حبيت اقلكم قصة ولادتي المفاجئه ورحمة ربي احمدك يارب هذا ياحبوبات انا حملت اربع مرات وكل مره حملي يكون مشاكله كثيره الاول اجهاض والثاني كان فيه بوادراجهاض بس الحمدلله اخذت مثبتات والتزمت الراحه والحمدلله عدت وفي الاخير اتعسرت ولادتي وولدت قيصري وبعدها حملت بالثالثه وبرضو مثبتات وتعسرت ولادتي وفي الاخير ولدت شفط بغيت اموت الله ياجرنا وبعدها حملت تعبت شوي في البدايه بس قالو هالمره ماراح نعطيكي مثبتات قلت ان شالله ماحتاجها طبعا عندي بنتين وشغل البيت وتعب الحمل عدت الخمس الشهور الاولى بخيرها وكنت احاول مااتعب نفسي في شغل البيت دخلت الشهر السادس كان ثقيل بالنسبه لي وبطني كان نازل بشكل فضيع وكل مره يقولولي طبيعي اخذت اسبوعين في السادس بديت احس بتعب والم في الظهر موطبيعي طبعا كان عندي موعد يوم 29شعبان وكان معي افرازات كثيره ومزعجه مع الم في بطني رحت الموعد وقلت للدكتور قلي خلاص راح ناخذ مسحه من الهبل عشان نعرف هالافرازات وش سببها وبعد اسبوع تجين عشان نعرف النتيجه اخذت الممرضه العينه ورحت البيت والتزمت الراحه ثاني يوم كان اول يوم في رمضان طبعاسويت فطوري انا وزوجي وبناتي وساعدوني ماقصرو ربي يخليهم لي وخلصنا شغل البيت وقلت خليني اريح شوي مديت ظهري في الصاله لحد الساعه 12قمت بعدها روشت بناتي وغسلت ملابسهم وجازوجي مانبي سحور بس جيبي باقي الفطورقلت طيب خلصت شغلي وحضرت السحور وتسحرنا وبعدها قلت خليني اخذ دش حسيت نفسي متضايقه وبعدها جلست مع زوجي نسولف شوي حسيت في شي بينزل مني قلت اكيد هالافرازات فكيت رجولي وينزل مني شي حار قمت من الفجعه وصرخت ووقفت زوجي خاف قال وشفيك قلت مدري نزل مني شي ورحت جري عالحمام واطالع الاهي مويه الجنين وترجع تنزل مره ثانيه خرجت ابكي واقول المويه نزلت قال يالله عالمستشفى وعلى طول اودي بناتي عند امي واروح الطواري دخلت غرفه الكشف وانا ابكي وخايفه كشفت علي الدكتوره وقالت احتمال ولاده مبكره الرحم مفتوح 2سانتي راح نعطيكي ابرة الرئه بس احتمال البيبي مايعيش لانك يادوب 26اسبوع وانا خلاص بس اصيح مدري وش اسوي قلت لزوجي قالي خلاص لتخافين اللي كاتبه ربنا بيصيراهم شي انتي وادخل بعد صلاة الفجر طبعا يومها كان خميس ومافي استشاريين مناوبين قالو تجلسين تحت الملاحظه لحد يوم السبت ويجي الاستشاري ويشوف حالتك طبعا جلست هاليومين بدون اي حركه بس للحمام وانتوبكرامه بس خفت المويه شوي طبعا جايوم السبت وجا الدكتور اللي متابع حالتي شاف التقرير وقال يابنتي انتي حالت صعبه المويه نزلت وقلت عالجنين والمشكله الرحم مفتوح ومانقدر نسوي اي شي مافي الا تنامي على ظهرك شهرين وبدايه التاسع نولدك ولازم تقضي هالشهرين عندنا في المستشفى واذاجاتك ولاده قبل تكوني تحت متابعتنا وانا خلاص حسيت الدنيا ضاقت بعد هالكلام تذكرت بناتي تذكرت مين بيشتري