ولادتي المريرة في مستشفى سليمان فقيه

بسم الله الرحمن الرحيم

ابغا احكيلكم عن حكايتي التي اعااااااااااااني منها الى الآن ..

بدايتي اني كنت اراجع كل شهر عند دكتورة مختلفة كل مرة

ما استقريت عند دكتورة وحدة بس دا مايعتبر مشكلة لانه كل التحاليل موجودة في الملف عندهم

وانا اخترت المستشفى دي عشان الكتير بيمدحوا فيها بس تجاربهم كانت قبل 8 او 9 سنوات

لكن الان اختلف كل شي

وقت ولادتي ماحد كشف عليا ولا ممرضة وامي كانت معايا وتنادي عليهم ولا احد طالع فيا بس دخلوني غرفة وطنشوني حتى ماشافوا الرحم فتح كم سانتي ولا شي حتى لبس ما اعطوني

بسوصلت المستشفى الساعة 9 ولا احد شافني الا في الظهر بالقوة بعدين شافوني واعطوني مسكن وكان تقريبا على الساعة 3

وحضرتهم ماعملولي اشعة الي يشوفو فيها وزن الجنين ومعروف الاشعة دي يعملوها في افقر المستشفيات
وكان وزن الجنين 4 كيلو وربع والي زي كدا لااازم عملية


مررة الممرضات اهمااااال مو طبيعي قربت الولادة عندي وهما مانادو الدكتورة الا متاخررر مرة

وماجات الدكتورة الا ونزل الطفل من قبل لاتقص او تعمل اي شي

الاثااار الي حصلتلي بسبب اهمالهمم
حصلي تهتك في انسجة المهبل داخلي اكتر من 10 غرز وخارجي وحصلي نزيف ووصل الدم ل5 ودخلوني غرفة العمليا وبنج كامل
ونقلولي دم وابر حديد

وغير المسكنااااااات

الحمد الله وهدا نعمة من ربي التمزقات ماوصلت لفتحة الشرج

الطفل الحمد الله كويسة والي زي حالتي ممكن وقت الولادة يحصلهم خلع في الكتف

سرة المولود ما التئمت الى الان مر شهرين ولازم كوي

وانا لازم يعملولي كوي بسبب الخياطة

وكل ده الاعراض تحصل للي وزن الاطفال كدا

انا ملخبطة وكلامي كله ملخبط

بس الي اقولو مسشتفى فقيه من اسوا التجاااارب الي مرت عليا والى الان اعاني منها ما اقدر اتحرك ومر على ولادتي شهرين ولسه حيعملولي عملية بس لان صحتي مو كويسة اجلوها

ادعووولي

وحسبي الله ونعم الوكييييل