شخباركم حريم حواء
اكتب لكم عن مشكلتي الي مو راضي احد يفهمني حتى اهلي وقفوا ضدي
المهم زواجي بعد كم شهر
وخلصنا الشقة وتأثيثها
واخيرا بيكون عندي مملكه خاصه فيني>>>> امحق من مملكه
وماخليت شي ماشريته حتى ابوي هاوشني قال لي اركدي يابنت والله بيصر زوجك مطفر بسببك
وفي يوم عزمني ابو الشباب واشوفه مختبص وموعارف يتكلم
قلت له خير ان شاء الله شكلك ناوي تقول شي
قال صراحه ايه بس لاتزعلين
اول مافكرت فيه ليكون راح يلغي الزواج ويطلقني:(
قال لي ان الشقه ماراح نسكن فيها لان اخوي مسافر
شنو الرابط العجيب بين الشقه واخوه>>> متأثرة بسبيس تون
راح نسكن مع اهلي حسيت ان احد صب علي مويه بارده
قال ان اخوه مسافر للدراسه لمده سنتين ومافي رجال بيكون مع امه وخواته وابوه متوفي من زمان
طيب واخوانك ليش مايسكنون معاهم
قال خلاص انا قررت ان احنا الي نسكن لان اخواني عندهم عيال وصعبة شوي عليهم
في ذيك اللحظه ماعرفت شنو اقول قلت له خلاص نأجل الزواج لمده سنتين واذا جاء اخوك نتزوج
وليش ماتبغين تسكنين مع اهلي؟؟؟؟
اهلك على عيني وراسي لكن ابغى اعيش لحالي في شقتي بدون مااحد يكون معنا
تدري شلون طلقني ياشيخ على الاقل الله يعطيني واحد يسكني في شقه لحالي
توقعت بيقول لي ماقدر استغني عنك انتي لو تطلبين قصر مو بس شقه سكنتك فيها
يقول لي ببروده اعصاب عادي اطلقك واتزوج وحده تقبل تعيش مع اهلي الي مايبغى اهلي ماابغيه
ماعرفت كيف ارقع السالفه قلت اهلك مثل اهلي لكني عروس ابغى احس اني مستقله
والسالفه مو بس كذا الا حتى شهر العسل راح يلغيه لان مافيه احد راح يكون مع امه وخواته:(
القهر ان اهلي كلهم معه ويقولون لي استحمل الوضع لان بس سنتين
سنتين ياناس مو شهرين:(
اهله بجد ناس طيبين وخلوقين لكن حطيت املي ان راح يكون لنا مكان مستقل
وفجأه تتحطم كل احلامي
قولوا لي شنو الحل هل معي حق او
انا فعلا معطيه الموضوع اكبر من حجمه
وان كلامي ماله معنى خذوا راحتكم في التعليق انتوا حسب خواتي عارفه انكم تبغون مصلحتي:42:
%ندى الحياة% @nd_alhya
عضوة جديدة
يلزم عليك تسجيل الدخول أولًا لكتابة تعليق.
لزانيا
•
نصيحة لا تفرطيييييييييييييييييييين في شهر العسل مهما كان مافي مشكلة اسكني مع اهله بس اول شي روحي وسعي صدرك واستانسي عشان ما تتحسفين.
يمكن بعدين يوديك وتروحين اماكن كثيرة بس ما بتكونون نفس في شهر العسل هذا اذا ماكان معك اثنين ولا ثلاثة من الاطفال. هههه
يمكن بعدين يوديك وتروحين اماكن كثيرة بس ما بتكونون نفس في شهر العسل هذا اذا ماكان معك اثنين ولا ثلاثة من الاطفال. هههه
والله ما أدري ليش انتم معطين الموضوع أكبر من حجمه
بالعكس المرة الطيبة مع رجالها وين ماراح لو يسكن بعشة
عني أنا أول ما ملجت أنا اللي شرطت أسكن بشقة في بيت أهله وهو كان ناوي ياخذ شقة بره لأن بيت أهله أجار ولما شرطت هالشرطت جاتنا اخته وقالت إذا تبي نحط لها درج للشقة خارجي ينزل على الحديقة نحط لها لكن أمي رفضت قالت البنت ما اشرطت تسكن في بيتكم إلا لأنها تبيكم ما تبي تحبس نفسها عنكم ..
