جابتهم ريحة قهوتنا
تحية طيبة لعضوات هالمنتدى الممتع
انا من عشاق قهوتنا العربية اذا كانت مظبوطة وعلى اصولها
واحسها تعدل المزاج
واشربها اكثر من النسكافيه او الكوفي الامريكة او التركية
بس أحيان اكون لوحدي واشتهي اشرب لي فنجان على الطاير
فنجان واحد او اثنين بالكثير
واحيان اسوي لزوجي فنجان سريع قبل يروح الدوام
ولاننا دايم تعودنا نسوي القهوة بكميات في ترامس ودلال تكفي عدد من الاشخاص
ففكرت بفكرة الفنجان الواحد وناسبتني الفكرة
وسميتها
( سوبر فنجان قهوة )
فنجان قهوة سريعة في 20 قيقة
أول شيء مهم بالنسبة لي هو :
إناء غلي القهوة
اذا كان الإناء مناسب لكمية القهوة بيكون الطعم مظبوط
وأنا استخدم لقهوة الضيوف أناء أو بكرج غلي كبير
بس لقهوتي السوبر فنجان استخدمت شيء مختلف
لقيته في السوق
وهذي صورته
v
v
v
!!
أدري بتقولون معروف ركوة القهوة التركي!!!.....
ويمكن ناس يشوفوها ما تناسب
بس ركوتي ذي فيها شيء مختلف
v
v
v
v
v
لاحظو الصورة ...
v
v
v
v
v
v
v
ميزتها انها ركوة بغطااااء وذا بيخليها تحتفظ بالطعم والنكهة وتظل ساخنة ومايحتاج افرغها في ترمس صغير
وحتى في التقديم شكلها مرتب
ثاني شي :
البن المستخدم
انا استخدم الهرري او البري اشتري منه كميات بسيطة
بـ 10 ريال بس كل اسبوع او اكثر
اشتريه من عطار معروف ويكون اشقر محمص ما يكون غامق مرة
واول ما اوصل البيت احطه في كيس محكم في الفريزر عشان اضمن الطعم يظل مثل ماهو
ثالث شيء :
الإضافات
اضيف لقهوتي خلطة بهارات القصيم
احيان اشتري من خلطات التاجرات واجرب من باب التغير
بس الرسمية عندي خلطة القصيم
لكن في معلومة قالتها مرة لي وحدة بخصوص خلطة القصيم
ان العبوة اللي غطاها ازرق فاتح احلى من اللي غطاها غامق
وانا دورت على اللي غطاها فاتح وما لقيتها غير في هيبر بنده في قسم البهارات
وبالفعل لقيت نكهتها مختلفة
واحط على القهوة شوي هيل اطحنه وقت الاستخدام
وممكن احط قليييييييييييل مرة زعفران نوع خاص وصيت عليه من دبي
رابع شيء:
الوقت
وقت اعداد قهوتي لايقل عن 20 دقيقة بعد ماتفور وتكون على نار هااااادئة وااااطية مرة
وإذا كان الوعاء اكبر والكمية اكثر اخليها على الاقل نصف ساعة
عشان تطبخ وتتنكه تمام
مقادير فنجاني السريع :
كأس واحد ماء
ملعقة صغيرة بن
ذرة من الاضافات والهليل او الزعفران
وبس...
مو قلتلكم فنجان على قدي ....
يتبع
v
v
v
v
نجي للشغل المهم والمستعجل ...
طريقتي في الاعداد
وراح ألخص الموضوع في 5 خطوات سريعة
1- اغلي الماء في الركوة واضيف ملعقة صغيرة بن
2- اتركها تفور مرة واحدة على نار عالية
3- اوطي النار عليها و اضيف لها قللييييييل من خلطة القصيم
4- اتركها على النار على أوطى درجة بحيث تفور بهدوء ووتتنكه لمدة 20 دقيقة
5- اضيف لها شوي هيل وأحيان شعيرة زعفران..
وأشرب لي احلى فنجان سوبر قهوة
كمية بسيطة
ووقت سريع
ونكهة تعدل المزاج
وبالف هنى وعافية على قلوب عشاق القهوة
....