قمة التميز @km_altmyz
كبيرة محررات
ولادتي بأحلى لميس
اخواتي الغاليات على قلبي جميعا
السلام عليكم ورحمة الله وبركاته
راح اروي لكم قصتي بالتفصيل الممل تحملوا <<< :)
اولاً انا كنت اراجع عند الدكتوره منال عبده في المواساة وكان موعد ولادتي 25 من رمضان
وكان زوجي ماخذ رمضان اجازه علشاني وكانت تخلص في اول ايام العيد
((ياعمري حرم نفسه من متعة العيد علشاني الله يخليه لنا يارب<<< انا وعياله :) ))
المهم كان عندي اخر مراجعه يوم الخميس الموافق 23 من رمضان دخلت
عند الدكتوره وكشفت علي وقالت كل شي تمام وانا كان معي انفلونزا
وقلت لها دكتوره انا خايفه على الجنين لان حركته صارت قليله ومعي مغص خفيف
قالت خلاص روحي سوي تخطيط على الجنين وتعالي
المهم رحت سويت تخطيط وخلصت ونزلت عندها وقامت تناظر في التخطيط الا وتضحك
انا انهبلت من الخوف وقلت وش فيه دكتوووووووووره
قالت انتي اللي معاك طلق مو مغص عادي
ومنتظم يعني انتي راح تولدي قريب انا بغيت احب راسها من الفرحه
قلت لها دكتوره زوجي ماخذ اجازه وبتخلص وانا ما ولدت
قالت تعالي اكشف عليك اذا الرحم مفتوح راح احفزه يفتح زياده
وتولدين خلال يومين بالكثير قلت اوكي
المهم رحت لسرير الكشف >> اجل وين اكيد بتقولون اخلصي علينا
قالت مبروك مفتوح 2وشوي راح احفزه تحملي
قامت تفتح عنق الرحم شوي شوي وانا بموت من الالم
بعدين قام يزيد معي الطلق وقالت روحي امشي على الاقل ساعه
رحت امشي وزاد معي بس كان كل نص ساعه
وبين الطلقتين رحت اودي ولدي عند امي وقلتلها ترى ما فيني بس انا فيني انفلونزا وخايفه اعديه
عاد امي شكت وقالت والله فيك ولاده قلت لا يمه مافيني شي
وانا خايفه تجيني الطلقه وانا عندها
المهم طلعت لبيتي عشان انام بس ويني وين النوم
قام يزيد ويوم اصبحنا راح زوجي يصلي الجمعه وانا اتلوى من الطلق :( كل 10دقايق
يوم جا قلت يالله بولد
رحت للمستشفى وكشفت علي قالت 3 ولاده
قلت بروح امشي قالت امشي هنا مافيه طلعه
وانا كنت ناويه ما اعلم الوالده بس لمن شفت الدعوى مطوله قمت دقيت عليها
خفت تتباطاني وتقلق ويوم سمعت صوتها وانا اقعد اصيح واقول يمه انا فيني ولاده
ونقعد نبكي كلنا مع انها كانت ماسكه نفسها في البدايه وتحاول تهديني :(
كان الطلق منتظم ويوم حطوا الجهاز تلخبط مره كل 10 وبعدين كل 20
قالت الدكتوره يالله تنويم وركبوا عليها الجهاز حق قياس الطلق
وقاموا يراقبون ويوم جاء العصر جاني ولدي وقام يضمني ويصيح مع ان عمره سنه ونص بس والله كان فاقدني
طلبت الدكتوره قلت لها دكتوره انا بموت من الالم عطيني طلق صناعي
رفضت وقالت ياماما مانعطي طلق صناعي والرحم 3سم اخاف نضطر للقيصري عشان كدا
تحملي لين يفتح زين ونعطيك وبعدين راح زوجي بولدي وقام يبكي يبغاني :(
ويوم جا العصر رجع وقعد معاي ولمن قرب يأذن المغرب قلتله روح افطر
رفض وانا اصريت المهم راح
خلوني الجمعه كله ولمن اصبحنا
جتني الدكتوره الساعه4وقالت بعطيك تحاميل تشجع الرحم يفتح
عطوني التحاميل وقالت لا تتحركي 6 ساعات على الاقل
ويوم جت الساعه11 قمت بروح لدورة المياه بعد ماخلصت 6 ساعات
واحاول ماقدرت ولمن قمت الا والمويه اللي تنزل مني بقوه وفيها قطع دم
