سلام عليكم ورحمة الله وبركاته
شخباركم يابنات ياحلواااااااات .....عسى الله يقوم كل حامل بالسلامه ويجيها بيبي:04:سليم وعافى ****لله.... بقول لكم سالفتي من طئطئ لسلام عليكم على قولت المصريين انا تزوجت ولحمد الله:39:وبعد زواجي بشهرين حملت وكنت مستانسه ومو مستانسه على الحمل لاني حسيت انه مسؤليه كبيره وانا توني صغيره:04: بس الحمدالله على كل حال ومرت الايام بسرعه وله انا صايره باشهر التاسع وكاني البارحه متزوجه ورحت جهزت حق البيبي وقالي الدكتور انه ولد والله اعلم ...... والشهر التاسع احس انه اطول شهر مر علي وطاف موعد ولادتي باسبوع المهم مالكم بالطويله في يوم كنت زعلانه على زوجي عاد انا زعلي اقشر ماارضى بسهوله وكنت نايمه بالغرفه واهو بالصاله خخخخخخخخ مسكين مطرود وحسيت بمغص في بطني مغص خفيف كان اطير من الفرحه مسكينه عبالي راح اولد بعد ساعه اوساعتين رحت عشان اقعد المسكين الي بالصاله:arb: بس قلت لا انا مااكلمه ومستحيل انزل نفسي له عنيده وراسي يابس :mad: قلت بيني وبين نفسي الحين هذا الطلق الي يسولفون عنه طلع شي عااااااااااادي صج الحريم يضخمن الامور وبعدها بساعتين وتعال ياطلق الصجي الي خلاني اصيح واستريح بمكاني ولله واروح على:arb:قلت العن ابو الزعل قلت له وانا ابكي مخليني اطلق بروحي وانت نايم هني قالي شنو تبيني اطلق معاك عباله اني اكذب علي لاني دايما اسويها في وشافني صج قاعده ابكي وخذاني المستشفى واهلي بديره وانا بديره وبكريه وقاعده ابكي خايفه من الولاده ومحد عندي ودخلت على غرفة الفحص فحصني الدكتور وله يقول لي ماعندك ولاده تو الناس قلت قلت شنو ماعندي ولاده؟ وله عوار هذا شنو قالي فيكي طلق بس رحمك مومفتوحه سم واحد بس ورجعت البيت والله يابنات العوار يجيني كل خمس دقايق احس انه روحي بتطلع بس من رحمة رب العالمين يوقف العوار ويرجع مره ثانيه ورجعت على المستشفى باليل وقالولي نفس الكلام وتميت ياطويلات العمر اسبووووووووع على هل حال لااكل لا شرب وماذقت طعم النوم وحتى غرفتي مادخلته اجي من المستشفي انسدح بالصاله ماقدر اوصل الغرفه وطبعا مانسيت الاذكار وقريت سورة مريم وماتيسر من القران اخر شي حلفت قلت والله لاروح المستشفى واذا الرحم مو فاتح اسوي عمليه لاني تعبت من هل الحاله تعبت نفسيتي اكثر من جسمي ورحت الساعه عشره الصبح وله يقول الدكتور الرحم فاتح اثنين سم بس خلاص راح ادخلك ولاده والله من الفرحه نسيت الالم ودخلت والاده وكنت بروحي لا ام الااب لااخت والحريم الي هناك الله يهديهم خرعوني اي وحده تشوفني تقول حرام مسكينه بكريه ومامعك احد:44: وزوجي ممنوع يدخل قسم الولاده ونرجع على العوار احس انه رحمي قاعد يتقطع وزوع الله يعزكم والوجه اصفر ومافيني حيل من الجوع والي خوفني اكثر صراخ الحريم الي قاعد يولدون جنبي وانا مع الخيل ياشقره اصرخ معاهم قلت حق السستر عطيني شي مخدر ابره وعطتني ابرة مخدر نمت من الساعه12 اله الساعه 4 العصر وكانو حاطيلي طلق صناعي مع المغذي والابره الي عطتني اياه تخليني اهلوس وجاني الدكتور قالي انتي بكريه ومابي اعطيكي شي ياثر عليكي ومابي اسويلك عمليه راح نطول بالنا عليكي شوي واذا ماولدتي انسويلك عمليهراح مفعول المخدر ورجع العوار وقمت اصارخ على الدكتور عطني ابره عطني ابره قالي راح اعطيكي ابرة الضهر بس انتي المسؤله قلت زين مو مشكله اهم شي يروح العوار وانا الي كنت اقول مستحيل اخذ ابرة الضهر بس وقت العوار تبين اي شي يخفف الالم المهم صارت الساعه 12 وجت السستر فحصتني وله تقول ماما 8سم يالله ولاده وانا ماصدقت على الله قلت له روحي نادي الدكتور وله تقول مافي دكتور انا اولدك قلت انتي والدكتور قالت الدكتور راح قلت مو مشكله المهم اولد وجت سستر ثانيه وقامت بنت هل حلال تشجعني يالله ماما مابقي شي لما يجيكي العوار ادفعي وانا ادفع وادفع وفجاءه مادري شلون طلع هل بيبي زلق مثل الصابونه خخخخخخ تشبيه بليغ وله تقول السستر بونيه هلوووو قلت شنو بونيه انا فيني ولد قالت لا ماما بونيه قلت جيبيها واضمها على صدري واقعد ابكي والله يابنات احساس ماعرف اوصفه عمر ماحسيت في وخذته مني السستر وحطتها في السرير والسستر قاعده دزها بنتي طالعني وانا اطلعها وابكي ........ والحمدالله بعده قمت بالاسلامه بس الفشلهمن الناس وانا في المستشفي اني جايبه لابس ازرق حقي وحق البيبي عبالي ولد خ انصحكم اشترو ابيض وبيج خخخخخخخخ...... ادري اني طولتها وهي قصيرها و****لله المره الجايه اكتب عن مابعد الولاده وماادراك مابعد الولاده من اكتئاب وغيره... ودمتم ساااااالمين
يلزم عليك تسجيل الدخول أولًا لكتابة تعليق.
مبروك البنوته والله يخليها لك احداث ولادتك قريبه مره من ولادتي ويازين ابرة الظهر زيناه ترد الروح والله
الصفحة الأخيرة
يارب وعقبالنا يارب
ونرتاحححححح