وقعنا ضحية عراك امي وجدتي..فكانت حياتنا نكسات وعرقلات..وكله من حجاب لماذا يا امي؟

السلام عليكم ورحمة الله وبركاته

حبيت احكيلكم قصتي وقصة اخواتي وهم معي هنا عضوات هنا بالمنتدى ما اقول لهم سوى صبرا جميلا وبلله المستعان...

قصتنا..

او قصتي كوني اكبر اخواتي ممن عانت قبلهم من تاثير السحر...

شهدت طفولة غريبة..مرت علي اشياء لم اكن افهم لها تفسير كوني طفلة..

اولها قصة ظهور الكلب الخفي بحمام مهجور في ساحة منزلنا...رايته انا وصديقاتي فقط..كنا نلعب ايامها الغميضة واثناء لعبنا كنا نختبى وحدة منا خافت وقالت تعالوا في صوت بالحمام..جينا كلنا وفتحنا الباب شوي شوي..وما كنا نعرف شو ممكن نلقى...تصورا وجدنا كلب كبيرررررر نبح علينا انا ما بنسى نفسي من الخوف شفت الدنيا كلها ضوء ابيض وما بعرف كيف رجولي صاروا اسرع من صاروخ وهرررررررررربت مع البنات واحنا نصارخ...طبعا بيوت زمان كانت ملازقة لبعضها زواريب وبيوت بحد بعضها وانا لاشعوري لحقت صديقاتي وحتى دخلت معهم بيتهم اتخبى رغم انه الحديقة هي حديقة بيتنا..!!؟؟؟

طبعا امهاتهم كانوا جالسين برا البيت عاملين قعدة عند البيت برا يعني شافونا واحناهاربين وقت ما كنا شايفين الكلب هم ما كانوا شايفين شي؟؟؟ كنا نصارخ ونقول الكلب وهم يقولوا وينه؟؟حتى فهمت الامهات وسموا علينا..وراحت القصة وما فهمتها بوقتها...

مرت يمكن سنة او سنتين..كنت برضوا بالحديقة ولوحدي كانت الدنيا مغرب لكن الجو كان ليل يعني شوي وياذن العشا..شوي اشعر بشيء فوق راسي؟؟؟!!! ارفع نظري لاجد..ضوء اصفر مثل الكره مضيئ بدون...وهج...!!!!!! ضوء لكن ما اله وهج وما بيضوي يلي حوله وكان يلحقني خفت فعلا خفت صرخت وركضت وانا اصارخ كانت جدة والدي رحمة الله عليها جالسة بحوش الدار نادتني وقالت ايش في يا حبيبتي وانا ابكي خبرتها بيلي شفته..يبدو انها فهمت؟؟!! طمنتني الله يرحم روحها يارب ويغفر لها ياااااارب وهزت راسها وما قالتلي الحقيقة سوا كلام يطمن..لكن لما كبرت...فهمت...

عشنا حياة كلها عثرات..احلامي كلها من وانا طفلة كنت احلم دائماااااا بكلاب وذئاب وضباع كثيرررررررة بتهجم علي بيتنا وانا اركض واسكر الباب والشبابيك وهم بحاولوا يكسروها ليدخلوا ؟؟!! وما كنت افهم الحلم وحتى هذي اللحظة لازلت احلمب النمور والاسود اللي بطاردني وبتطار...اطفالي؟؟؟ (يعني تطور الوضع الى مااااارد) وافاعي وغرف مهجورة ورياح لها صو مخيف ...

اذكروانا بعمر المراهقة كنت نايمة واشعر احد يصحيني ويقولي قومي وفعلا صحيت لكن مو قادرة اوقم من السرير مربطة؟!!!! المهم كان الجو ناااااااااااار وكاني بفرن رغم انه الجو كان شتا وانضغطت من الحر وسمعت الصوت ماغيره يقولي وهو يضحك..انتي ميته الان شوفي كيف ما بتقدري تقومي او تصارخي او تتحركي فقط عيونك مفتحة وفعلا خفت وصدقته حتى سميت وقدرت اقوم وما فهمت برضوا...وهذا الشيء بدا من يومها يزعجني جنسيا وانا كنت لاافهم معنى الجنس كنت اشعر بعضوه خشن مقرف على اعضائي وكنت استغرب الشعور لحتى بيوم صحيت وانا اشعر احد يبوسني من فمي صحيت وفمي مزموم يعني كانه حد يبوسة خفت شو يلي بصير معي؟؟؟ طبعا الان فهمت مس عاشق ولي قصة معه كيف تخلصت منه ورجعلي بعد الزواج وتخلصت منه الحمد لله...

