وقت الرضاعه والنوم والبيت كبير شنو تنصحووني ؟

السلام عليكم
انا قربت اولد واول مره بولد واحنا لسه ساكنين في البيت والبيت كبيير ودورين ونومنا فوق والخدمات تحت .. حددي حااايسه مو عارفه شنو بيكون وضعي لان متعوده قبل في شقه كل شي تحت يدي قريب ..الحين اذا جبت البيبي وانا بكون وقت النوم فوق كم رضاعه اخليها معاي لوقت الحاجه ؟واذا بخلي الرضاعه في غرفة النوم وقت نومنا فهل عادي من غير الثلاجه عادة احط الرضاعه في الثلاجه وتكون مغسوله لكن اذا بركب وبخلي الرضاعه عندي في غرفة النوم بتكون رطبه من الداخل لانها مغسوله ومن غير الثلاجه هل عادي ؟ والحليب وين احطه ؟ وافكر اني اخلي معاي ثلاجه فيها ماي حار عشان اسوي حليب لكن بخلطه الحار مع ماي بارد عشان اعدل مستوى حرارته فهل عادي اخلط معاه ماي بارد اسمع ان بطن البيبي يكون حساس لازم الماي يتعقم ؟ مع ان في اولادي ماكنت اعقم لكن كنت اسخن الماي بمقدار رضاعه فقط لان كان مطبخي قريب من غرفة النوم لما كنت في شقه الحين الوضع مختلف اذا ركبت صعبه انزل الا الصبح لان البيت كبيير واخاف بعد😰 ولان البيبي بيزعج ابوه بالبكاء على ماركب ..
وبالنسبه لجهاز مراقبة البيبي بكميرا شنو تنصحوني يكون جوووده ووواضح لمسافات بعيده وهل فيه انواع بجوده عاليه ينشبك على الجوال ؟ ياريت تفيدوني عنهم اكون شاااكره لكم