ولادتي الي تعسسرت الله يكتب الاجر

السلام عليكم كيفكم وايش اخباركم من زمان عنكم وعن منتدانا الغالي ومبارك عليكم الشهر
ولله الحمد رزقت بمولدو وسميته عبدالرحمن الله يحفظه ي رب في 15رمضان خلص الشهرين 
قصه ولادتي فيه ان يوم الاحد تاريخ 7/13 الفجر دخلت الحمام عشان اتوضا وحسيت فيه شي ينزل مني بس طنشت وقلت اكيد افرازات رحت الحمام الله يكرمكم وشفت دم في الملابس الداخليه انا ع طول فرررررحت ورحت ابشر زوجي وانا وافقه عند باب الحمام ابشره حسيت المويات تنزل مني ع طول خبرت زوجي وقلت ابي المستشفى
ع فكره الي تنزل المويات لازم تروح المستشفا ولا بيتجرثم المكان الي تحت هذا كلام الدكتوره 
طبعاً انا لي من يوم خلصت شهري التاسع 3اياماو 4ايام المهم رحت الحمام ولبست لي فوطه الله يكرمكم ولا تروشت لاني امس في الليل متروشه المهم وطيران لمستشفى الهيئه الملكيه(بالجبيل الصناعيه) اننننصحححكم في هذا المستشفى حكومي بس الي يشوف اهتمامه ونظافته يقول انه اهلي وهو احسن بعد من الاهلي
رحت وسوو لي تخطيط ولقو عندي طلق خفيف ومفتوح واحد سانتي 
نوموني وقال مانقدر نطلعك لان يمكن يتجرثم المكان الي تحت المهم نوموني وجا العصرولا صار شي لا زال واحد سانتي والطلق قبل كنت احس فيه مثل الم الدوره واقل بس الحين ما احس فيه ابد
المهم قالو احتمال نعطيك تحميل طلق صناعي
انا صلت لحظه ماتقدرون تصبرون قالو لا لازم المهم حطوني التحميله بس دبلوه خلوه تحميلتين المهم ولا نفع شي ولا احس باي طلق وجتني اليوم الثاني بالظهر وعطتني التحميلتين ولا حسيت بشي 
طبعاً انا كنت امشي باسياب المستشفى عشان يزيد الطلق بس مانفع
انا دكتورتي الدكتوره ليلى الهنديه  المهم جا المغرب وجاني الالم وصرت ابكي ع الصامت ذكرني هذا الالم بيرم صقطت بشهري الاول قبل سنه المهم وانا اتألم وزوجي كان عندي وكنت جوعانه حتى ما اكبت لا غداي ولا عشايي منسده نفسي وفوق هذا الام ما يريح
المهم وانا قاعده ع السرير الا تدخل الممرضه والدكتوره الي وراها ومعهم العربيه الي فيه معدات التحميله الطلق الصناعي اول ماشفتهم لا شعورياً صيحت بقوه وقلت لاااااااا
المهم جتني الدكتوره تقول ليش
قلت انا احس بألم الحين خلاص لا تعطوني المهم كشفت علي لقته 4سانتي ونص المهم قالو خلاص غرفه الولاده ركبوني في كرسي متحرك ونزلوني لتحت لغرفه الولاده وكان عليهم اهتمام يريحك ولطيفات وقعدو يلبسوني ويهدوني وانا قاعده اتألم بس قاعده اصبر لان الألم بقدر اصبر عليه المهم وعطوني الكمام الي عيشني جو ثااني طبعاً زوجي كان عندي وانا مابيه يطلع من عندي كان يقراء القران علي وانا اتألم من الطلق المهم قعدنا لساعه 12الليل وطلبت من زوجي عصير برتقال من الفنار وكورسان المهم والله وطلع وجاب لي وكنت جوعانه شربت من العصير شوي وقعدت شوي الا الممرضه تقول لي ليش ماتخلين زوجك يطلع تعب وهو قاعد عندك ولا راح يسوي شي طالعت بزوجي وشفت فيه النوم ورحمته قلت خلاص في نفس الوقت قال لي زوجي صادقه مابقدر اسوي شي ادعي ربك انا انقهرت منه انه بيروح ويخليني 
فقلت روح بطقاق (وحده منقهره ههههه) :pbsmile:طبعاً قال لي بيروح ينام عند بيت خوييه وبيت خويييه قدام بيت اهلي
المهم وقعدت كلما يجيني الم ما اصيح واشفط من هذا الكما من انفي واطلعه من فمي هذا الحركه احسها تهديني 