وصلت لعمر الزواج...الحمد لله نحن جميلات ومتعلمات ولوالدنا مكانه في المجتمع يعني كان المفروض ناخذ نصيب زوج نحسد عليه وكان الكل فعلا ينتظر ايش او مين ممكن نتزوج؟؟؟!!!

لكن الزواج عندي انا وقف ويلي يجي يكون قاتل حالة ولكن لما يطلع من بيتنا ما يرجع وانا الحمد لله لست فتاة سيئة السمعة ابدا ولله الحمد...

حتى حلمت بجمل...هذا الجمل خلاني بالوسط ولف حولي وعمل دائرة برجوله خط يعني حوطني بهذا الخط وخلاني وسط هذي الدائرة...وبعدين عرفت انها لمنع زواجيّّ؟؟؟ حتى جاء زوجي نصيبي اللي قدر يتخطى هذي الدائرة لاسباب لن اذكرها هنا لكن اختصرها انه زوجي كان له صديق تعشقة جنية من ملوك الجان وكان سخر لزوجي او عمل لزوجي شيء يجعله يتخطى اي سحر وهذا عرفته جديد وسبحان الله لانه نصيبي ويمكن لولاه ان كان زوجي محصن من السحر يمكن كنت لحد الان بلا زواج؟؟؟؟!!!!!

مرت الايام والسنين وحياتي صعبة وكل ما نويت على شيء لاتمشي اموري انا واخواتي ولكن اكثرهم تاثير انا وكل ما مشينا بمشروع..يفشل رغم انه يكون ناجح ...وكل ما شرينا شيء يخرب ينتحس ويروح من ايدينا؟؟!!!

عانينا من امراض الكابة والخوف والرهاب وامراض ليس لها سبب ....

الان..وصل الامر معي حده..لدرجة اني صرررررخت ايش في؟؟؟ليش حياتي معكره ليش مسكره بوجهنا والله ياربي لانعمل الحرام ونصلي ونتقي الله بكل شيء..نذكر الاذكار والله نعطف على المسكين واليتيم ولنا والحمد لله مواقف ان شاء الله تحتسب لنا في ميزان اعمالنا..فلماذا حياتنا من صغرنا كلها منبوذين ومريضين بالوهم والكابة وكل ما فرحنا بشيء بعد ايام ينقلب ضدنا ولو نوينا على شيء توقف الدنيا بوجهنااااااااااااااا بدرجة تخلي اللي يشوف يقول ايش فيكم ليش نصيبكم واقف بكل شيء؟؟؟!!!!!!!!

اخواتي وانا نرى اشياء غريبة ونحلم احلام غريبة وجن ملازمنا نشعر فيه وبدا يعكر حياة اطفالنااااااااااا..

اذكر قبل سنة..كنت بالمطبخ اطبخ باميه؟؟؟ وفجئة وانا بمرحلة اتوقع بحط الماجي صابني مثل حالة فقدان ذاكرة مؤقت للحياة يعني نسيت شو يلي بطبخة وايش هذي الطبخة؟؟طيب ايش لازم احط بندورة او ماجي؟؟طيب ليش احط ماجي؟؟؟او بندورة قبل الباميه؟؟؟ يعني مثل اللي صابني هبل مؤقت ايوه انهبلت خفت حكيت اسم الله علي شو مالي معقول حيصيبني جلطة على الدماغ ايش في مو مرررررركزة..من خوفي طلعت للصالة.........

