رايقه لحالي :

اول شي استعيني بالله واخلصي النيه احتسبيً كل خطوه لله فالله يبارك لك في حياتك ثانيا الاستغفار بالليل قبل النوم كما علمنا النبي يطرح بركه في يومك وهذا مصداق لحديث النبي مع بنته فاطمه ثالثا التجهيز المسبق والتخطيط المسبق اي وقت فراغ لاتجلسي تطالعي بالسقف عندك باميه قطعيها خضار جهزيها بأكياس دجاج قطعيه ارباع انصاف حسب ماتستخدمينه رابعا تنظيم العمل يوم الجمعه كنيس عميق وتمسيح الارضيات مع شغل المطبخ الاحد دورات المياه مع المطبخ الاثنين غسيل الملابس وتطبيقها طبعا الغساله والمجفف نعمه من رب العباد توفر لك جهد كبير مع المطبخ الثلاثاء عرفه نومك ونوم عيالك ترتيب عميق مع المطبخ الاربعاء تشيك عام على البيت الخميس راحه من الشغل هذا نظامي ومرتاحه عليه ودايم بيتي نظيف طلعا مع مراعاه انه قبل ما انام اخذ لفه سريعه على البيت شي طايح سلال الزباله شي عرضي اخلصه وابخر البيت عني مريحه راسي وجايبه لبناتي٥مراييل كل يوم مريول الاكل معتمدته بغرفه وحده وياويل اشوف اكل بيد احد وهو ماشي بالبيت حتى الصغيره تعرف لو معاها بسكوت قالت بروح غرفه الطعام لانها عارفه انها بتتعاقي لان مايدمر البيت الا الاكل وتنثير وحويس يوم الاثنين كل واحد بسلته يجيبها لي عشان تتغسل ملابسه ومعلمتهم كيف يفرزون الملابس واللي مايجيب سلته عقاب ماتتغسل ملابسه للاسبوع الحاي بس انبههم هاتوا ملابسكم وافرزوها وانا احطها واشغل عليها ويكون قلبه عندها بس تخلص يشيلها يوديها النشافه ويناديني اشغل عليها لاشفت بناتي فاضيات اعطيتهم مناشف مبلوله شي بسيط واقول هيا على البيبان ومقابضها يتسلون ويسوون شي مفيد اكبرهم٩والصغيره٥ هاذي الاشياء اللي مساعدتني والحمد الله ماشيه الحياه ونسأل الله من فضله

اول شي استعيني بالله واخلصي النيه احتسبيً كل خطوه لله فالله يبارك لك في حياتك ثانيا الاستغفار...