ولادتي..بدايه ميسره لاكن النهايه متعبه

السلام عليكم ورحمة الله وبركاته ..
بكتب لكم قصة ولادتي مع اني طولت بس تعرفون بعد الولاده الوحده تنشغل بالبيبي
وتوني رووقت ..
طبعا انا بكل ولاداتي >>>الي يسمعني يقول والده عشر مرات وهي مرتين :01:
اكوون لحالي :frown::frown:
بدوون امي بس زوجي وتكون بالليل مدري وش القصه >>يدرون اني احب السهرر
طبعا من يوم الاربعاء وانا الافرازات زايده عندي وصاير لونها خضراء اعزكم الله
ومعي مغص يمسك ساعه ساعتين ويروووح ويجلس سبع ثمان ساعات ويرجع ثانيه
ونفس الفكره الخميس يمسك طلق ويرجع يبرد طبعا اخذتها درس ما اروح بدري مثل بنتي الاولى رحت واحد سانتي ولعبوو فيني لعب :06:
واصبحنا الجمعه وانا اقوول اليووم ولادتي خلاص وهكذا ..
طبعا انا مطووفه التاسع خمس ايام فصررت استعمل اي شي يوولدني اخذت
عصير اناناس مع زيت زيتوون طبيعي اشربه مرتين في اليوم واشرب يانسون محلى بعسل طبيعي مرتين في اليووم واكثر الزيت زيتوون في السلطه .. هذا الي فتح لي الرحم وجاب الطلق من ثلاث ايام ..
خلص يوم الجمعه ونمت وقمت الساعه 9عندي موعد في المستشفى ورحت للمستشفى
وقلت لدكتوره عندي طلق من ثلاث ايام سوت تخطيط قالت طلق بارد احتمال بعد اسبوع تولدين وجلست تتكلم اذا ماولدت الاربعاء اجي عندهم وتسوي لي طلق صناعي المهم بعد كلامها بردت مرره قلت شكلي مطوله وخاصه بعد التخطيط وكذا..
طلعت قلت لزوجي خلينا نتغداء برى مالي خلق اروح البيت وفعلا تغدينا بمطعم وطلعت قلت خليني امشي وباقي على صلاة العصر ساعه تخيلوو مشيت لحد المسجد عشان صلاة العصر تقريبا مشيت نص ساعه وصلينا وطلعت ورحت محل اواني وجلست امشي فيه وافترر من فوق لتحت ووقت ما طلعت من الدكتوره وانا احس بطلق وهو معاي من الصباح يروح ويجي بس هي قالت طلق بارد ..
باقي ساعه على اذان المغرب تعب زوجي وبنتي من المشي مساكين :7_5_131:
رحمتهم ورحنا على البيت واهل زوجي كان عندهم عزيمة عشاء رجاجيل ورحت اخذت شور واستشوور والطلق بدى يحمى المهم لبست ولبست بنتي وانا اتحمل واخذ لي كان زيت زيتون وعصير وقبل اذان العشاء وبعد العصير بربع ساعه حسيت كان شي من تحت توسع والمني وصار الطلق مايتحمل وقلت لزوجي بروح اشوف كم فاتح الرحم احس ولاده ..
رحت لدكتوره وقاست لي قالت 5سانتي ولاده روحي للمستشفى طيران:11retcher ..دقيت على اخت زوجي قلت وش عندكم وكذا قلت لها بجيب بنتي لان فيني ولاده لان امي بعيده عني 300 كيلوو عن الرياض ..
المهم حطيت بنتي ورحت المستشفى ولما دخلت كان 6سانتي والمستشفى كان الجامعي صراحه دلع ونظافه والغرفه الي ولدت فيها تهبل تقولون مستشفى خاص..
وجوني الطاقم الطبي القابله ومعاها 5ممرضات وقالو اذا احتجنا دكتوره طلبناها..
وسئلتني القابله تبين ابرة ظهر ولا مسكن ورك ولا كمامه ..قلت اش رايك ابرة ظهر
قالت ما انصحك لو انا ما اخذهاا..قلت سوي الي تبين استسلمت ..
عطتني ابرة ورك وبعدها كمامه طبعا ما اقوولكم الكمامه تنومك بس ..وتحسين بالام لدرجه اني احلم كاني بنار من حرارة الطلق وحلووم وكوابيس مزعجه طبعا من الطلق وحرارته..
اسواء شي لما جيت على الراس الكمامه للحين علي مافكيتها ..وتوسيع ماعاد يوسعون بالثاني يعني اجلسي عى الراس لين الله يفرجها ..
هنا جنيني تعب داخل وانا من الدخوووه ماعاد فيني ادفع فكوو كمامة البنج وركبوو كمامة اكسجين ودخلوو ثلاث دكتورات سعوديات الي تحترك بطني والي تحوس عند جهاز نبض الببي ووالي تمسك يدي وتشجعني وكلهم يالله ادفي ادفي وصوت رجاجيل خلف الستاره ما اعرف كم عددهم حسيت كان في خطر على جنيني وطبعا الام وخوفها قاومت نفسي ودفعت مرره قويه ومرتين وثلاث والرابعه اخذت نفس كبير داخلي وكتمت ودفعت بكل قوتي وطلعت احلى بنوته على وجه الدنيا :04:
بعد ماولت قامو يصفقوون النيرسات والدكاتره الي برى قاموو يباركوون وواحد يقول مبرووك كنا حنفقد البيبي الاكسجين قل عندها ..
والحمدالله صحيح ان بنتي جلست يومين بزجاجة اكسجين بس الحمدالله اللحين بصحه وخيرر ..
واتمنى اني ماطولت عليكم ..
والله يرزقك كل وحده بالذريه الصالحه ويهوون على الحوامل يارب