ولادتي الثانية فعلا يوم يقولون الثاني يتعب اكثر من الاول

السلام عليكم ورحمة الله وبركاته

الحمد لله ولدت ولدي الثاني بشعبان يوم 13

بس والله كانت ولادة صعبة جدا وذقت فيها الطبيعي والقيصري

ولدي الاول كان طبيعي

وهذه قصة ولدي الثاني

يوم 12 شعبان كنت مخلصة التاسع ولي اسبوع بالعاشر

امع اني اشرب حليب مع عسل واكل رطب وامشي 3 ساعات يوميا مقسمة على طوال اليوم

المهم هذاك اليوم سويت كنافة وقلت لزوجي ابروح لاهلي قال اوكي اجهزي بعد العصر

واخذني بعد العصر وقلت له ايش رايك تمرني المستشفى اقيس الرحم نشوف يمكن فتح وطلقي بارد


ورحت دخلت عالدكتورة وسوت لي سونار وقالت وزن طفلك كبير 2.5 كيلوين ونص

انا فتحت عيوني وقلت لها مو كبير في حريم يجيبون ل4 كيلو ماشاء الله

قالت لي هو كبير على مقاس الحوض عندك واحتمال تولدي قيصري قلت خير ان شاء الله

وطلبت منها تقيس الرحم ولقته فاتح 2 سم


ورحت سويت تخطيط للطلق واشوف الممرضة تطالع بوجهي وتطالع بجهاز التخطيط وسالتها ايش في؟؟

قالت ما تحسين بشئ؟ قلت لها لا قالت ابدا قلت لها ولا شئ ما احس

قالت لي الطلق عندك 100 يعني طلق ولادة

وقاست لي الرحم لقته 3ونص قالت رحمك يفتح بسرعه عالعشاء رتولدي ان شاء الله

وكانت المستشفى مو عاجبتني فقلت لها اوكي بروح اجيب ملا بسي واجي


وشردت على مستشفى ثانية

وكنت ساااكته بالسيارة ولا فتحت فمي لا بكي ولا كلام بس دموووع تصب




المهم دخلت المستشفى الثانية الساعه 7 المغرب قاست الرحم فلقته 5 سم ولا عندي طلق وحولوني على قسم الولادة على طول


وجلست بقسم الولادة طوووووول اليوم الين اليوم الثاني الساعه 7 الصبح جات الدكتورة قالت احتمال تولدي بطلق صناعي لان طلقك بارد ضارب لل100 وماتحسي فيه



وسوت لي سونار وقلت لها يقولوا راح تولدي قيصري ووزن الطفل كبير قالت لي لا كله كلام فاضي واتطمنت الحمد لله




وعالساعه 9 بدات اتعب واحس بالطلق وجلست اطلق الين الساعه 11

قاست لي الرحم لقته رجع قفل وصار 2 سم وقالت استني شوي يمكن يرجع ينفتح

وانا حسيت اني ابغى ادفع وهي شجعتني وقالت لي ادفعي

دفعت مرتين وقاموا يصرخون ويشجعوني ايوه كملي خلاص نشوف راسه

وانا احس ان جسمي تعب ولا عاد اقدر ادفع بس كنت اضغط على نفسي



وفجاة انخفض نبض الطفل



انخفض نبض الطفل ودخلوا علي 3 طبيبات واستشاري عشان احتمال يقرروا العملية


وانا كنت متحملة وقت الولادة ولا فكيت فمي بس لما انخفض النبض وشفت الدكتورات خفت وقمت اصرخ

وقلت لهم خلاص سوا لي عملية ولدي بيموت

بس الاستشاري جلس يسوي لي مساج عالبطن وقالي انسدحي على جنبك اليمين او اليسار ما اتذكر بالضبط

ورجع نبض الطفل طبيعي


وقالوا راح نستنى الرحم يفتح مادام النبض كويس

ورجع نبض الطفل يضعف لان كان بيخرج لكن الرحم مقفول فيتعب وينخفض نبضه

وبالاخير قرروا عملية


وانا لا تسالوا عن حالتي في غرفة العمليات

كنت مستسلمة وجسمي تعبااان لدرجة ان دكتور البنج يكلمني ولا ارد عليه والممرضه تحاول تهرج معاي وكنت بس اطالع فيها

واستودعت الله نفسي وجنيني وتشهدت وحطوا لي الكمامة ورحت بعالم ثاااني

فقت بغرفتي الساعه 2 الظهر ولقيت زوجي جنبي يضحك ويقول لي جبتي ولد زي القمر ومصوره ويوريني الصور

وانا بس اهز راسي




والعصر جات امي واختي وجابوا النونو وشفته


وسميته غسان ربي يحفظه لي



يارب لا تحرمنا الاجر كانت ولادة متعبة

ولا تسالوا عن الكنافة ههههههههههههه جلست بالسيارة الين انعدمت ورماها زوجي هههههه