ولادتي+نصائح للبكريات وغيرهم

السلام عليكم
الحمدلله على النعمه ولدت بفضل الله قبل شهر وثلاث اسابيع
وكانت الولاده من اسهل مايمكن ماشاء الله تبارك الرحمن
وقبل اقولكم قصتي ارجو منكم الدعاء لوالدي بالرحمه توفي قبل ولادتي بثلاث ايام:frown:
الله يرحمه ويغفر له ويجعل ما اصابه تكفير ذنوب ويجعل قبره روضه من رياض الجنه ويجمعنى في مستقر رحمته..آمين
مع ايام العزا تعب نفسي وجسدي وناس رايحه جايه ويمكن هالشي اثر صار ينزل مني ماده صفرا غليظه كأنها بلاستك ومعها خيوط دم وسكت قلت خل ايام العزا تعدي واروح المستشفى
ثالث يوم في الليل خلاص الناس راحو دقيت على زوجي ورحنا المستشفى وقاس لي الدكتور حصله مفتوح خمسه ونص وانا مامعي اي ألم او طلق تبارك الله
قال ولاده انا ساعتها وبسبب الظروف اللي صارت ماكنت مستعده قلت مدام مامعي طلق بطلع قال خطر وع مسؤليتك قلت اوك وقعت وطلعت رحت جهزت شنطتي وصليت ونمت من الفجر قمت صليت وحطيت لي كاس حليب فيه حلبه وقرفه وجلست امشي
ورحت لهم 8 الصباح قاسو قال مفتوح سته ونص وكمان مافي اي ألم او طلق تبارك الله
دخلوني غرفة الولاده 9 فتحو موية الراس وهنا بدا الطلق الساعه وحده وبنتي في حظني الحمدلله والشكر لله ماشاء الله
ربي رحمني بسبب الظروف اللي صارت كانت الولاده برد وسلام الحمد لله..
يمكن حد يسألني هل كنتي تاخذين شي..؟
من دخل التاسع صرت اشرب حلبه مع الحليب اذا صحيت وقبل النوم..هالشي امي وخالاتي يسوونه وينفتح الرحم عندهم ممكن يوصل ثمنيه بدون اي طلق او ألم تبارك الله ويبدا الطلق اذا فتحو المويه
وانصح البكريات تدخل غرفة الولاده وهي متفائله وتقول خلاص الحين بحظن طفلي..موخوف وتوتر
ووجود زوجي جنبي ساعدني كثير حرام قطعت يده من كثر ما اظغطها في الطلق بس خله يحس ووقت خلاص الدفع يروح ورا الستاره اذا علاقتك بزوجك تمام وهو انسان فري دخليه راح يساعدك هالشي نفسيآ
وبس الله يرحم ابوي ويحفظ لي بنتي
دعواتكم