وكتب ربي يوم فرقانا وتفرقنا :(

:44:

مرحبا يابنات


بنات انا يمكن مشكلتي تكون مالها معنى او ماتعتبر مشكله
بس هي بالنسبة لي مشكله وعسى الله يصبرني

من كم سنه تعرفت على وحده وكانت معرفتنا عاديه جداً
وتطور الامر حسيت بااهتمامها وسؤالها عني حبيتهـآ

وقلت لها اني احبها وهي حبتني وكبر هالحب ,, رغم ان قصدي بهالحب
ماهو اللي ببالكم بس لان اشوفها تهتم فيني كثير ومن بعدها هي تعلقت فيني

ومشيت السنوات واحنا على هالحال لين صار الوضع فيه غيره وتحكم

وانا مااحب هالشي ابد ايه احبها واهتم فيها وتعز علي بس مااغار عليها ولا ابيها تغار علي

لان هالشي يحكم ,, وانا احب اكون صادقه مابي العب بمشاعرها اقول لها مااكلم الناس عشان لاتزعل
هالشي يسمى نفاق وانا اكرهه احب تكون علاقتي مع اي انسان جدا واضحه ومااحب الكذب ابد

وانا ماكنت اكذب عليها ابد وهي كل مره تسوي لي مشكله غيره وشك ومن هالكلام
حسيت انا ازواج مو اصحاب

بنات تخيلوا انا اجتماعيه كثير احب الناس واحب اتعرف بس من بعد مابدت تغار ماعاد قمت اكلم احد
ماعاد ابي البنات :(
كرهتهم صارت علاقتي سطحيه جداً لين هم اجتنبوني
صارت هي كل شي وكل اصحابي

وانا بفضل الله دايم بعد الصلاة ادعي ان الله يرزقني الصحبه الصالحه ويبعد عني اي صحبه تكون ضاره لي

وسبحان الله يابنات كل يوم والثاني احس اني ماستحمل منها اي شي
رغم اني احبها بس احساس غريب يجيني

صارت ثقيله على قلبي حيل وكل مره نتقابل ماكنت استقبلها زين بس مو بيدي
وهي شكت بالموضوع

لين اخر شي سالتني وش فيني !

قلت لها انا بيوم من الايام استخرت ربي وطلبت ربي
ان كان عندي صحبه بتضرني بالدنيا والاخره ابعدني عنهم وكرهني فيهم

قالت ايه ؟!

قلت لها ومن بعد هالشي احس اني مااقدر اسولف معك
قالت انتي ماتبيني اصلاً لاقيه غيري

قلت لها لا مو هالقصة ولا كانت نيتي عليك انا كانت نيتي على الناس اللي اعرفهم

ومن بعدها صار قلبي ينغزني ومااقدر اسولف معك
سامحيني وحلليني انا مقدر اكمل معك

والله يكتب لك اللي فيه الخير والصلاح

الا شوي صارت تبكي وصرت انا ابكي معها

وطلعت وكل مااتصل عليها ماترد :(

والله قلبي صار يوجعني يابنات ,, انا كنت كثير احبها وارتاح معها بس حكمة الله
والله انا تفاجئت يوم صرت احس بهالشعور تجاهها
رغم انها كانت معذبتني غيره وشك والخ بس كنت احبها

الا من بعد هالدعاء والاستخاره :(

اللحين انسحبت انا

والله وقلبي يبكي عليها وعلى ايامنا بصراحه احلى ايام شفتها معها

علموني يابنات وش اسوي


انا اثق بحكمة ربي ,, ماقمت احس بهالاحساس الا لان الله مو شايف هالصحبه خير لي



اللحين احتاج وحده تكون صديقه لي وتساعدني على فعل الخير والصلاح

انا كتبت هالموضوع مجرد فضفضه من داخلي لاني متضايقه :44: