وقت فراغي والملل

السلام عليكم
أنا كبيرة غير متزوجة وغير موظفة المشكلة إلي أعاني منها هي وقت الفراغ الملل والقاتل مليت من كل شي ولأنا أنتقلنا لديرة ثانية لأسباب وكل صديقاتي بالديرة اللي انتقلنا منها وتعرفون الجوال احس مايوفي بالغرض يعني اكلم صديقاتي وبعدين؟؟أعيش وقت فراغ طويل والدورات محتاجة فلوس والوظايف كذا وظيفة قدمت ولا اقبلوني احس بضيق وطريق مسدود صرت بس أقوم وانام أقوم وانام بلا فائدة تذكر بتقولون اشغلتي بالبيت انا اشتغل وملييييييييت بتقولون اطلعي برى البيت انا انسانة ماحب الزيارات لاني ماكونت صديقاتي للحين وكلهم صديقاتي امي واختي مارتاح معهم نهائي ولا فيه بنت حولي مناسبة لي اصادقها ولو فيه تكون هي ماتبيني وانا مليت حتى من الحدائق ومو دايم اروح لها والسوق مو كل مرة بروح افتر فيه أصلا ماحب السوق بس اخذ غرضي منه وارجع وعلى فكرة فوق كل هالظروف ماعندي ولا موهبة ولا هواية احبها ابي تساعدوني شلون اقضي وقت فراغي يمكن ببالكم شي مايخطر على بالي وابي تساعدوني بالهوايات يمكن تقولون هواية ماتخطر على بالي انا جربت التريكو وطلعت فاشلة فيه ماعرف امسكها بأصابعي واضطر اشتغل بأصابع يديني ورجلي واحس شكلي محزن كذا اما أكون اعرف لها مثل طريقها والصحيحة والا ماسويها ماتوقعت كل هالفشل بحياتي لاوظيفة ولاهواية ولاموهبة ولا أي شي مجرد اكل واشرب وانام عطوني أفكار لو عندكم