وكيل جنرال اليكتريك(السويلم)

بسم الله الرحمن الرحيم
اخواتي في الله حبيت اخذ رايكم في اللي حصل معي في معرض السويلم للاجهزه المنزليه اللي بشارع العليا
رحت ابغى اشتري فرن كهربائي جنرال اليكتريك وانا من زمان مسويه عنه بحث في النت ومعجبني وحلم حياتي اقتنيه وقلت ناخذه من الوكيل افضل بس اللي صار ان النوع اللي ابيه هو الاسود اللي كامل اللي جواته مروحه عشان خبز الفطاير والكيك يكون ممتاز
المهم اللي يبيع في المعرض نفسيه ومايوضح لك
سالته عن الاسود قال ما يجي جواته مروحه والابيض نفسه بس جواته مروحه ويقولو سعره 9 الالف
وانا قريت في المنتديات ان سعره من الخمسه الاف والاربع الاف
احسه ياينصب علينا او ما عنده سالفه
بعدين لما شافني مصره ابي الاسود قال بروح اشوف لك في الفروع الثانيه
وجاء وقال لقيت لك في جده الاسود متوفر وفيه مروحه ولاحظو قبل شوي يقول ما يجي اسود بمروحه
والادها والامر يقول سعره بخمسه الاف
طيب ايش فرق بينهم معقوله اللون يفرق بضعف السعر
والله احسه توهني وما ارتحت له
قال زوجي بنروح لاكستر والكترو يمكن نلاقي
ياليت تساعدوني اذا احد في الرياض وقد شرته اوتعرف احد شاريه ياليت تفيدنا وتقول بكم السعر
مو متخيله لون الفرن يرفع سعره للضعف
في انتضار مساعدتكم جزاكم الله خير