السلام عليكم شخباركم بنات
الله يخليكم ابغاكم بالبدايه انكم تدعوووووووووووووووون لاختي انها تقوم بالسلامه
اختي حملت بعد ولادتها الاولى بـ6سنوات ولدها الحين بالروضه (طبعا هذا ولدها البكر)
لما حملت بالثاني كانت كله تعبانه وفي الشهر السادس قالو لها انو الماي قليل ويمكن ولاده قيصريه
(على فكره هي كان بامكانها تولد طبيعي لان في ولادتها الاولى انفتح 10 سانتي وماعندها مشاكل بس المويه نشفت وقررو لها عمليه)
ولما جا الشهر التاسع طبعا عدته بكم يوم وقررو لها موعد
راحت لهم طبعا ممنوع طلق صناعي راحت وكان مفتوح 5 سانتي وفرحت ياعمري
المهم عطوها ابرة ظهر عشان يسهل عليها تخيلو لما وصلت 7 سانتي تقول جاني الم
في جنوبي بقيت اموووووووووووت منه تقول والدكتوره مستغربه من الموضوع تقول لها
مفروض ماتحسين بشي لانك مخدره الجزء السفلي كله تخيلو جابت ابره وتغرسها بفخوذها تقولها تحسين واختي تقول لها ايووووووووووه المهم على طوووول دخلوها العمليات ونفس الشي سوو الدكاتره نفس حركة الدكتوره في غرس
الابر وعلامة التعجب عليهم مو مصدقين طبعا عطوها بنج نصفي لانو معطينها ابرة ظهر تخيلو تقول اسمع سوالفهم يتكلمون عن مباراة الهلال والفريق الايراني
ولما جاو يفتحون بطنها انفجرت عمليتها الاولى في وجههم يعني انفتحت عمليتها الاولى وجاها نززززززززيف
مو طبيعي حتى الدكاتره توهقو وبسرررررررررعه راحو جابو لها اكياس دم ركبو عليها 20 كيسه
كانو بيشلون الرحم من كثر النزيف بس ربكم ستر ودخلوها العنايه المركزه
والمشكله مو في النزيف المشكله انو جاها شرخ بالكلى والمثانه تذكرون لما قلت لكم جاها الم في جنبها وقت الطلق
منهم الحمدلله الكلى خفت بس باقي المثانه جاها تبول لا ارادي ياعمري وتلبس حفايض للكبار ياحياتي
جلست اسبوعين بالمستشفى و اسبوعين بعد الولاده وجلست اسبوعين في البيت والحين ياعمري رجعت المستشفى الاثنين الي راح والى الحين ماطلعت
تخيلو يمكن من ولدت لها 35 يوم والله الي يشوفها يقول توها والد ونفسيتها زي الزفت
والله الدكاتره يقولون الحمدلله انك عشتي وتداركنا النزيف
والله يابنات ماكتبت عشان اخوفكم ابغاكم تدعون لها تقوم بالسلامه وترجع مثل قبل واحسن
لاتنسون اليوم ليلة جمعه
الكل يقووووول جايتها عين حسبي الله على الي كان السبب من اول ماحملت وهم يقولون لها راح
تجيبين ولد ثاني الي يشوفها بتجيب ملك
بنات الله يخليكم ادعو لها اكتب والدمعه على خدي
ياااااااارب انك تقومها بالسلامه وتخليها لعيالها وما حد يربيهم غيرها ويخليها لنا ولا تفجع امي فيها
يااااااااااارب انكم تسهل عليكم ولادتكم وماتشوفون الي شافته
سنيوره قمر @snyorh_kmr
محررة فضية
يلزم عليك تسجيل الدخول أولًا لكتابة تعليق.
بنت الشيخ رشيد
•
الله يتولاها برحمته ويخليها لعين ترجيها
الصفحة الأخيرة