السلام عليكم ورحمته وبركاته
اللهم لك الحمد حتى ترضى ولك الحمدٌ عند الرضى ولك الحمدٌ بعد الرضى
باركولي ياحضور
بعد مامرت الشهور
ربي رزقني بـ :حور
خلت حياتي كلها نور
أولآ أشكر كل من دعا لي وهنأني بسلامه
وولادتي كانت محدده لي في يوم 25 شوال 1428هـ
طبعآ بعد مارحوا عيالي المدرسه قمت أدهر بعمري
وشربت حليب منقع مع حلبه
ورحت نمت الساعه حوالي 10 أو 11 مادري بالضبط
ولا اللي كنت خايفه منه وماأطلع كثير بسببه حصل
وشوووووووو ياتري وهو نزول المويه وأنا نايمه قمت مفجوعه
ياترى أنا في حلم ولا علم
ولا الدعوه صدق لاغبار عليها
ودور حوالي أبي شي يسد التهريب اللي فيني ماقدامي اللا شرشف السرير
ويالله
على الحمام طبعآ المويه تنزل على دفعات وفيه قطع خضراء لما شفتها
خفت على بنتي معناتها أنها في خطر
وأتصل على زوجي ويجي من العمل
وسيده على المستشفى كشف وفحوصات والرحم 1 سم و لازم تنويم
دخلت التنويم ولأول مره يعطوني تخطيط وياشينه شيناها وجاء الدكتور
يبي يفحص وأرفض ماعاد اللا هيه يفحصني رجال قالوا وقعي أنك رفضتي
ووقع وجلست الين جت الزياره وقابل زوجي الدكتور الثاني وبرضوا رفضت
الكشف ووقع شغاله تواقيع كأني في مكتب مهم فقط سمحت له بطلوع الروح
للأشعه بحضرت زوجي ولأن بنتي الظاهر برزت في بطني وهذاخطر عليها
المهم قال الدكتور أن المويه ملوثه وماحنا عارفين السبب وووو ولام مافهمت
منه شي من الخوف قعد هو زوجي يبربرون ووجه زوجي ألوان
مافهمت من كلامهم اللا طلق صناعي ..البيبي صغير ..قيصريه
وشالوني على كشك الولاده الساعه5المغرب وعطوني مغذي
ومعاها الطلق الصناعي
وألم محتمل الين الساعه 8 والرحم 2سم
تخيلواوبعدها بديت أفقد شعوري من شدة الألم
والمصيبه أن الرحم مفتوح فقط3 سم والتخطيط مطفشني ماشالوه أبدآ
أحاول فيهم بالعمليه القيصريه ورافضين طبعآ مافي أحد معايه
ومهتمين حيل فيني
والدكتوره وفاء الله يستر عليها صابره علي صبر
وقامت الممرضه بحلق منطقة العمليه وكنت بموت من الفرحه
أخيرآ بفتك من الألم
المهم أستنى يودوني العمليات ولاأحد يمي
وأصرخ فيهم نادوا الدكتور أبغاه يجي
من شدة الألم طلبت الدكتور وأنا اللي عمري ماكشف علي رجال
قالت الممرضه
بيكشف عليك قلت خليه يجي بس
على أساس أني بقنعه بالعمليه عاد أكلمه وحاطه يدي على وحده
من عيوني وناظر بثانيه
وأحاول فيه بس لاحياة لمن تنادي
وقال لي بالفم المليان عمليه مافيه وراح وتركني مع الدكتوره أهم شي مافحصني
وأجلس حوالي ساعه اللاربع ويشتد الألم آآآآآآآآآآآآآآآآآآآآآآآآه ه ه ه
ونادي في الدكتوره وأصفق بيدي وأصيح وشوي ولا أحس أني بدفع
والممرضه تقول لالالا تدفعين وجت تبي تفحص وتصيح في الدكتوره
والممرضات ويشيلوني على سرير الولاده وأحاول أدفع معاهم ماني قادره
وبنتي شكلها ناشفه وماساعدتني وأدفع 3 أو 4 مرات ويالله طلعت
ياربي لك الحمد وأبكي من الفرح
والدكتوره تقولي هاه عاوزه أعملك العمليه تمزح معي
المهم التساهيل من الله
1- من رمضان وأنا أشرب القرفه والسمسم والحليب..............الخ
2- المشي بأستمرار
3- الحلتيته نقعتها وحطيتها بالفوطه عشان يقولون تفتح الرحم
4- الحلبه مع الحليب شربتها الصبح يوم ولادتي مع أولادي عشان تطري الرحم
5- الجم.......الخ
وكل هذا ماساعدتني بس للأمانه في ليلةولادتي 24 تعرضت لضغط نفسي شديد
في يمكن عشان كذا تعسرت ولادتي من الساعه 10 صباحآالى 10 مساءًُ
وأنكبت المويه
وأخيرآ
شرايكم في أسمها( حور)
وأخواتها رهف ورغد
رياح الغروب @ryah_alghrob
محررة ذهبية
يلزم عليك تسجيل الدخول أولًا لكتابة تعليق.
مبروك والحمد لله على سلامتك
وبصراحه اسمها رهيييييييييب الله يصلحها
قبالي اولد ان شاء الله
وبصراحه اسمها رهيييييييييب الله يصلحها
قبالي اولد ان شاء الله
ألف ألف ألف مبــــــــــــــــــــــــــــ ـروك
وتتربى في عزكم
والصراحة اسم حــــــــــــــــــــــــــور حلو وايد الله يخليها لك
وتتربى في عزكم
والصراحة اسم حــــــــــــــــــــــــــور حلو وايد الله يخليها لك
الصفحة الأخيرة
وتتربى في عزكم
والصراحة اسم حــــــــــــــــــــــــــور عجيب
الله يخليها لك يارب