شفت ورقة ممزقة ومرميه على الكنب...انا عندي اطفال وخاصة بنتي الصغيرة عمرها كان 8 سنين كانت تحب تكتب رسائل بس بلام مشخبط للعلب فقط ففكرت انها من اوراق بنتي كملت مشي لغرفتي النوم لكن

هذي الورقة شدتني بدرجة غرييييييبة

شعرت انها بتناديني

استغربت وكملت طريقي

لكن ما قدرت

شيء يقلي شوفيني...بعدين حكيت شو قصتك يا ورقة وفعلا رحت ومسكتها

نظرت عليها نظرة سريعة لقيت خربشات فعلا بقلم احمر والورقة ممزقه

حكيت اوووف منك يا بنتي ضلي بس اكتبي هبل ووسخي البيت بالورق اخذا الورقة ورميتها بسلة الزبالة...لكن

بعد ما رميتها والله وربي على ما اقول شهيد

بعد ما رميتها ثواني توني ما اتحركت من امام السله الا واسمع صوت داخلي يقولي يابنت امسكي الورقة واتفحصيها..والله والله والله خفت وحكيت بصوت مسموع وبعدين يا ورقة شو قصتك تعالي اشوف...

طلتها من الزبالة وفعلا فتحتها كويس ودققت بالكلام والخربشات....



والا هي


طلاسسسم


نشف دمي بعروقي

صرخت ...مين فتح هذي الورقة

رد ابني البكر انا ماما

طبعا انا بعرف هذي الورقة

هذي هه للاسف امي واحنا صغار لانه اخوي البكر لامي ماشاء الله جميل جدا وكان دائم المرض ويوقع وكانه احد يدفشة فنصحوها تعملله حرررز من العين وعمللها شيخ من عيلتنا كان يعالج بالقران والسحر للاسف عمللها حرز لاخوي ولي ولاختي البكر فينا كلنا لانه كنا بعدنا فقط عند امي 3 اطفال..وكانوا ملفوفين بخيط اللي بستعملوه بالكروشيه...

الورقة اللي فتحها ابني كان عليها حرف ع وهو اول حرف من اسم اخوي فعرفت انه هذا حجابه؟؟!!! طبعا كيف وصل لابني لانه بنت اختي الصغيرة دخلت لبيت امي( بعد ما تزوجت سكنت بجانب اهلي بنفس العمارة لان زوجي دائم السفر) المهم بنت اختي فتحت درج امي وطالت محفظة اغراض امي وكان من ضمناها هذا الحجاب ابني لفته الخيط فك الخيط وفتح الورقة وما بعررررررف ليش مزعها؟؟سالته ما عرف يجاوب هو عمره كان 9 سنين....

هذي الحجابات الثلاثة تقريبا مفقود منها حجابي انا وهذي اكيد لها خادم ربما هو يلي كمان وقف حياتي..اااااااااااااخ من الجهل واااااخ يا جاهل صحيح انك عدو نفسك وغيرك...

مبارح


واحنا جالسين مع والدتي...

سألتها وانا بحالة الياس من الحياة ونصيبي...

امي

ايش عملتي بالسحر اللي وجدتيه اللي كانت جدتي عاملته الك والنا لانكم كنتوا بخلافات طويلة ولانها ما تحبك ولانك كنتي تجكريهم وتتكبري عليهم لانك ما بنيتي جسر محبة بل جسر كرررررررره...ولانه جدتي غارت منك وانتي رديتي الكره بكره... سامحوني طبعا ما قلت هذا كله لها فقط سالتها اول عبارة والباقي والله قلته بلقلبي اللي يلوم امي ...


قلتلها كنتي قلتي انك وجدتيه بغرفة الخزين اللي لجدتي ام والدي وقت ما طلعت تنظف البيت لانه احنا وجدني كنا بنفس العمارة اهلي الطابق الاول وجدتي الطابق الثاني ويومها جدي بنى بيت جديد بمنطقة اخرى وتركوا هذا البيت احنا بقينا فيه لفترة قبل ما نرحل واذكر والدي لايزال يقول استعجلنا بالبناء والرحيل لانه انا جننتهم بحالتي المرضية اللي صابتني وهو خوف شديد بدون سبب واشعر انه راسي منفوش وخفيف مثل القطن او الاسفنج؟ وكاني دخلت عالم تاني؟؟وحتى صاب اختي نفسس الحالة رغم انها كانت طفلة ايام ما صابني وما بتذكر حالتي لكن اختي متطورة كانت تقول في ناس صغااار وتاشر بايدها وبعدها تتشنج؟؟..المهم..ووجدت امي السحر بجرة وكان ملفوف بثلاث طبقات من القماش الاسود...اسود يلي سود عيشتنا!!!! ومكتوب فيه هو وماله وعياله...المقصود والدي يكون تابع الها يعني