المهم طلعت وناديت الدكتوره ولمن قلت لها قالت هذي موية الجنين خلاص لاتتحركي واحنا
بننتظر اذا ماولدتي خلال 24ساعه راح نولدك بطلق صناعي
المهم جلست والله لا يوريكم الطلق موت بس غير منتظم ويوم جت الساعه 2 الظهر بدأ ينتظم الطلق
ونقلوني لغرفة الولاده دخلت مع زوجي
وبدو يعطوني على شوي شوي المهم لاحظت الدكتوره ان قلب الطفل بدا يضعف قالت وقفوا الطلق
وكشفت لقت الرحم 5سم وقالت مانقدر نولدك بطلق اصبري لين يتحسن قلبه وبعدين نولدك
المهم انا من التعب قلت عطيني صناعي انا تعبانه بس بولد من الخميس معاي طلق مافيني حيل
واقعد ابكي ارحمتني وقالت عطوها طلق صناعي بس خففوا الجرعه المهم قرب يأذ ن المغرب
قلت لزوجي روح افطر رفض زي العاده بس انا اصريت عليه لين راح
وانا ماعاد ادري عن الوقت
ما ناظرت الا وزوجي راجع معاه امي واناظر الساعه الا وهي 6 ونص المغرب
وانا الطلق معاي قوي والطفل قلبه ما زال ضعيف امي ماقدرت تتحمل وراحت تصلي في غرفتي وتدعي
الله لا يحرمنا من امهاتنا يارب
اما حبيبي دخل وجاء جنبي وكل ماتجي الطلقه امسك بيده واعصرها من الالم
وقالت الدكتوره خففوا الجرعه زياده الطلق منتظم شديد
ولمن جت الساعه 7 ماعاد اقدر اصبر قلت لزوجي بلييييييييز اطلع
دكتوره ابغى ادفع قالت لا اصبري وكشفت ولقته 7سم قالت يالله ولاده
ويوم جت 7 ونص طلع زوجي وقفلوا الباب علينا وبيت ادفع
ويوم جت الساعه 8 الا عشر الا واسمع صوت احلى لميس بالدنيا
وقالت الدكتوره شوفي كان الحبل السري ملتف عليها وهو اللي مضعف قلبها
حطوها جنبي وبعدين قاموا ينظفون الرحم و يخيطون وطولوا والله وبعدين فتحوا الباب
وحطوني تحت الملاحظه وعطوني حليب ساخن قالوا لازم تشربينه كله
وامي وزوجي حولي الله لايحرمني منهم والدكتوره والممرضات زي العسل يباركون
ويتحمدون بالسلامه لامي ولزوجي
وحبيت اقول ان كل الكلام اللي سمعناه عن المواساة موصحيح انا لقيت عندهم احسن عنايه واحسن
اهتمام لانهم لو همهم الفلوس كان ولدوني قيصري على طول
لانه من الجمعه عندهم الرحم مو راضي يفتح وعنق الرحم مره غليظ
والطلق غير منتظم المهم عدت على خير والحمدلله اولا واخيرا
اختكم
Lavande
39
3K
يلزم عليك تسجيل الدخول أولًا لكتابة تعليق.
الحمدلله على سلامتج اختي .. و يارب تتربى لميس في عزكم و يطرح فيها البركه و تكون من الذريه الصالحه يا رب ..
خوفتيني مع ان جدامي 7 شهور بس يالله ناخذ خبره منكم ^_^
خوفتيني مع ان جدامي 7 شهور بس يالله ناخذ خبره منكم ^_^
آآآآآآآآآآآآآآ ه
:09: والله قطعتي نفسي أحس إني أنا اللي قاعدة أولد مش انت
عكل حال حمد لله على سلامتك :icon28:
والله يخليلك أحلى لميــــــــــــــــــــــس :27: يا رب
:09: والله قطعتي نفسي أحس إني أنا اللي قاعدة أولد مش انت
عكل حال حمد لله على سلامتك :icon28:
والله يخليلك أحلى لميــــــــــــــــــــــس :27: يا رب
اآآآآآآآآآآآآآآه حسيت اني انا اللي يالسة اولد
الحمدلله على السلامة ....تتربى في عزكم ان شالله
الحمدلله على السلامة ....تتربى في عزكم ان شالله
الصفحة الأخيرة
بس شكلك تعبت كثير ادعيلنا الله يهونها علينا
ونولد بالسلامه..
بس ابغى اسألك تقصدين المواساة اللي في الرياض؟؟