وقت الحمل مناسب ولالا؟؟

حبيبتي لو حملتي بعد شهرين بيكًون عمر ولدك سنتين لين ًتولدين ان شاء الله وبالعكس احس أحسن اثنين ورا بعض يتونسون 

انا أقولك بما أني حسيت ببنتي لما كانت بروحها وتدور حد تلعب معاه 

توكلي على الله واحملي زوجك صادق عمره كبير ويبغى يخلف ودام عندك شغاله بتساعد امك

أنا حملت بالثاني وولدي عمره نفس ولدك .. وزوجي جابلي الشغاله بعد ولادتي بالثاني وقبل دوامي أوديها لأمي مع الأولاد والحمد لله ماشيه أموري .. أنا زوجي عمره صغير وحملت بدون تخطيط بس ربك كتب و رزقني بأخ لولدي وبالعكس حلو يكبرون مع بعض وزوجك معه حق عمره كبير ولو كنتي مكانه بتفكرين نفسه ..توكلي علي الله والله السنين تمر بسرعه هذا بكري ماني مصدقه ان عمره سنتين أقوله أمس حملت فيك واليوم مطول لسانك ..الله يكتبلك اللي فيه الخير 

ايه ياقلبي زوجك في الاربعين يعتبر كبير خليه يربيهم وهو قوي وبصحته وله طاقه يتحملهم وبعدها وقفي لما يكبرون سوا واحملي

هونيها بتهون ان فكرتي بالتعب بتتعبين الحمد لله الحياه تساهيل ولاتشيلي هم .. الله يرزقكم بالي تتمنونه