لهم ملابس العيد كيف اعيد بدونهم كيف بنتي تداوم اول يوم في المدرسه بدوني اول يوم لها كنت انتظر هاليوم اني البسها المريول واروح معها اول يوم يالله حسيت قلبي يتقطع بقوه على بناتي وجلست ابكي طول اليوم طبعا جوبناتي واهلي وزوجي الزياره وانا احاول اخفي دموعي قلت لاهلي عن قرارالدكتور قالو اصبري وان شالله تعدي هالفتره وتولدي وتشوفي البيبي وتنسين كل شي قلت خير ان شالله راحو من عندي شوي حسيت بالم مثل الطلق بس كان محتمل حطيت راسي ونمت شوي وقمت فجاءه وحسيت الالم زاد عرفت انه طلق سكت ماقلت لحد خفت يبهذلوني بالكشف شوي حطيت التلفزيون على فناة المجد وجلست ادعي مع كل طلقه طبعا كان الطلق تقريبا كل ربع ساعه مسكت نفسي لحد الفجر ماقدرت اتحمل صرخت باعلى صوت جات الممرضه قلت خلاص مقدر اتحمل طلق بموووووووت راحت ونادت الدكتوره وجات كشفت قالت 2ونص لوزاد بوديك الكشك قلت يارب رحمتك ارحمني جلست اتالم لحد الساعه 9الصبح وتجي الدكتوره كشفت قالت 3سانتي خلاص بوديكي الكشك ونعطيكي مسكن واذا ماولدتي نرجعك القسم مره ثانيه واروح الكشك وانا مغير ابكي من الخوف وسمع صياح الحريم وانا خلاص بتجنن من الالم والخوف ويعطوني تحميله توقف الطلق وانا بس اصيح وقلهم خلاص ارحموني رجعوني القسم واذا جت اولاده رجعوني بس محد عبرني واذاسمعت وحده تصيح احس بطلق موت واصيح معها والساعه 12الظهر يجي دكتور الله يجزاه بالخير قال ليش خلوك هنا انتي ولادتك بعيد برجعك القسم واذا زاد الالم نرجعك قلت تكفى يادكتور اعصابي تعبت خلاص نادى الممرضه قال رجعيها ورجعتني القسم وبعدها اختفى الالم دق علي زوجي قلت له كل اللي صار قال انتي نامي ورتاحي والله يكتب اللي فيه الخير قلت خلاص انا بحط الجوال صامت في الشاحن وبنام اذا مارديت لاتخاف قال اكيه نمت ماحسيت بنفسي الازوجي فوق راسي الساعه 5العصر قال خوفتيني فجرت الجوال وانتي ماتردين قلت والله ماحسيت بنفسي الاهالحين طبعا شاف الفطور والغد زي ماهو قال حرام من امس موماكله شي وراح جاب عصيروكيك وقال كلي لوجاتك ولاده راح تموتي وانتي مو ماكله شي اكلت شوي عشان خاطره وكلمت بناتي شوي وقفلت منهم وجلست ابكي شوي واحس بشي حااااااار نزل مني من خوفي ماقدرت اشوف شي قلت تعال شوف وش نزل قام وطالع الاوالسرير كله دم خاف وراح نادى الدكتوره شافت المنظر خافت قالت يالله ياماما لازم اكشف واشوف كشفت الاالرحم مفتوح 5سانتي قالت ولاده على الكشك على طول ويشيلوني بسريري وانا خلص بس ابكي والالم يزيد ويجي زوجي معي لحد باب الكشك وهو خايف بس يحاول انه مايبين لي وعند الباب قالت الممرضه مدام شيلي الخاتم طبعا مافي في يدي غير الدبله نزلتها واعطيتها زوجي وقلت له وصيتي بناتي انتبه عليهم دخلوني غرفة الولاده وجابولي لبس الولاده قمت من السرير عشان البس الاويزيد النزيف اكثر ويحطوني عالسرير