ولادتي الاولى.... يابكريات تعالو وسعو صدوركم شوي..

همس الغلاا :

سويت التحليل دقايق والا الدكتور يقول مبروك حامل وواضح ان الحمل كبير :icon28:<<<<<<< ماصدقت وقعدت ابكي وابو الشباب طاير من الفرح رجعنا البيت والكل مبسوط الا انا <<<< فشلت خطتي للطلاق مصدقه روحها المهم ماكنت احس بشي بعد شهر تعدلت نفسيتي مرات انسى اني حامل حملي كان خفييييييف لدرجة كنت انزل من الدرج ركض اذا تاخرت على الدوام ...:p عدت الشهور وانا عاديه جدا رجعت اسولف مع خواتي واهلي بس زوجي لاااااااااااااااااااااااااااا:angry2: كان يجي ويروح مااشوفه يجلس بالمجلس ويقعد يومين وانا مطنشته وهو صابر على اساس اني حامل واتوحم :arb: ...................... كنت مهمله بصحتي يعني مااخذ لافيتامينات ولاحديد ومطنشة موضوع الحمل ولارحت لاي طبيب مره وانا اتحمم طبعا وقتها كنت بالشهر السادس حسيت باول حركة للبيبي حركة سريعه مثل السمكه خفت وجلست على الارض واول مره احس باحساس غرييييييييييييب خفت على البيبي من وقتها تعوذت من الشيطان ومن بكره رحت المستشفى فتحت ملف متابعة وبديت اهتم بحملي <<<<< بدري:eek: كنت احلم كثير باللي في بطني واسولف لخواتي عن احلامي اقولهم شفت بنتي بالحلم حلوه وتهبل الكل يضحك يقول اللي في بطنك ولد هو اللي حمله كريه ونفسيتك دمار منه...:( عدت الشهور بما اني ماكنت مادري عن حملي فكان توقع الولادة مو في بالي يعني ماكنت ادري متى بولد بالضبط... ................. دخل شهري طبعا هالكلام كان باول اسبوع من شهر 2 يعني رد سنة زواجي المهم قبل ولادتي بليلة كنت سهرانه مع اهلي احس بنغزات بالرحم من تحت كانها ابرة وكل شوي افز طالعتني مرت اخوي تقول حاسة بشي قلت لا بس نغزات ضحكت وقالت الله يهون عليك <<<<< مافهمت وقتها ليه تضحك نمت وصحيت على اذان الفجر يوم الجمعه ومعي الم والنغزات تزيد قلت بصبر واشوف المهم بدى المغص<<<<< شنو هذا لاالم خفيف بصبر بعد جت الساعه 7 الصبح وانزل تحت القى امي وابوي الله يطول باعمارهم ويخليهم جالسين .. قعدت معهم وتجيني فكرة مجنونه كنت احس بالم بس من كثر مااسمع انو اللي تروح للمستشفى بدري يلعبون فيها بكثر الكشف الداخلي<<< هذي عقدتي :icon36: المهم واقول لأمي بروح بيت خالتي قالت شعندك قلت طفشانه بروح اتمشى و اتسلى عندهم <<<< جاهله ماتدري شنو ينتظرها امي كأنها حاسه ان فيني شي قالت لاتتاخري قلت لابوي تعال خذني الساعه 10 طلعت من البيت والمغص يروح ويجي بس محتمل المهم بيت خالتي تقريبا نص كيلو وانا بنص الطريق ويجيني ذاك الماغص اللي هوووووو مدري شسوي جلست على عتب بيت ناس وانا خايفة شملقفني ومطلعني من البيت خنقتني العبره :( بس راح المغص قلت الحمدلله كملت مشواري ورحت عند بنات خالتي سوالف وضحك وانا عندهم كل شوي يرجع لي المغص اسكت مااتكلم<<< مسوية حرمة مابعلم حد ان فيني ولادة اثاري الكل كان حاس وانا ياغافلين لكم الله كانت بنت خالتي تقول تعالي بنروح نشوف بيتنا الجديد عشان تولدين فيه اضحك اقول ماعندك سالفه.. المهم المغص بدا يزيد ووجهي كان يبان عليه واللي حولي ينتظروني اتكلم وانا سنعـــــــــــــه صابرة جت الساعة 11 دقيت على اهلي قلت لابوي تعال جا ابوي ربي يخليه واول ماطلعنا من حارة بيت خالتي ونطب ذاك المطب اللي قطع قلبي قلت لاابوي بشويش وانا العبرة خانقتني.. :icon36: للقصة بقية لاتردون..

سويت التحليل دقايق والا الدكتور يقول مبروك حامل وواضح ان الحمل كبير...