ياتاعبني

ياتاعبني @yataaabny

عضوة فعالة

ولادتي السيئة على يد الدكتورة(الجزارة)احلام ابو شوك

الحمل والإنجاب

السلام عليكم
أسواء اختيار ندمت عليه في حياتي اختياري للدكتورة اقصد الجزارة احلام أبو شوك في مستوصف أسرة المجد بالبديعة
بقولكم قصتي يابنات وأقسم بالله ما كذبت ولا بحرف طبعا انا كنت أراجع عندها من بداية حملي طبعا جتني فكرة اولد عندها سالت بعض الحريم قالو لي ماعليها قلت اكيد سودانيه وخياطها بيكون يجنن قلت لنفسي خلاص يابنت توكلي على الله وخذيها رحت لمها وعطتني كم مستشفى تروح لها ومن ضمنها مستشفى السعودي البريطاني
المهم كنت دايم نفسيتها الخايسه بس كنت اقول لنفسي اكيد من الدوام ويمكن تكون تعبانه المهم وصل وقت الولادة دقيت عليها وكان نازل معي دم خفيف وطلق بعد خفيف كان وقت خميس ولاعندها دوام كانت برا وجت وكشفت علي دخلت ايدها اللي زي العجرا وكانت زعلانه وقعدت تهاوش لاني خربت عليها طلعتها وعطتني من هالكلام والهواش حسبي الله عليها انا دفعت الفلوس وتوهقت فيها المهم رجعت لبيتي لان صار الرحم مفتوح 4 من بكرا جاني طلق قوي ورحت للبريطاني على طول ودقيت عليها دخلت غرفه الولادة جت احلام الله لايوفقها وتعالو شوفو وش سوت فيني تهاوشني وتضرب رجولي علشان تعدل جلستي مع اني اقسم بالله اني كنت مستسلمه لها ومطيعه ولما ادعي وانا اولد تهاوش تقول قفلي فمك وتضرب رجولي كانها هي اللي دافعة فلوس لي علشان تولدني الله لايوفقها
اقسم بالله ماكذبت عليها ولابحرف والله يسامح اللي مدحها لي حتى خياطها يابنات اقسم بالله زفت وانا صار لي الحين ثلاث شهور والاثر مرة واضح ورحت لاستشاريه وشافتني قالت الخياط غلط واللحم على اللحم مخيوط الله لايحللها ولايسامحها
تكفون يابنات خذو درس مني ولاتروحون لاي دكتورة الا انتم تعرفونها زين
حبيت اعطيكم تجربتي واخليكم تستفيدون مني
36
6K

يلزم عليك تسجيل الدخول أولًا لكتابة تعليق.

تسجيل دخول

جلستي ماتنمل
جلستي ماتنمل
حسبي الله عليها ونعم الوكيل. وربي مو صاحيه 
هذي شلون اصلاً قعدت لهالوقت توّلد الناس بهالمجزره 😱
أداعب اطياف الخيال
ووقت شفتي تعاملها كذا ليه ما طردتيها وطلبتي غيرها هو ما خلاهم يوصولون لهالمواصيل الا السكوت عليهم
حسبي الله عليهم اللي ماهي قد الوظيفه لا تتوظف تجلس ببيتها أحسن لها مو جايه تجري ورا الوظيفه وبعدها تتشمت وهي مجبره بأداء الواجب لا وكمان خاص لو حكومي ايش سوت؟
غيمة بيضاءء
غيمة بيضاءء
اشتكيها لادارة المستشفى ايش الاسلوب الهمجي دا مالها خلق شغل لاتشتغل محد جبرها
#وردة ذبلانه#
#وردة ذبلانه#
والله لو انا منك على هالضرب والمعامله الشينه ماتاخذ ريال واحد
المفروض من شفتيها كذا طردتيها
وخليتي اي دكتوره تولدك بالمستشفى
تاراتا
تاراتا
حسبي الله ونعم الوكيل