتري غسالة صحون

السلام عليكم

والله يا عمري انا عندي الغساله من زمااااان

بس والله ما استعملها

كنت اتوقع انها مريحه بس بعدين حسيت بالمعاناه

لازم ما تحطين فيها الاالصحون اللي شبه متوسخه
بس اذا عالق عليها شيء لازم تمسحينه
لانها احيانا اتظل البقعه موجوده
(يعني اللي تحتاج دعك.)..


وكنت اجمع فيها من اول اليوم الصحون والاكواب
وبعدين اذا احتجت صحون اطلعها واغسلها بايدي
خخخخخخخخ

بالمقابل اذا غسلتها على طول ما بتاخذ وقت

تستهلك ماي وحراره

وبالبدايه كنت كلما افتحها بعد الغسيل الاقي كاسه مكسوره

لغاية ما صرت استعملها بدون تجفيف

طبعا تطلع الصحون مبقعه من الماي

كنت استعمل صابون بودره خاصه بالغساله
وكانت تطلع الكاسات كأن الصابون مو ذايب عدل
او بمعنى اخر
اثار الصابون عليها

وجبت السائل بس ما ارتحت
فصرت لما اشيل منها الكاسات اغسلها ثاني

خخخخخخخخخخخخ


وتعالي لما اتخلص الغساله
يلالالالالالالالالالالالالالالالالا
شيلي كل اللي فيها
طبعا اتكونين حطيتي فيها بالهبل
فوق وتحت
تقريبا كل اللي عندج بالادراج .....

وبعدين يلا رديهم مكانهم..
والله كنت اتعب منها




والله الكلام مو احباط بس اقولج
كيف انا مع الغساله وكيف انها ما ناسبتني

لاني سريعه والحمد لله كل شيء يخلص بسرررررعه..

يمكن الغسالات اتطورت الحين
وصارت احسن
بس فعلا اني ما حبيتها


هذا رايي الشخصي ....
مو ملزمه تاخذينه....


وشوفي الاخوات يمكن عندهم الاخبار الحلوه والساره


والله يوفقج
يا عمري

اختي ريماس

نسيت اقولج

عاد ادعيلي ان الله ايوفقني

مو لاني ما مدحتها اتصير الدعوه مو شاملتني


خخخخخخخخ


امزح معاج يا عمري

الله يوفقج ويحفظج

راحله ضحكتيني الله يخرب عقل شيطانك خخخخخخخخخخخخخخخخخخخ
عموما الله يوفقك دنيا وآخره

بس مرة خالي عندها وحده رهيبه ومريحتها هي جايه مع المطبخ لنهم باسكان التحليه تبع شغل خالي
طيب حقتك ايش ماركتها وبكم شاريتها ؟

بس معقوله ولا وحده مجربتها يابنات وينكم عاد

انا استعملته من زمان يوم كنت عايشه في المانيا كانت الغساله الي عندي وايد زينه حتى الجدور الي حجمه معقول كنت احطه بداخله بس اكيد هي ماركه المانيه وخبرج الالمان ما يعلا على اجهزتهم انصحج اشتري النوعيه الممتازه بقض النظر عن السعر علشان اتدوم حقج
الله يوفقج

ليل البنادر هلا فيك عيوني ومشكوره لردك


وين باقي البنات مافيه حتى مجامله للرفع مثلا