ولادة الاميره كيت ! خلتني افكر مين الصح ومين الغلط ؟!

يسعد صباحكم اخواتي الحوائيات 

من اسبوع تقريبا سمعنا بولادة الاميره كيت بمولودها الثاني
والاول جابته مع بنتي >> غصب اصير مشهوره 😄
المهم شفت صور لها بالانستغرام ياليت مسموح انزلهم
مكتوب ع الصور تجهيز الاميره كيت للولاده ! 
اللي تستشور شعرها واللي تحط لها الميك اب 
وغير اللي يمسجون بطنها بكريمات وبطنها صافي مافيه ولا تشققات ولا شي 😦
جلست افكر ياترى ولادتها قيصري بس مستحيل لانها طلعت من المستشفى بنفس اليوم وتمشي طبيعي
او ولادتها طبيعي ومافيها نقطة عرق وشعرها هابط ووجهها منور ماكنها والده 
يعني ماخذه ابرة الظهر تتوقعون وهالابره تسوي كذا سحر 
مو احنا الوحده لا طلعت من غرفة الولاده كنها طالعه من قبر مغبره والشعر اللهم ياكافي طاير بكل جهه

مو بس كذااا الاغرب انها يوم طلعت من المستشفى لابسه قصير وكعب 😰
كنها طالعه من عزومه او حفله يعني مالبست شرابات ولا بنطلون يدفيها وتهقون البتاع مايدخله هواا 
ولاينزل رحمها من الكعب وطبعا ماتاكل حلبه يشد ظهرها ولا تلف شعرها 
وزوجها طاير فيها احسها خلت الولاده حلوه ولها طعم والله المسلسلات اللي يجون يولدون يبان فيهم التمثيل والتعب
بس هي حقيقه وكنها رايحه تاخذه من السوبر ماركت 
بسم الله ماشاء الله لاتقولون بصكها بعين 😉😯
الحين بس ابعرف هل احنا اللي على خطا او هي والا هي الصح والا احنا

على فكره انا ولادتي قيصري ومالفيت شعري بس لبست شراب واكلت لهوم بسيطه واشياء دافيه
والحمدلله