والله يختي امثال هالسلفه كثير انا عرفت بعد زواج احد اخواني ان حرمت اخوي اللي اكبر منه كانت تكلمها بالتلفون وتملي راسها علينا ونحن مخلينها مثل اختنا !! ونحبها وطيبين معها واصلا امي ماتتدخل بحياة اخواني وعادينها وحده منا وتفاجئنا لما تزوج اخوي الاصغر وجت زوجته بيتنا انها مب طبيعيه دايما لحالها وفي غرفتها وتتجنبنا نضحك نسولف معاها وهي يالله يالله ترد بكلمتين لين بعدها بفترة طلع المستخبي والسلفه الجديده طلعت اللي بقلبها لاختي وقالت لها بعد ماشافت تعاملنا فررررررررق 100% عن اللي نقل لها وقالت لها فلانه كانت تتصل علي وتحرضني عليكم وتقولي اشياء مخيفه عن تعاملكم معاها !!!

احنا سكتنا بس هي شكلها قالت لاخوي وصار اخوي يحذرها من القعده مع سلفتها ونحنا خلينا نفسنا مو دارين باي شي لان ربي كشفها وكل مستور مصيره يطلع

واذا هي يختي على قولة المصريين خشخيشه بيد كل حد كلمه توديها يمين وكلمه تردها يسار هاي مشكلتها اذا تبي تهدم بيتها وتخسر زوجها واهل زوجها هاي مشكلتها انتو مب مسؤولين عنها بس لو منك اوقفها عند حدها لما تتكلم على اهل الزوج بس بينهم خليهم براحتهم يعني في اختراع اسمه تلفون بتبعدونهم عن بعض في الاجتماعات بس بينهم تلفونات ولقاءات واللي يبي الشي مايغلبه هل انتم بعد مسؤولين عنها في بيتها وعن مكالماتها ؟؟ المهم انكم قلتم لاخوكم وعرف اذا تغيرت زوجته منو السبب واعتقد انه رجال يقدر يحكم بيته وزوجته وتصرفاتها واذا فشل في هالشي انتو مالكم ذنب

تعرفين حرمه اخوي اللي كانت تحش فينا اللحين تمووووووووت وتتقرب لنا !! يعني من بعد ما طلعت اخوي من البيت غصب عنه وسوت لنا مشاكل من لا شي وعزلت نفسها لما شافت كيف كل حريم اخواني معانا الا هي اللحين تغيرت كثيييييييييييير الله يهديها ووالله نحن نحبهم كلهم ولا نفرق بين وحده والثانيه بس هم يفرقون ويعزلون نفسهم ويبعدون حياتهم عنا ولما صارت بحالها رجعت تدور القرب !!

الله يعين يختي

الله يكفيكم شرهم
ويهديهم
ويصلحهم
ويسخرهم لأزواجهم

صدقيني راح يجي يوم يعرفون النعمة اللي هم فيها يوم الله رزقهم بأهل أزواج طيبين
وكل إنسان راح يلاقي عمله
الله يرزقنا طاعته ورضاه

تقول اكييييييد مستحييييل ولو تشوفينها كيف فاغره فمها وحواسها تقولين هذي اول مره تقابل ناااس !!
انسانه غريبه بكل المقاييس .. الله يهديها ويصلحها

الله يعينكم علي حريم اخوانك ونشوفك بعدين تكتبي عنك انتي وسلفتك ههههههه

يا حبيبتي والله حاسة فيك وعندنا أبشرك نموذجين من حريم أخوانك لاكن أنتم مصيبتكم أهون لا الثنتين ما يعرفون بعض لاكن حنا النموذجين أخوات يعني كيف تفرقين أخوات عن بعض وتعالى عن التحريشات والمؤامرات بس إذا سافرت الكبيرة الشرانيه ترجع الصغيرة معنا مثل السمن على العسل بس ترجع أم المشاكل الكبيرة تبدء الصغيرة تبعد وحنا تركناها على راحتها إذا جت رحبنا هلينا وإذا راحت ما سألنا لاكن تبغين نصيحتي والله والله ما أنصحك إلا بالشيءإلي أشوفه سليم شوفي شخصيه زوجت أخوك الصغيرة شخصيه ضعيفة وساذجة يعني ما رح تفهم حتى لو نصحتيها وشخصيه زوجت أخوك الكبير قوية ومسيطرة وحقوده يعني ما رح تتعب من التحريش أولا لأنها حاسدتها على البيت والعيشه الحلوة وتسعى في خاب علاقة العروس الجديدة مثل ما علاقتها خربانه معكم وتبغى تطلع نفسها مظلومه فنصيحة لا تتدخلين بينهم مصير الأيام تبين لها الصح من الغلط يعني لاكلام بيفيد ولا نصيحة بتأثر لان الأولى حاسدة والثانية ساذجه وأخوك نصيحة لا تدخلينه في الموضوع والله إن يقلب عليك حنا لما نصحنا أخوي الكبير وعلمناه بعمايل زوجته والله إنه داري إنها حقت مشاكل وأعترف قبل كذا بحبها للمشاكل حتى مع أهلها تصدقين إنه قلب علينا وصار يسمع كلامها ويشوفها ضعيفة وإحنا إلا ظالمينها إسمعي كلام ولا تتدخلين مصير الأيام تكشفهم وتشتغلين مراقب لهم في كل جمعة وكل جلسة وتكدرين على عمرك مصيرهم ينكشفوا لبعض موفقة آسفه طولت عليك