ولادتي القيصرية بالتفصيل

كيفكم ياحلوين ربي يسهل للحامل ويرزق كل محرومة يارب ياكريم 
نبدا بالمهم انا طبعا ولادتي الاولى قيصري وكانت في بخش وبنج كامل والحمدالله ولما حملت المرة الثانيه قلت يابنت لازم اصبر على نفسي هالمرة واولد طبيعي لانه كل شي تمام طبعا كنت اراجع عند دكتورة سهير المهم مرت الشهور والحمدالله كان حمل خفيف الين وصلت السادس وتطلع البواسير عليا طبعا هي من اول عندي بس تختفي وترجع وهالمرة زادت زادت حيل وطبعا تحاميل ومراهم الين التاسع وزادت اكثر صارت مو بس داخليه الا خارجيه وشرخ اه اه اه ماكنت انام الليل وربي الم مو طبيعي شي يخليك يالطيف الحمدالله بس طبعا ماقدرت اولد طبيعي لان البواسير من الدرجة الثالثة لازم قيصري طبعا على طول رحت المستشفى ودخلت على الاستشاري اشرف ابراهيم وحدد العمليه بعد يومين لاني بالاسبوع 38 وكان عندي بدايه طلق وخاف اني اولد باي لحظة طبعا جا يوم العمليه انا محددة نصفي لانه الكامل تعبني بالدوخة مرة اامهم دخلت العمليه الساعه 9 جا دكتور التخدير اسمه محمد اتوقع سعودي رجال كبير اخدت ابرة الظهر وربي تكه بسيطة مرة يده خفيفة تبارك الرحمن بعدها حسيت رجلي نملت وبعدين جا الدكتور اشرف بدأ العمليه مافي 10 دقايق  طلعت بنتي جوري ربي يحفظها العمليه استغرقت اربعين دقيقة بالظبط بالنسبة للنصفي افضل مليون من الكامل بس الي كان مخوفني شعورك انه من فوق عايشة ومفتحة عيونك ومن اسفل ماتقدري تتحركي هذا الي كان مقلقني طبعا جلست بالافاقه عشرين دقيقة وخرجت لقيت امي وابوي وزوجي ربي لايحرمني منهم بالنسبة للمستشفى نظافه واهتمام طبعا انا مرة ارتاح بهالمستشفى يعني لو يكون عندي سخونة مااروح الا بخش  الصراحة طبعا انا والدة لي اسبوعين ادعولي ربي يحفظلي اولادي ويرزقني الوظيفة