ولادتي الماساويه لعييييييييونكم

السلام عليكم ياحلى حوامل وكروشات
ولدت قبل مده وقلت لا بداعلمكم بعلومي ووش سويت وولدت >>>>>>متاخره ولادتها
رحت لدكتوره قبل ولادتي بليله وهي اخصائيه يمدحون فيها وشكيت لها الحال وقعدت تسالني
1-حملتي بعد ما تركتي المانع على طول
2-اخذتي مثبتات
3-اكلتي لحم جمل
4-تنامين كويس باليلللللللللللللل وانا كنت اسهر اليل وانام النهار بس قلت ايه انام كويس ليه مدري وش طرى علي
سالتني شربتي خروع قلت ملعقه فقط قالت الحريم بيشربو القاروره كامله وانا فعلا شريت خروع ونزلت موضوع هنا اسالكم اشربه ولا لا بعضكم ايد وبعضكم عارض قلت بسال الدكتوره ويوم قالتلي ماصدقت خبر المهم
طبعا كانت اجابتي للاسئله بلا
قالت كشف سريري وكشفت علي وانا انتفض من الخوف قالت مالك مرتبكه
على طول قالت المكان ناشف مافي افرازات قلت لهاانقطعت من الشهر الثامن
قالت عنق الرحم طويل لان المفروض اللي على وجه ولاده يكون قصير( تقصد المهبل )وواسع انا ضيق وطويل
وكشفت بالسونار قالت المويه كثيره مره والراس عايمه
بعدين نظرت لي نظرة حزن وقالت تحتاجين مساعده عشان تولدي :angry:
واكتبت لي تحويل على المستشفى
بس انا قدني نويت اني ما اروح الا على الولاده وارجع من عند الدكتوره وفي يدي عصير فراوله ثقيل واخلطه واشربه على مرحلتين انا ووجهي
بغيت اولد بالبييت شربت النص الاول الساعه 12 وبديت الف وادولر في البيت عشان المفعول يكون اسرع
وبدا الطلق خفيف وبدا يشتد ما جا الساعه 4 الا وهو قوي ومع هذا شربت النص الثاني
قال ايه قال لا يوقف الطلق والله من الدلاخه
وتشتد الالام بشكل محد يتخيله وانا قاعده احسب متى اروح المستشفى
قال ايه قال الطلق مابدا الا2 ولازم يستمر8 ساعات يعني بروح المستشفى الساعه 10 <<<<<<<<<<<<<الله يرحم امك بغيتي تجيبين العيد يا دكتوره (ماكو) اسم الدلع حقي
وعلى الساعه 6 اروح ابا انسدح شوي يقال ارتاح ويا دوب امد ضهري وتجي ذيك الطلقه اهههههههههه ومسكت نفسي لا اصصرخ لانو عيالي نايمين وما بغاهم يشوفوني بذيك الحاله واقوم وامشي
اروح الحمام لان الافرازات طفشتني كثيرره بشكل ما تتخيلوه حقت شهرين ما نزلت وبدات تنزل بعد ما شربت الخروع على طول ويوم اروح الحمام الله يكرمكم واجي اتشطف احس لي شي مدور وقاسي نازل من الرحم
ويوقف شعر راسي وصابتني قشعريره بغيت اموت من الخوف واصحي زوجي وانا خايفه وهب عالمستشفى
وانا حاطه في بالي اني ممكن اولد عند باب السياره اوفيها وان طولت في الطواري واصبر نفسي واقول مو ممكن ينزل الراس قبل المويه لا زم تنفتح المويه اول وادعي بدعاء ذي النون( لااله الا انت سبحانك اني كنت من الظالمين ) عشان ينجيني ربي ولا اولد الا بالمستشفى
واوصل انا بحاله لا يعلمها الا الله ويوقف زوجي في الطواري ويجي واحد ركض يبغى يمنعنا ويشوفني احوس بكرشتي ماقدرت انزل ويقول لزوجي تبغون مساعده اجيب عربيه ويروح ركض يجيب عربيه ويساعدني زوجي ونزلت واجلس بشويش لاني احس الشي اللي نازل طوال الوقت
ويدخلوني وتاخذني ممرضه وتوديني مكان الانتضار وتقعد تسالني وتسولف من وسع خاطر وانا خلاص ولاده خلاص ولاده وخافت وعلى قسم التوليد ولما وصلت نفس الحكايه افسخي والبسي واطلعي ميزان واصرخ قلت خلاص ولاده قالوا على السرير على طول وتجي القابله تكشف وتدور وتستغرب بعدين كلمت الدكتوره بالنقلش وفزت الدكتوره وجت تلبس لي بالقفاز وتتكلم مع النيرس قالت لي الي كشفت اول ماماانتي خلاص ولاده اصبر شوي وتكشف الدكتوره وتدور اثاري الراس لسع مرتفع مو هو اللي نا زل اللي نازل كيس الما دفعه اللرحم من قوت الطلق
ويبداون يحوسون اللي يركب النبض على بطني واللي يركب المغذي ه وتجي الدكتوره الله ياخذها وتنادي لي الدكتور لمن قلت لا قالت لازم في مشكله ويجي حسبي الله ونعم الوكيل ويكشف ويبدا يعلمهم قلهم يعطوني قصطره لتفريغ المثانه ويجيب هو ابره ويبدا يفتح المويه حقت الراس وقالولي ادف وش ادف الله المستعان ماني قادره اسوي شي وهم يصرخون علي واحاول وانا في قرارة نفسي انها محاوله فاشله وييسرربي وينزل الجنين في المكان الي لازم يكون فيه قالوا خلاص ولاده يالله دفي وش ادف اللهم اني اسالك الاجر والمثوبه
ما فيني حيل ادف ولا اسوي اي حاجه وولدوني بعد ما ذقت الويلاات ولله الحمد
وجاني احلى ولد ربي يخليه لي اموت عليه ما توقعت احبه بهذا الشكل
طبعا بدون توسيع لان زيت الخروع ضبط الامور وخلصت الاربعين وانا عال العال

وسلامتكم يالغاليات هذي رواية ولادتي من طق طق لسلاام عليكم
ودمتم بود
نسيت اقول لكم اني بعتمد زيت الخروع لولاداتي القادمه بمجرد ما يقلون لي الجنين بالحوض والراس نازل اشربه ولا اقعد انتضر ولا شي