المهم جتني الدكتوره وقالت راح نعطيك ابره الطلق الصناعي في المغذي قلت لا تكفين مابي قالت لازم وان سمعت عن الطلق الصناعي انه حااار ويألم المهم حطو لي في المغذي وقعدت اتألم واحاول انام لانهم يقولون لي نامي وراك ولاده وتعب ريحي وانا ماجاني نوم من الالم واذا نمت نمت لي شوي وقمت من الالم المهم وبدا الطلق الحامي وسرت انادي الدكتوره بصوت علي معاد قدرت اصبر وجاتني الدكتوره قلت خلاص فكوه مني وحاولت افكه بس مسكوني وجو يمسحون ع شعري ويهدوني ويقولن ادعي ربك المهم جتني الدكتوره وكشفت علي من تحت لقته اربعه سانتي انا انقهرت ع بالي 7سانتي  وافتحت لي المويه وانكبت ع خفيف المهم قعدت اتألم والله ما انساه الله يجزاء والدينا كل خير المهم ويجيني الطلق الصدق الي كنت اصيح ع السسترات واقول /سستار تعلي
واذا جت امسك يدها واضغطها بقوه وهي تخليني ع راحتي وبعدها اذا خف الطلق فكيت يده وانا ع هذا الحال المهم تعذبت بقوووه 
وانا ع هذا الحال طبعاً ماادري الساعه كم الحين الا واجي السستر وتبي تضبط لي التخطيط الي علي لان نبظات قلبه مو موجوده ويلفون التخطيط علي يبغون يدورون نبظات قلبه مو موجده في الاخير لقوها وانا ع هذا الحال خايفه لان السسترات تجمعو والدكاتره المهم انا حسيت ان في جنيني شي بس مالي خلق اسألهم ومن الصيح والالم قلت اهم ابي عملييييييه وانا ابكي وخلاص وصلت معي حسيت اني مجنوووووونه واحس ان فيني كهرب وع طول وافقو ع العمليه بعد ماكشفت ولقته مفتوح 7سانتي وع طول يبغون يحولوني ع العمليه بسرعه انا فرحت ع نياتي قلت ي زين هذا المستشفا وافقو بسرعه يوم قلت لهم ابي عمليه وقالو لازم توقيع زوجك انا هنا ع طول انقهرت ان زوجي مو موجود وانا اتألم طبعاً فكو المغذي مني الي فيه الطلق الصناعي المهم دقيت عليه مارد علي عرفت ان جواله ع الصامت رحت ع طول ودقيت ع امي لان زوجي نايم عند جار اهلي قدام بيتهم المهم وقلت لها تخلي ابوي يقوم زوجي من عند الجيران قالت ليش قلت بيسون اي عمليه خافت امي قالت ليش قلت بصيح ومن الالم يمه خلاص قوميه وصالت لي طيب وراحت قومت ابوي الي كان نايم وراح لزوجي وقومه وجاني مسرع بسياره كنت خايفه عليه المهم جاء و وقع وشاف حالتي وصياحي رحمني المهم ركبوني ع السرير  ودفوني لعند باب وافتح ه ودخلوني لسيب مليان دكاتره وسسترات ولابسين ازرق انا خفت المهم دخلوني غرفه العمليات وكانت كبيره وتخوف بيس في هذا الوقت مالي خلق لاي شي ابي بس البنج الي ما احس بشي المهم ركبوني بسرير الي جاي بنص وفوقه لمبه كبيييره وله فتحه لراس المهم سدحوني وانا اقعد من الالم واقول ابي بنج قالت لي المصريه الي واقفه عند راسي عذيك هي الي معها البنج طالعت في السستر الي اشرت عليها وصحت عليها يللله خلصي ابي البنج المهم المصريه معها اكمام اسود سدحتني وتبيني اشفط من الكمام انا عيت وقلت مابي ابي بنج المهم قالت طيب بس خليه ع انفك او ما اخذت نفس ما حسيي بنفسي الا وانا قايمه من العمليه وطالعت الا وانا في غرفه العنياه المركزه وزوجي فوق راسي قال لي الحمدالله ع السلامه قلت ليش انا اصلن ولدت
ضحك وقال ايه والله اني ماحسيت بأي شي ع بالي الالم الي احسه ببطني بس كانخفيف انه الم الطلق بدايته ثم يشدد طلعوني فوق لغرفه وسدحوني ع السرير وحاطين لي من قسطره انا اختلعت اول مره اشوفه بس شكلهم ركبوهلي وانا مخدره يوم جت الدكتوره سألتها ليش حولتوني عمليه قالت لان نبظات قلب الجنين ضعفت فحولناك ع طول عمليه وكان رحمك مفتوح 7سانتي وكنتي بتقدرين تجيبينه طبيعي بس بيكون تعبان اذا جبتيه
وبس والحمدالله عدت ع خير ولله الحمد الله يكتب اجري واجر كل وحده واجر امهاتنا ي ارحم الراحمين
جبته الساعه 12:20دقيقه وانا قومت من المخدر العصر
طبعاً هذي اول ولاده لي قبلها وانا بشهري الاول سقطت
واعذروني ع التأخير