وقفتكم معي يا بنات أتمنى تدخلون فضلاً لا أمراً

السلام عليكم


هلا بنات أتمنى منكم الدعاء لي بتيسير أموري وان ربي يكتب لي الحمل عاجلاً غير آجل وأتمنى من كل قلبي هالشهر ياااااارب
من تزوجت ويارب لك الحمد والمنه على كل حال بس سبحان الله تعثرت بأمور كثيره ماكنت متوقعه انها تحصلي وتكون لي عائق بهذي الصوره..
اما بسبب ترقب العائله كلها لي هل حملت او لأ حتى وصل ترقبهم لي الى السناب انهم يدخلون على اي صوره ويسألوني ماحملتي ...
هذا غير الاتصالات اللي تجيني انهم يسألون عني وهم ماعمرهم اتصلو من قبل فقط عشان يسألوني اذا حملت او لأ ..
تعثرت والله كثير يابنات في حياتي الزوجيه الى ان وصلت الى مرحلة القلق النفسي والتفكير المستمر بالحمل فاتلخبطت علي الدوره فجئه بعد زواجي بثلاث شهور ودخلت في دوامة الالتهابات والفطريات اللي تروح كم يوم وترجع وهم هالشي يأخر موضوع الحمل...
ولكن ما أقول الا كلمه وحده كل شئ خيره من عنده سبحانه في هذي الحياة والحمدلله من قبلُ ومن بعد...
ولكن سألتكم بالله ان تدعون لي في ظهر الغيب بتيسر اموري فربىٰ دعوةٍ من قلبٍ صادق في ظهر الغيب لأختك في الله ربي يستجيبها وسبحانه قادر على كل شئ..
اتمنى تدعون لي ان ربي يزيل عني كل ألم وخوف وتتيسر اموري ويكتب لي أحمل أرجو من الله الإجابه واتمنى منكم الدعاء لي...




شكراً