ولادتين في ولادة وحدة................

السلام عليكم بناااااااااات

اول شي نستقبل التهاني والتبريكات هنا على ولادتي قبل 5 ايام
وابشركم جاء على الدنيااا عزوزي بعد حرب وصراعات مع الطبيبات
والممرضاات:09:


ابدأ معكم قصة ولادتي :

اول شي حددت لي الدكتورة اخر يوم اذا ماجتني ولادته لازم تنويم لاني اخذت من العاشر تقريبا
10 ايام والبيبي بدا يكبر حجمه
فقبلها بيوم كانت النفسية مندمرة بس محتارة انا وزوجي نروح ولا نصبر كم يوم ؟؟؟
في نفس الليلة دخلت هنا المنتدى واستشرت البنات هنا وكلهم يأيدون اني اروح للمستشفى
صليت الاستخارة مرة ومرتين وثلاث بس سبحان الله ماحسيت بشي ثم توكلت على الله وقلت
ارووح وبس
طبعا وصلت للمستشفى وماكان ودي انزل من السيارة والله كنت ارتجف
بعدين استقبلوووني ويالله تحاليل وتخطيط وماادري وشو بس زحمة شوي وانا على اعصابي
ثم اول موقف جت الدكتورة وكانت دفشششششة حبتين وكشفت علي وقالت الرحم ماانفتح
فعطتني تحميلة محفزة لفتح الرحم جلست بعدها انتظر الم انتظر شي ماحسيت الا بالم خفيف
مرررررة ...
بعدها تقريبا بــ 6 ساعات جت طبيبه ثانية وكانت كويسة احسن من الاولى وكشفت قالت لسا الرحم
توة بادي ينفتح يعني نص سم بس وعطتني تحميله ثانية
وانا احسب هذا الم الولادة بس وارتحت شوي حتى اني اتفلسف على زوجي اقولة اذا الم الولادة كذا
بسييييطة وانا ماطة خشتي :42:
بعد التحميلة الثانية زاد الالم حبتين وطقتني ام الركب قلت الله يخاااارجنا وش السالفة
بعده برضو بكم ساعه كشفت علي قالت 2 سم يالله على الولادة طلعوني على الولادة وكشفت علي
وكنت مرة مشدودة نفسيا يوم درت انه 2سم قالت لا ارجعي للغرفة وانتظري زيادة اااففففففف
هذا الكلام الصباح الساعه8 رجعت للغرفة وجلست فيها حتى الساعه 9 بالليل
يوم جت الساعه 9 والله وجتني ذيك الطلوووق اللي تجيب المرض كانت قوية بس متباعده
نقلوني على غرفة ماقبل الولادة وصارت الالم تجي كل 3 دقايق ودخل زوجي معي فيها
والله مسكين رحمتة صار يسمع بعض الحوامل اللي لسا ماولدو يصارخون باصواات شنيعه
انا خرعوووني وشلون اهو مسكين وبعد يشوفني اتالم وابكي واقولة بمووت بمووت ويقولي
اذكري الله استرخي وانا بس اضرب فية احيانا واحيانا شوي واعضة.... :eek:
بعدها اعطوني طلق صنااعي وبغيت انجن وصرت ابكي بقووة واقول لزوجي تكفى ابي ابرة ظهر
ابي ابرة وهو كان رافض بالمرة يوم شاف حالتي قال يالله واخذتها يوم رجع لي بعده شاف خشيشتي
وانا ابتسم له قال ايييييييييييية وينها من زمان :09:
قلت له وانا رايقة اسفة خرعتك وياي قال لا عاادي وهو مسكين وجه اصفر من الروعه
بعد كذا مفعولها راح خلال نص ساعه وبدا الصياح وجت وزادت الدكتورة لي الجرعه
ثم كشفوو لقوو الرحم انفتح 10 سم الحمدلله
قالوو يالله ولادة
ثم سبحان الله مع الطلوق البيبي صار عند صدري مو راضي ينزل وانا ادفع بغيت اموووت
ثم ضعفت دقات قلب الجنين قالو مانزل البيبي لازم عملية
والله وتصك رجولي ويسحبوني لغرفة العمليات وانا احس بالدفع قوي وراح مفعول الابرة
بغيت انجن ثم على طول تخدير والحمدلله طلع البيبي سليم
المهم زوجي كان عند الباب يدور وشاف البيبي مع الحاضنة منزلتة على الحضانه
ويسالها كيف مدام قالت له ماادري ماادري بس بيبي كويس
انجن مسكين يقول اكيد فيها شي ثم زاد خوفه جو 6 اشخاص يقول مستعجلين ودخلو غرفة
العمليات يقول خلاص البنت راحت
شوي طلعت الدكتورة وقالت له الحمدلله كل شي زين مسكين صار وجهه يتلون
ثم طلعوني واذا هو بوجهي قال هاه كل شي تمام قلت له وين البيبي سليم مافية شي
راح وجاب لي صورته والحمد لله تطمنت وبكيت بعدهاااا لييييييييين طاح اللي براسي
وسلامتكم وهذي سالوووفتي