بسم الله الرحمن الرحيم
طبعا بفضل الله ومنته ولدت قبل شهرين في مستشفى الحبيب الطبي بالرياض وماخليت ولادكتوره ماكنت اراجع عندها
الى شهري الثامن وفروسي حبيبي ملك مو راضي يتنازل وينزل تحت خخخخخخخخخخخخخ
وانا اللي احبي كأني بقره تخض لبن >>>ابو الشباب يقول لي :arb: خخخخخخخخخخخخ
واطول بالسجود وامشي وماش سودت الركب وتفحمت والحال زي ماهو
المهم بيوم 14/7/1430 بالليل الساعه9 كان لي موعد مع الدكتوره زينب حبيب دخلت عليها فحصتني قالت ياماما ولدك عنيد
مسنتر فوق ماراح ينزل
طيب يادكتوره وش السوات وش الحل ؟
طبعا اكيد عمليه ................
وانا اللي اصيح
شوفي انا اللي راح اعمل لك العمليه وانتي خلصتي التاسع وش تحترين الين يجيك الطلق ويبهذلك
قلت يادكتوره يمكن يتعدل مع الطلق قالت انتي بكريه و99%مثل حالتك ماينقلب لكن لو وحده ثانيه لها ولادات سابقه ممكن
نولدها طبيعي لاننا عارفين حجم الحوض عندها ومقدار توسعه وقت الولاده لكن انتي لا
ممكن يختنق البيبي لاسمح الله او ينشب راسه والوضع المقعدي شاذ وصحتك وصحة البيبي اهم من كل شي
:icon33::icon33::icon33::icon33:
امنت بالله وناديت زوجي وطبعا شرحت له الوضع قال خلاص تم
طيب يادكتوره متى العمليه
تخيلو وش قالت
بكره الساعه 2:30 الظهر
اااااااااااااااااااااااااااااااااااااااااااااه
على طول حجزت وانتهى الموضوع
تجين بكره صايمه 8 ساعاات
وتعالو شوفوني هذيك الليله ابكي وامي تبكي وادق ع خواتي اوصيهن واكلم ابوي واوصي ابو فارس لاتتزوج علي لو مت خخخخخخخخخخ قال هذا اللي همك الحين
وانزل عند استشاري التخدير قالي تبين تخدير عام والا نصفي
وقام يشرح مزايا التخدير النصفي وصراحه اعجبني مرررررره
اول شي
اكون صاحيه واشوف ولدي
اقدر بعد كم ساعه اشرب سوايل
مايجني بلغم اوكتمه في الصدر
كلها ساعتين ثلاث ويروح التخدير من القسم السفلي
مااحس بدوخه
مااحس بغثيان
غير كذا اقدر ادعي ربي واستغفر وقتها
المهم وافقت
وارجع البيت
حبابيي ولدي يبكي جنني يبيني ارضعه لا وكمان اليوم تطعيمته
امس وديته لمستشفى عادي قريب من بيتنا كشف عليه الدكتور يقول عنده فتاق خصيه قلبي وقف
اليوم بوديه عند دكتوره اللي فالحبيب واشوف ادعوله يابنااااااااات
واوعدكم اول ماافضى راح اكمل لكم عن ولادتي واقامتي في الحبيب سته ايام
احبكم الى اللقاء
ام فروسي2 @am_frosy2_1
عضوة فعالة
يلزم عليك تسجيل الدخول أولًا لكتابة تعليق.
أروووجه
•
الحمد لله على سلامتك ...
والله يطمن بالك على ولدك ..
بس غريبه كان صبرتي شوي يمكن يجيك طلق ,انتي تقولين ماخلص التاسع !
لعلها خيره ...
كيف ملاحظاتك على الحبيب ؟؟ في الولاده وبعدها والعنايه كمستشفى وكذا ؟؟
والله يطمن بالك على ولدك ..
بس غريبه كان صبرتي شوي يمكن يجيك طلق ,انتي تقولين ماخلص التاسع !
لعلها خيره ...
كيف ملاحظاتك على الحبيب ؟؟ في الولاده وبعدها والعنايه كمستشفى وكذا ؟؟
الصفحة الأخيرة
والف سـلامــة على ولدك..
وان شاء الله ماقدامــه الا العافيــة ياااااااارب..