اللي اعرفه وفهمته من زواج المسيار
انه ما يصرف عليها ولا شي متى ما بغى جاء ونام عندها
بعدين اذا عندها عيال وش تبي بالرجاجيل
ما تدري وش يصير على عيالها منه والا ابوهم ياخذهم
تبي عاطفة تفرغها في عيالها وتنميها معهم هم اللي أن شاء الله بينفعوها اذا احسنت تربيتهم

زواج المسيار المستفيد الاول والاخير منه الرجل فقط .......

اختي الغالية سوووون
تقولي ان الزواج المسيار غير محدد بمدة زي المتعه
طيب يعني ممكن الرجل ان صادفته مشاكل او طفش منها يطلقها على طول سواء يشهود وولي امر او لا ..
وماحد عارف انه تزوج وطلق عالسكوتي
اتحدى واحد متزوج مسيار يقول تعاالو شوفوا زوجتي مسيار
تروح عزايم عند اهله المهم يعرفها بمجتمعهم
احس زي كانها بضاعة خاصة لرجل مميز وان ما عجبته سابها لصاحبها ..
والله حرام البنات يسو في نفسهم كدا ..
عموما جزاك الله خير عالتوضيح ..

اصلا انا مو عارفة شو هو زواج مسيار

اخواتى انا معاكم ان المسيار مايعتبر زواج ناجح ولا فى نظر الناس كويس
لكن بالتاكيد ماراح تلجأ له الا امرأه لها ظروف حدتها على هالنوع من الزواج ..
مو معناها نتشمت فيها او فى وضعها !!
طالما هى ماشيه فى حدود الحلال مالنا اى حق نستهزء فى وضع اجبرت عليه
لانها لو خيرت بالتاكيد ستختار زواج يضمن لها جميع حقوقها !!
وهناك ترا حكمه لتحليله .......خصوصا فى زمنا هذا حيث انتشرت ظاهره الطلاق
بشكل مخيف ومعها انتشرت ظاهره العنوسه والنتيجه انتشار ظاهره الفساد لكلا
الجنسين ......
فزواج المسيار يتيح لمن اراده ان يتمتع باحد حقوقه فى اطار مسموح !!!
وهذا اهم مميزات زواج المسيار ان يكف النساء عن اتباع الحرام خصوصا فى زمن
اصبح القابض على دينه كالقابض على جمره ..!
فى ظل كل هالمغريات الدنيويه والتغييرات الجذريه فى احوال المجتمع
لماذا نحاول ان نتشمت بمن يبحث فى كل الامور عن الحلال حتى وان كان اسؤه !!
والمرأه دائما وان كابرت لاغنى لها عن حاجتها للرجل ..وحال امرأه عند زوجها وفى بيته
يختلف عن امرأه وحيده لازوج لها تشعر بالوحده والحرمان !!
يابنات ترا احوال المطلقات والارامل لاتسر عدو ولاصديق ليش نبخل عليهم بشي حلال!!
حتى للرجال تراه افضل ميه مره من جريهم ورا فتيات الهوا الى تحمل من الامراض
مايكفي !! ايضا صيانه لجيبه من استنزاف تلك الفتيات !!
بالنهايه هذا رأيي وسابقا كنت مثلكم ضد هالزواج لحد ماحطيت نفسي مكان اى وحده
تجبرها ظروفها على ذلك ولحظتها حسيت انى عذرتهم !!