ولادتي المبكره

المهم طلعت للبيت اول شي سويته حطيت راسي على المخده ونمت من التعب قمت على ساعه1 فاليل تحممت قلت برتب البيت وانظفه بس من الثقل ماقدرت تميت سهرانه لين ساعه 7 اكلم امي على الواتس وتقولي شنو اكل من تمر واشرب وامشي لما ادخل التاسع طبعا كان باقي لي اسبوع وادخل التاسع وانا اكلمها استغربت البيبي ماحرك له ساعه والدكتوره قالت لي اراقب حركاته لازم 10 حركات فالساعه قمت من التخت ابي اصحي زوجي ياخذني للمشفى اسوي تخطيط اانا قمت والا شي دافي ينزل من غير الم من غير شي بس مي صحيت زوجي من الخوف ماعرفت شو اسوي ماكنت مجهزة نفسي لا منظفه ولا مجهزه الشنته زلا اي شي على السريع جهزت اغراضي ومشيت على المشفى نطرت فقسم الطوارئ نص ساعه والمي تكب كب وبالاخير قالو ماشي مكان 😐 انه نعم يعني نطرتوني نص ساعه وبالاخير ماشي مكان رحت على مشفى اللي كنت اتابع فيه بعد نطروني ساعه لين جات الدكتوره وبس شافتني نازعتني قالت انا قلت لج ماشي دم وانتي ولا ممكن تولدي طبيعي لازم قيصريه عشان البيبي كبير قالت روحي اي مشفى ثاني ولا تتاخرين رحت على مشفى ثاني والحمدالله استقبلوني احلا استقبال وطلعوني فوق لغرفة الولاده وشيكت الدكتوره علي قالت رحمج فاتح بس 1 سم ولازم نعطيج طلق اصطناعي قلت لها لاااا شو طلق اصطناعي طبعا من كثر ماقريت يقولو الطلق الصناعي موووت هههه المهم قالت بالاول بنسوي سونار نشوف الوضع والوزن وبنحكم على هالشي اذا قيصري أو طبيعي قلت لها اوك سويت سونار قالت البيبي تقريبا بالاسبوع 40 كل مانه يكبر وانتي بس بالاسبوع 35 لازم نتصرف الحين قلت لها شو يعني قالت انتي تختارين طبيعي او قيصري قلت لها بتوكل على الله وبختار طبيعي الم فساعه ولا الم فاسبوع عطتني طلق اول تحميله جاني طلق خفيف جدا من ساعه 9 لين 1 والطلق خفيف وماينحس ابد بعديها عطتني تحميله ثانيه بدا طلق يزيد بس الم متحمل والرحم بعده مثل ماهو بعديها بساعات من الم عطتني تحميله ثالثه وبدا يزيد ويزيد ويصل الطلق لل 120 قلت خلص ولاده بس يابنات والله الطلق محتمل صحيح اني اتالم واصيح بس ما اطلع صوتي واصارخ جت الدكتوره كشفت علي قالت مثل ماهو وسوت لي توسيع فالرحم لعلا وعسى يضبط الامر ويمشي الحال بس مانفع ع ساعه 5 الفجر جات بتعطيني تحميله رابعه قلت لها خلاص مابي خايفه على الجنين المي نشفت وتعبت انا من جهاز التخطيط والطلق قلت لها حولوني قيصري قالت خلاص ع 8 الصبح بنحولج نطرت لين 8 وجاه الدكتوره ودخلني للعمليات واخذت ابرة ظهر وجلست انطر اسمع صوته والحمدالله اول ماطلع سمعت صوته فديته يصيح جابوه بسته وخذوه وانا هني نزل ضغطي لاني حركت راسي بغيت اشوفه وبديت استفرغ لين ارتحت عطوني مهدئ وخيطوني ونظفوني وطلعوني تحت المراقبه تقريبا 7 ساعات واكره شي لما جات الدكتوره تبي تتطمن على الرحم جان وضغطت عليه وانا ااااه روحي طلعت طبعا فك البنج بعد نص ساعه من العمليه وبدا الالم والصياح لين جابو لي مسكن ورقدت يومين وانا صاحيه مب قادره انام لما نمت حسيت اني بنعيم ههههه

طبعا طلعوني ع الغرفه وكنت تعبانه من الالم بس حاولت قد ما اقدر اني اكون قويه وشجاعه جابولي مي واكل ويلست اكل كاني من شهر مب ماكله هههه وادح فالمي فالاخير جات سستر شالت القسطره وهني بدا الالم على المضبوط يجيني وجع من تحت ما اقدر اخذ نفس منه والله الم القسطره ولين الحين متالمه منه قالولي المشي اوك بيروح الالم ع الفجر قمت على الحمام وبديت امشي وامشي مع اني متالمه بس قلت لازم امشي والحمدالله تحسنت عن قبل بوايد اما ابني فديته ربي يحفظه ويرعاه لين الحين فالحضانه على الاكسجين والمغذيات بس الحمدالله كل مانه يقوى ويصير احسن عن قبل ادعوله يابنات وها قصتي مع ولادتي المبكره ونصيحه لجميع البكريات لا تسالين عن الولاده وعن الالم خليها على ربج وبتهون ان شاء الله والله يقوم الجميع الكروشات بخير وسلامه

الف الف مبرووك الحمدلله ع السلامه

تسلمين حبيبتي الله يبارك فيج

الف مبرووك ماجبتي والحمدلله ع سلامتك