السلام عليكم ورحمة الله وبركاته
اليوم اكتب لكم قصتي وانا كنت في ثانوي..
سبحان الله تذكرتها وقلت لازم تقرأوها..
كنت ارجع من مدرستي مشيا على قدمي وانا والحمد لله رزقني الله وجه جميل..
مرة كنت راجعة من المدرسة وكنت في الشارع اللي ورا بيتي وقفتني واحدة منتقبة قالت لي ممكن ياحبيبتي اتكلم معاكي؟؟انا بس شفتها وهي لابسة النقاب اسود في اسود قلبي صار يرتجف..وقفتني وبدأت تكلمني عن الحجاب وان الله فرضه حفاظا لي وثوابه وان وجهي ملفت المفروض اغطي شعري عشان اخف الفتنة وكان كلامها وقتها بالنسة لي مش مفهوم كان كل همي اني اهرب منها واجري..
المهم شكرتها وهي دعت لي وانا لقيت نفسي بجري على بيتي..
وبروح لماما اقول لها ياماما الحقي واحدة وقفتني ولابسة نقاب وقعدت تنصحني ماما قالت لي اياك تمشي من الشارع دا تاني ابدا..
وقعدت كذا يوم كل ماامشي اقعد الف راسي واشوف لو هي ورايا وبتراقبني..لكن طبعا مالقيت حد..
ياترى ليه بقولكم القصة دي؟؟
القصة ومافيها ان لما كنت في ثانوي يعني من حوالي 15 سنة كان النقاب في مصر قليل جدا وكان وقتها الهجمات الأرهابية على الناس..وكان اي حد يطلق لحيته او تلبس النقاب يعتبروا ارهابيين..
وانا كنت وقتها غير محجبة وكان في بيتنا اه في صلاة واخلاق لكن الحجاب لا!!الى ان منٌ الله عليا بالحجاب من 12 سنة وبعدها بالعباية..
تيجي هذه المرأة على بالي واقعد اتذكرها لما وقفت ونصحتني لوجه الله..وكيف كانت هي نيتها وكيف كان انا تفكيري نحوها..
اقول ياريت اشوفها ابوس على راسها لأنها كانت اول واحدة في حياتي كلمتني عن الدين والحجاب..
الآن في مصر الحمد لله المنتقبات في ازدياد..
دلوقتي لو حد قدامي هاجم النقاب او الحجاب على طول ادافع عنه بكل جوارحي..لأن ادركت قيمته وغلاوته..
لو اقول لكم مدى شوقي ان اراها بعد شوقي للقاء رسول الله عليه الصلاة والسلاة وزوجاته..
الآن اسألكم الدعاء لهذه المرأة المجهولة بالنسبة لي ولكني على يقين ان لي لقاء بها بأذن الرحمن في جنته..لأني والله احبها في الله
واسألكم الدعاء لي حتى يمن الله علي بالنقاب ولا يقبضني اليه الا وانا ارتديه..:44:
lolookasha @lolookasha
محررة ماسية
وقفتني في الشارع عشان..!!وانا حلفت ما امشي من الشارع اللي شفتها فيه..فين كان عقلي؟
94
5K
يلزم عليك تسجيل الدخول أولًا لكتابة تعليق.
الله يوفقهااا يارب وياحظها بالاجرر والحمدلله انك اقتنعتي وربي ان الحجااب سترالله يوفقهااا يارب وياحظها بالاجرر والحمدلله انك اقتنعتي وربي ان الحجااب ستر
الصفحة الأخيرة
اللهم ارنا الحق حقا وارزقنا اتباعه.. وارنا الباطل باطلا وارزقنا اجتنابه