صباح الخير
الحمدلله الله سهل ولادتي ع اني كنت شايله همها وافكر ف دا اليوم من حللت وطلع لي خطين طبعا انا بكريه من دخلت التاسع وانا امشي ف يوم تقريبا نص ساعه وع بالي اني حولد ف بدايه التاسع بس اللاسف كملت التاسع كلو ودخلت ف العاشر كمان
لما هلصت التاسع الدكتوره عطتني مهله ع اساس يجيني طلق من ربنا بس سبحان الله الله ما اراد
وطول التاسع مافيني طلق نهائيا بس يجيني مغص خفيف اخف من الدوره كمان
المهم اعطتني الدكتوره نوعد لطلق الصناعي ورحت ع موعد واعطوني اول تحميلتين مافاد معايا ولا جالي طلق بعدين جات تقيس الرحم لقتو مقفل طبعا قياس الرحم شي يالم مو بالسهل وربي
ورجعت اعطتني تحميلتين تانيه وبعدها بدا معايا الم بس ف ظهري ع خفيف
وجات دكتورتي وادتني مسكن قالتلي عشان ماتتعبي نفسك بالطلق وقالتلي حديكي ساعتين ان مافتح رحمك راح اطلعك غرفه ترتاحي فيها وتتعشي وان فتح حتجلسي ف غرفه الملاحظه
وبعد ساعتين جو قاسو رحمي لقوه مقفل
طبعا انا من جيتهم الصباح ونفسيتي زفت وخايفه وع حظي السسيئ كانت ف غرفه الملاحظه الي جنبي وحده متعسره ولادتها وكل ما سمعتها تصارخ ابكي انا
فبالي انو حيصير لي زي ماصار لها المهم بعد مالقو رحمي مقفل طلعوني ف غرفه وقتها كنت تعبانه ابغى اكل وانام وكمان من كتر الي شوفتو من الحرمه الي متعسره ولادتها قررت اولد قيصري بما انو رحمي مافتح بعد اربع تحاميل
قولت اختصر الوقت واولد قيصري تعشيت وكلمت دكتورتي قولت لها اني قررت اولد قيصري قالت لي اكلتي قولت لها ايوا قالت لو ما اكلتي كان دخلتك ولاده دحين وقتها انا تحطمت
قالتلي انا شويا حينتهي دوامي وبكرا الظهر اداوم ادا ماجاتك ولاده من ربنا اولدك قيصري قولت لها اوكي
والساعه 12 بدا مغص معايا زي الدوره وراح مفعول المسكن واشتد المغص وانا ماني قادره اتحمل الالم جلست لحد 2 ونص وناديت ع سستر وقولت لها اعطوني مسكن مو قادره اتحمل الالم
دقت ع دكتورتي وكلمتني الدكتوره قالتلي ادا رحمك فاتح راح ننزلك تحت غرفه الملاحظه وادا مقفل راح اعطكي مسكن وترتاحي وقتها انا قولتها انا مابغي اولد طبيعي خلاص اتفقنا قيصري قالتلي يابنتي صلى ع نبي جاتك تساهيل من ربنا وماتبغي كمان
وقاسو لي الرحم وطلع مفتوح 1 سم ونزلوني غرفه الملاحظه والالم يشتد عليا بعدين اعطوني مسكن وماجاب نتيجه احس روحي حتطلع من الالم وانادي عليهم اعطوني كمام وشويا ونقلوني ع غرفه الولاده واعطوني كمام واشفط فيه ما احس اني تخدرت وانا اتلوى من الالم وجلسو يحاولو فيا ع ابره الظهر وانا كنت رافضتها ومتوخفه منها وجا استشاري التخدير وجلس يقنعني وزوجي حزن عليا من كتر الالم وواقفت عليها واعطوني ياه
يا انها رحمه من ربنا ونعمه الحمدلله اخدتها وبعدها ماعاد حسيت بشي
جات الساعه 4 قاسو لي الرحم لقوه فاتح 4 سم وانا شويا انام وشوي افتح عيوني زي المسطوله بس ما احس ولا بشي الحمدلله وبعدين ع 5 ونص الحمدلله فتح ع 7 سم
وراح زوجي جابلي امي ع الساعه 6 وجات امي الله يحفظها وقد رحمي ع 8 ودقو ع دكتوره ع بال ما جات ورحمي خلاص ع عشره الحمدلله والشكر لله
وجهزوني ورفعو رجولي وامي كانت معايا وقت الولاده وتقرا عليا وتقولي رددي ورايا جوت نفسك
ووقتها الدكتوره تقولي دفي دفيت لي كم دفه وبعدها خدرتني بالكامل وصحيت وانا الحمدلله ولاده احلى بنوته كامله متعافيه الحمدلله والشكر له
بسس عندي سؤال بالنسسبه للخياطه ف اخر غرزه عندي زي الحفره الصغيره انا اتوقع انها افتحت ومره خايفه اروح اراجع لاني خايفه من الالم والخيوط لسا ماطاحت هل دا عادي ولا لا00؟
وانا لي ولاده 16 يوم ياليت تطمنوني
ومعليش طولت عليكم
لو كلفتني المحبه12 @lo_klftny_almhbh12
عضوة جديدة
يلزم عليك تسجيل الدخول أولًا لكتابة تعليق.
hazin :
الحمد لله على السلامه ياقلبي ومبرووووك ماجبتي يتربى بعزك متى اغمض عيني وافتح وانا بالتاسعالحمد لله على السلامه ياقلبي ومبرووووك ماجبتي يتربى بعزك متى اغمض عيني وافتح وانا بالتاسع
حمد لله ع سلامتك وتتربى بعزكم يارب
بس تكفين افيدني عن ابرة الظهر كيف ولها تعب بعد ماطلعتي من المستشفى حسيتي بشي تكفين لاني محتارة دكتوري يقنعني وانا اقول ايه لا
انتظرك
بس تكفين افيدني عن ابرة الظهر كيف ولها تعب بعد ماطلعتي من المستشفى حسيتي بشي تكفين لاني محتارة دكتوري يقنعني وانا اقول ايه لا
انتظرك
الصفحة الأخيرة
الله ييسر امري وكل مسلمه ويهووون علينا