ولادة طفلتي الأولى .. من الألف حتى آخر آآآآآه .. ( لا تنسى أبدا )

يالله حبيبتي طملي والله شوقتيني على فكرة اسلوبك رائع ومشوق

دخلوني المستشفى .. مستشفى توام ..
دخلت الممرضة تشوف النفس فاتحة و لا لأ ..
طلت فاتحة 2 سم الى 2 و نص ..
ياربي ها الويع .. و بعدني ..
قالت لي .. امشي ..
كنت بالغرفة بروحي ..
ركبولي جهاز قياس التقلصات ..
الويع .. مرة ينتظم .. و مرة ما ينتظم ..
و ظليت أمشي من الساعة 6 حتى 10 ..
و بدا الويع يزيد .. أقوى عن قبل ..
لدرجة أني أوقف أنتفض من الويع ..
و أمي تمسك لي ظهري .. لأنه الويع كان بظهري .. قوي جدا ..
و صار منتظم .. أمي احتارت .. ماعرفت لي .. و انا ما عرفت لعمري ..
و ظليت أمشي .. و زاد الويع .. و انا خلاص منهارة ..
من ليلتين .. مب نايمة ..
من ليلتين .. الويع ما فارقني ..
زاد الويع على الظهر .. و خلاص ما قدرت أتحرك و لا قدرت أمشي ..
رقدت على السرير .. و ركبولي الجهاز ..
الويع منتظم .. و قوي جدا ..
كل دقيقتين .. كل دقيقتين .. ويعه قوية .. لدرجة أني أتقلب على السرير من الويع ..
و اصيح .. ( أمي تعبانة .. عطوني بنج .. ريحوني .. والله تعبانة ) ..
و أمي ماسكه بيدي .. تهديني و تقرأ علي .. و تقولي ادعي ربج .. قولي .. يارب ترحمني و تيسر علي ..
وتسقيني ماي زمزم مع العسل ..
و انا أرتاح دقايق .. و ترد لي الويعه قوية ..
و جهاز التخطيط .. يقول أني بولد خلاص ..
نادولي الممرضة .. دخلت تفحصني ..
بعدها 3 سم ..
شوووووووووووووووووووو .. هذا كله .. و بعدني 3 .. ياربي رحمتك ..
مب قادرة .. خلاص .. أنا منهارة موووووت .. شوفولي حل ..
و ظليت حتى صلاة الظهر على هذي الحالة ..
دخلت وحده من قريباتي ..
قالت لهم . .حرام عليكم .. ساعدوها .. فتحولها الماي .. علشان تولد .. البنت بموتها الويع ..
و قبل لا تدخل الدكتورة علشان يفتحون لي الماي ..
أمي حطت يدها على بطني و قرت آيات القرآن الكريم ..
و فجأة نسمع صوت قووووي .. ( بــــــــــق ) .. قوي جدا .. أنا سمعته .. و حسيته .. و أمي سمعته ..
أمي خافت .. أنا بخاطري فرحت .. قلت أكيد بولد الحين .. استانست ..
طلع ها الصوت .. أنه الجنين ضرب براسه بقوة تحت .. و فتحت من 3 سم إلى 6 سم ..
و اسمر مسلسل الويع ..
عطوني طلق صناعي مرة الاولى .. و بدا الماي ينزل و يزيد ..
وصلت 8 سم ..
مب راضي يفتح النفس إلا بطلق .. مب راضي أبدا .. على الويع اللي فيني ..
و انا أهذي و اصيح .. و حالتي حالة ...
و ريولي يرتجفن من شدة الويع ..
( دخيلكم ريحوووني .. طلعوه .. سوو أي شي .. تعبانه .. مب قادرة خلاص .. اريد أرتاح ) ..
عطوني طلق صناعي مرة ثانية ..
حااااااااااااااار .. نار بدمي ..
و فتحت 9 سم ..
و بدت الدكتورة و الممرضات يجهزون لاستقبال المولود ..
قلت لقريبتي .. شو صااااار .. قالت لي .. باقي لج سم واحد و بتولدين ..
انقهرت .. بعده سم واحد .. ما ينفع أولد و أنا 9 سم ..
حرااااااااااااااااااااااااااااااااااااااااااام عليكم ..
هلكت والله ..
و الله الويع مووووت و عذاب .. ما توقعته جي أبدا..
و دخلت الدكتورة .. علموني كيف أزكي .. .
5 .. 6 مرات زكيت .. و طلعت بنتي .. و شافت النوووور ..
على الساعة 4 و نص العصر ..
بعدها ارتحت .. و راح كل الويع اللي عشته .. و كل التعب ..
و حطولي بنتي على صدري ..
بعدين .. نظفوها لي .. و لفوها و عطوني اياها .. فديتها قمممممر ..
تستااااااااااااااااااااااهل كل ها التعب اللي تعبته عليها ..
تستاااااااااااااااااااهل .. يارب لك الشكر و الحمد على ها النعمة ..

هذي قصة أول ولادة لي ..
تخيلوااا .. ويع يومين ..
و عذاب من 6 الصبح ..حتى 4 و نص العصر ..
الحمدلله .. كله بأجره ..


و الله ييسر على الجميع يارب..

تحياتي
ام الجازي

حمد الله على سلامتك و مبروك المولودة الله يجعلها من الصالحات

حمد الله على سلامتك و مبروك المولودة

بارك الله لك فيها و جعلها من الصالحات يا رب