ولادتي السريعة المعجبة.!!

هنا قصة ولادتي
الله وكيلكم حملي ششيين المهم بداية وحامي كان من ثاني شهر وهو؟؟ضاربني قولون اتوقع من تعير الهرمونات اتذكر كان اكل وجبة في اليوم لمدة ثلاث شهور ووجبة خفيفة نقصت خلالها ٤كيلو..!!
كان حملي يتخلله لحضات من الحزن والضيقة والوحدة والغربة ،فكني القولون جاني حساسية في الجلد واكزيميا في رقبتي وفروة شعري وهنا مازالت الهرمونا وتغيرها تلعب في شعري وجلدي وبشرتي يارباااه وحزنت من شكلي .

وجااااااء الشششششهررر التاسع المنتظر.
كنت احسب بأي للحظة ولادة ومتوقعة ومجهزه شنطتي :)
فات الاسبوع الاول على خير والثاني وجاء الثالث هنا هه بديت اتمرن امشي كثير واراجع اموري كويسسة

جاء الاسبوع قبل الاسبوع الاربعين وهه الااام دوره وكنت ممتنعة عن الزيارات والخروجات عندي فووبيا من ان المويا تنكب احتمال ماتدرون .!!
جاء الاسبوع الاربعين ولا فيه بوادر طلق وموعدي الخميس
وهنا بدأت الافلام،انا صرت مخاطرة ابغي اولد واخلص وارجع لاهلي كرهت الغربة ومليييت واكتئبت رحت للطوارىء قلت لهم احس بطلق خفيف وانا الاسبوع الاخير (كنت اكذب استغفر الله بس ابغي يقيسوني لعل يحفزون الطلق عندي.!!) كنت احسب نفسي ذكية الدعوة قياس واطلع خخخ حطوا على بطني جهاز الطلق يشوفون طلقي حامي ؟!وهنا برد وجهي على كذبتي وجاتني الدكتورة قالت ماعندك طلق قلت لها قيسيني ترى انا في الاسبوع الاخير مافي خطر وشافت ملفي وتأكدت ودخلت يدها وقاستني وقالت واحد سم اطلعي واذا جاك طلق تعالي على طول..

هااااه مر يوم ويومين وثلاث ولافيه اي علامات ولادة ولاطلق خفيف شيء كئيييب وبكرة الخميس موعد ولادتي قايلين لي اذا ماجاك طلق بنعطيك طلق صناعي.
واجي بالشمطة ومتوكلة على ربي ولاهمني شيء ولاخايفة من شيء ياجبل مايهزك ريح ادخل على الدكتورة قالت بنتظرك زيادة خمس ايام مابغى اتسرع وبس خليني اششوف السونار البيبي مويته كويسة؟ شافته لقت مويته ناقصة قالت شنطتك جاهزة صح قلت جاااهزة قالت اسوي لك تحفيز بحيث تفتح الرحم وتسحب السدادة بيدها قلت قدااام ودخلت يدها وسوت تحفيززز وطلعت اصابعها وفيها السدادة هنا انصدمت وخذيت درسس ان (القياس شيء والتحفيز وفتح السدادة شيء ثاني)
ماطلعت منها الا نص ساعة يضرب في ظهري الطلق خفيف قلت(حي والله ذا الحس مابغيينا) قالت لي روحي على البيت اول مايفضى سرير بندق عليك تجي قلت تمام
واستانست باحساس الطلق الخفيف وكنت محتارة (اصبر دام جاني طلق ولا اروح اذا دقوا علي ) وكنت جايتهم الصباح ودقوا علي الظهر اني اجي الطوارىء في سرير

وقلت لزوجي قدام متوكلة على ربي ولافيه الا المكتوب ماعاد ابغي انتظر اكثر ورحت ودخلت عليهم ودخلت الغرفة وشولي الأجراءات وكنت طالبة ابرة الظهر قالوا على الاربع سانتي نحطه لك
المهم شافوا طلقي خفييف واليوم مفروض ولادتي قالوا بنعطيك تحميلة في الرحم توسع الرحم قلت طيب احتمال متى اولد؟قالوا احتمال تطولين ونعطيك تحميله ثانية وثالثة يوم او نص يوم لاكن مافي شيء اللحين الساعة ٣العصر حطوها منا الله وكيلكم وانا قريت عن التحميلة ان في ناس كثير طولوا فيها ماجاهم طلق قوي او ماولدوا بسرعة
نص ساعة الا الطلق يحمى معي ويقوى واصيح جيبوا ابرة الظهر ماققدر اتحمل واصارخ الطلق ناااار جاتني الدكتورة قاستني الساعة٤ وقالت لي الرحم ٤ سم قومي امشي لك شوي على مايجي دكتور التخدير واتحمسس قمت امشي خطوتين يااااوكك زاد الطلق ناااار وماعاد قدرت امشي ولا اجلس خخخخ والممرضات حولي مطولين بالهم ولاهم معي في بالهم تو داخله وماخذه تحميله وبتطول عندنا على ماتولد الا انسدح واصارخ ابغى الابرة حقت الظهر بسسرعه ماقدر تخيلوا سبحان الله قالوا انتظري الدكتور عندها شغله ويجي بعد نص ساعة .!!
حسيت الراس بيطلعععع والممرضات باردين ولاهم مصدقين اني بموت من الطلق واني على الرااااس صحت في الممرضه راسس البيبي بيطلع بيطلع ناظرت الممرضة الا نظراتها نظرات الصدمة كيف بهالسرعة (ماشاءالله)وتنادي الدكتورة والمساعدة ويجون ركض ياحليلهم يذكرون الله ويقولون ماشاءالله ولادت سريعة ربي راحمك وميسرها لك وكانت اسهل ولادة واحسن ولادة ماتعذبت فيها كثير ولا احتجت ابرة الظهر وكان الكل منبهرين كيف على طول من واحد سانتي لولادة بعد ثلاث ساعات الحمممدلله كثيراً