وهم استانسوا حيييييل .. بالعكس المفروض تبينين لهم إنج تبين قربهم .. والأهم إنج تحسسين الرجال أنج تنطرين اليوم اللي يجمعج مع أهله .. مو تقولين انطر ليمن يجي أخوك بعد سنتين ونتزوج
بالعكس أصلا الزوجة هي اللي بيدها تحبب أهل زوجها فيها أو تنفرهم وتكرههم باليوم اللي ادخلت فيه عليهم ..
ومافيه أحلى من الهدية والكلمة الطيبة
والله يوفقج يالغالية
بالعكس المرة الطيبة مع رجالها وين ماراح لو يسكن بعشة
عني أنا أول ما ملجت أنا اللي شرطت أسكن بشقة في بيت أهله وهو كان ناوي ياخذ شقة بره لأن بيت أهله أجار ولما شرطت هالشرطت جاتنا اخته وقالت إذا تبي نحط لها درج للشقة خارجي ينزل على الحديقة نحط لها لكن أمي رفضت قالت البنت ما اشرطت تسكن في بيتكم إلا لأنها تبيكم ما تبي تحبس نفسها عنكم ..
وهم استانسوا حيييييل .. بالعكس المفروض تبينين لهم إنج تبين قربهم .. والأهم إنج تحسسين الرجال أنج تنطرين اليوم اللي يجمعج مع أهله .. مو تقولين انطر ليمن يجي أخوك بعد سنتين ونتزوج
بالعكس أصلا الزوجة هي اللي بيدها تحبب أهل زوجها فيها أو تنفرهم وتكرههم باليوم اللي ادخلت فيه عليهم ..
ومافيه أحلى من الهدية والكلمة الطيبة
والله يوفقج يالغالية
مالك الا انك توافقين على طلبه وتعيشين مع اهله
لان شكله مصمم واذا كان كذا الله يعينك استحملي السنتين هذي وبيني انك ما وافقتي الا عشان ما تخربين حياتكم من البدايه وبكذا راح تحملينه جميل ما ينساه طول عمره (اذا كان من النوع الي يقدر )
اما شهر العسل لا تفرطين فيه لانه ما ينتعوض واكيد سفرتكم ما راح تاخذ اكثر من اسبوعين ما دام ظروفكم كذا
مبرررررررررررررروك مقدما............ وأسأل الله لكم التوفيق ,,,,,,,,,,,,
لان شكله مصمم واذا كان كذا الله يعينك استحملي السنتين هذي وبيني انك ما وافقتي الا عشان ما تخربين حياتكم من البدايه وبكذا راح تحملينه جميل ما ينساه طول عمره (اذا كان من النوع الي يقدر )
اما شهر العسل لا تفرطين فيه لانه ما ينتعوض واكيد سفرتكم ما راح تاخذ اكثر من اسبوعين ما دام ظروفكم كذا
مبرررررررررررررروك مقدما............ وأسأل الله لكم التوفيق ,,,,,,,,,,,,
اختى انتى استخيرى مدرى وش اقولك؟
دامك رافضه السكن فى بيتهم اخاف بكره تصير مشاكل
بس سؤال
اذا وضع اهله ممتاز.خدم وحشم وراهين اسكنى
بس اذا ما عندهم شغاله ولا شئ الله يكون بالعون
وتكفين طمنينا وش يكون؟
دامك رافضه السكن فى بيتهم اخاف بكره تصير مشاكل
بس سؤال
اذا وضع اهله ممتاز.خدم وحشم وراهين اسكنى
بس اذا ما عندهم شغاله ولا شئ الله يكون بالعون
وتكفين طمنينا وش يكون؟
الصفحة الأخيرة
خاصه انه في عذر مقبول..خلها يتخذ هذا قرار.
.قوليله معنه خاطري اعيش في بيت مستقل بس عشانك بوافق..من هل كلام حلو..
..بس فهميه انه بعد ما يرجع اخوه.بالسلامه..خلاص تنتقلون الشقه..
الله يوفقج ان شا ءالله
يتمم زواجج على خير