وتجي الدكتوره وتكشف قالت خلاص 9سانتي لوحسيتي بدف دفي هذاكله الساعه 5ونص وجلست اتالم ومع كل طلقه ادعي يارب لاتضيع تعبي يارب لتضيع تعبي وتعدي ساعه ساعتين ثلاث وموراضي ينفتح هالسانتي والنزيف يزيد واحس ببنتي تتحرك في بطني يعني باقي عايشه يارب لك الحمد ويجي دكتور ويطالع فيني ويقول حالتك صعبه وانا اقول خلاص بموت قال حتى لوولدتي مستحيل البيبي يعيش 26اسبوع صعبه يعيش قلت املي في ربي كبير وان شالله مايضيع تعبي ويرجع الطلق مره ثانيه واقول خلص سوولي عمليه موقادره قال حرام نسوي عمليه عشان واحد سانتي بنعطيكي جرعة طلق صناعي بسيطه عشان عندك قيصريه من قبل واذا مانفعت نسوي لك قيصريه حطوالطلق الصناعي الساعه 11ونص ويزيد الطلق ورا بعض موقادره ويدق زوجي وامي وقول خلاص بموووووووت ادعولي وقفل الجوال من الالم وادعي يااااااااااااارب لاتضيع تعبي يااااااارب والساعه وحده الاعشر بديت احس بدف جات الدكتوره قالت خلاص عشره يالله دفي وتجي طلقه وادف ويرجع يهدا انتظرت شوي ماجا طلق قالت اذاجات الطلقه ناديني بمجرد ماوصلت باب الغرفه وتجي ذيك الطلقه واصيح خلاص وتجي قالت لاتدفي انتظري تبي تلبس القفازات وانا مطنشه وتجي الممرضه جري وتجهز سرير البيبي وادف دفه قويه اه وتخرج بنتي للدنيا الساعه وحده الفجر قالت مدام بيبي مره صغير قلت الحمدلله على كل حال شالو بنتي طبعا ماسمعت صوتها شكيت قلت يمكن ماتت وادق على زوجي قلت خلاص ولدت بس البيبي مدري عنها روح وشوف وش صار فيها وطمني قال طيب انا جاي جا وشافها قالو وزنها 790جرام بس وتعبانه ويمكن ماتعيش وانا بس ادعي يارب احفظ لي بنتي واشوفها تلعب مع خواتها يارب واروح اشوفها ثاني يوم واقابل دكتورها ويعددلي بنتك فيها صفار والرئه ماكتملت وعندها ثقب بالقلب واحتمال انفصال بالشبكيه واحتمال 90في الميه ماتعيش اكثر من اسبوع قلت كلامك كله ماهمني انت منت عالم بالغيب ماتدري يمكن هالبنت تعيش اكثر مني ومنك املي في ربي كبير والله يحفظها لي ولبوها يارب طبعا بنتي جلست شهرين ونص في الحظانه وكل مره يتغير وضعها مره احسن ومره اسواء والحمدلله ربي ماخيب ضني خرجت بنتي بالسلامه ومافيه شي يارب لك الحمد واللحين عمرها سبعه شهور ونص وتتقلب وتشوف ومافيها الاالعافيه ""ادري طولت عليكم بس حبيت اقلكم تجربتي مع الولاده المبكره وكلام الكاتره اللي يجيب الهم والحمدلله على كل شي ""
ادعولي ربي يحفظ لي زوجي وبناتي ويرزقني بالولد الصالح وكل من تتمنى يارب ":26:
ام رمووسه الاموره @am_rmoosh_alamorh
محررة برونزية
هذا الموضوع مغلق.
هنايا111
•
ما شاء الله .....الله يخليها لكم....يارب...
انه على كل شئ قدير..
ما شاء الله عليك....يعجبني تفائلك
انه على كل شئ قدير..
ما شاء الله عليك....يعجبني تفائلك
الصفحة الأخيرة
ومع ذالك ومع اني ماقريت بس الحمدلله على السلامه