ولكل سحر في خادم وخادم السحر مسخر علينا وعلى والدي....

سالتها

امي كيف فكيتي العمل؟؟؟

اتغير لون وجهها

حكت

اعطيته لجارتنا لانه والدي كان شديد مع امي وطلبت منها توديه لرقاة يفكوه ورفضوا كلهم لانه قوي

وبالاخر راحت فيه لمنطقة عنا مشهورة بالساحرين واعطيته لواحد منهم وقاللها: خليه معها لا تتلفه؟؟؟!!!!!!!!!! فهذا السحر


لحامله؟؟؟؟!!!!!!!!!!!!!


كييييييف يا امي لحامله

كيف وانتي قضيتي حياة صعبة مع والدي

كيف لحامله واتحول الك وصار لصالحك وهو معمول النا وباسمنا والسحر اتسخر علينا؟؟؟؟؟؟؟؟؟؟؟

قلتلها يعني ايش وينه؟؟؟؟


قالت: معي



ما تتخيلوا الدينا صارت نفس الشعور اللي اجاني وانا طفلة لما خفت

ضوء ابيض وخففففففت وقلت ايش؟؟؟معك

40 سنة ومعك

40 سنة وما اتلفتيه واحنا نقول ليش حياتنا ضنكه ليشششششششش يا امي ليشششششششش يا امي ليششششش

بكيت وبكيت اختي دون ان ترانا امي..

ورجعت على بيتي

وحسيت متل جبل وانزاح عن قلبي انه عرفت ليشانا واخواتي عشنا حياة صعبة وحياتنا عثرات رغم وضعنا المادي والحمد لله ممتاز جدا ومتعلمات وجميلات ومن عيلة محترمة راقية....كنا نقول كل الناس صارت وعفوا حتى الاقل منا منالناس والله ليس تكبر ولكن تساؤل كلهم صاروا الا نحن مبلين؟؟!! رغم كل الظروف تخدمنا لكن للاسف يا حول الله يارب..

ليش يا امي 40 سنة محتفظة بدمار اولادك

كنت دائما اكتب احلامي سواء للمفسرات او بجهازي بملف احتفظ فيه

ولو نزلتلكم الاحلام راح تستغربواانها كلها امي فيها احلام وجود النمور والاسود والهواء المخيف والبيوت المهجورة امي دائماااااااااااا باحلامي رغم اني صراحة قلبيغير متعلق فيها كتير لانه هي ظلمتني الله يسامحها مو مشكلة لكن كنت استغرب وجودها بكل احلاااااااااااااامي وسالت المفسرات عن سبب وجود امي طبعا ما بعرفوا قصة حياتي فما عندهم جواب الا حلم فسرته مفسرة الله يرضى عليها وقالت الحلم مبين وبقول ليكم سحرررر قديييييم...

........................


سامحوني القصة طويلة

لكن

حبيت اشكي لكم همنا

نحن كنا ضحية عراكات وصراعات الكنة والحما

رحمة الله عليها جدتي ام والدي والله اني مسامحها جهلها خذلها

وسامح الله امي

هي مبارح كانت تشعر بندددددم وخوف من جهلها اللي سكتت عليه 40 سنة...

نطلب منكم الدعاء لنا بتيسير الحال لنا بشيخ يتقي الله يفك الاسحار المعمولة لنا هذا غيررررررر سحر الخادمات اللي انعمل لنا

ودعوة منكم لجدتي انيررحمها الله ويسامحها

ولامي ان يهديها ويطول عمرها

لاحول ولا قوة الا بلله...