السلام عليكم ورحمة الله وبركاته..
الحمدلله ولدت بوم الاثنين بالسلامه بعد عناااااء جدآ طوويل:44:
طبعآ كنت اصحي زوجي العزيز الساعه 7ونص الصباح صحي الاخ وهجووم قوي علي:55:
الموهيم 8 الا وتنزل مني الموويه وفرحت قلت اكيد ولاده ع طوول وان الرحم مفتوح 6س ووصلت مستشفى الاطباء
المتحدون 9 واول وحده جتني اسمها الدكتوره ريم مصريه اتوقع دعيت عليها شويه يدها جدآ كبيره واظفارها طويله
وشافت الرحم قالتلي من 2 الى 3 وع طوول غرفة الولاده وجتني بعدها الدكتوره سمر ربي لايوفقها لادنيا ولا اخره
قسم اني دعيت عليها من قلبي بهذلتني قالتلي بشووف الرحم كم قلتلها توها شافته ريم وقالت لك كم مفتوح
قالت معليش عشان اطمن واوعدك انو اخر مره تطمنت يدها صغيره بس عندها اظفاار وسوت لي تحريض تعبت وربي
قالت لسى 2 قلت ابي امشي قالت لا ممنوع لان المويه نزلت شويه خرم بس ووقفت الموهيم الين الظهر وادتني
طلق صناعي طبعآ انا اقولها وش ذا قالت تحسين ومسهل للولاده عشان مايجي قبل العصر الا انتي والده وادتني
الابره وع طوول ادق ع اخواتي اقولهم وش ذا قالوا طلق صناعي تخيلو والرحم كان 2 س وعمق الرحم جدآ سميك
وحق ساعه الا يجيني ذاك الطلق بغيت امووت منه وجت شافتني قالت في الم قلت مرره قالت ياسبحان الله تتريق
وشافت رحمي للمره الرابعه وشافت ان الرحم زي ماهو والطلق بيذحني خافت وجالسه تتكلم بالانجليزي مع السكرتيره اللي معها وانا مفهيه مدري وش السالفه بس الحمدلله زوجي بلبل بالانقلش وعرف انهم ادوني طلق وقالت لها ان الرحم بينفجر وتعطيني 3 مسكنات :mad: ونص ساعه الا هو هدي شوي وراحت ومازدت شفت وجهها بعد الكثير من الدعاوي عليها من قلبي وجتني بعدها الدكتوره هبه ربي يوفقها دنيا واخره حبيتها من جد وجت وع طوول كشف من تحت تشووف الرحم وانا ابكي اقوول خلااص ماابغى اولد بهذلتووني بالكشفيه قالت لازم انا اشووف ماعلي من اللي قبلي وخليتها تكشف وماحسيت بها بتات البته :27: والرحم اخيرآ صار رقيق بس لسااتو 2 وع 5 و10 قالت لازم افك لك المووويه لان نزل الدم وقالت ولاده والمويه ماانزلت كلها ونزلتها وبداء الطلق السريع والحمدلله ولدت الساعه 6:09:
يووووووووه تعبت من 8 الصباح الى 6 المغرب والله معاناه وطول الوقت زوجي معاااااااااااي الله يسعده لو ماهو معااي بعد الله مدري وش صاار فيني سويت فيه البهاذل عضيته وقرصته بخدوده ويده راحت وطي من كثر مافركتها
وولدي ربي يحفظه ويطلعه لي بالسلامه صار عنده نقص بالاوكسجين شفته يوم االاربعاء الظهر قالو الاوكسجين كوويس وانزلت له المغرب وطلع عنده صفاار :44: وقالو لي بيطلع الخميس او الجمعه بالكثير رحنا يوم الخميس الحمدلله مافيه صفاار وانا طرت من الفرحه قالو لي لا بكره بيطلع ياهووه الولد بخير وطيب قالو لا يوم الجمعه بعد الظهر بيطلع عشان نكمل المضاد واروح امس بعد الصلاه ع طوول ومكيف السياره خرب علينا واروح قالو رجع له الصفار واليوم بيطلع ويااااااااااااااااااااااااااااااااااارب يطلع ومايجيبون شي ثاني له
ادعوله يابنات وربي قلبي بيتقطع عليه و:icon33:سامحووني ع الطواله
وصلى الله ع حبيبنا ونبينا محمد ..
كوكتيل انثى @koktyl_anth
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
والله يشفي ولدك يارب