بسم الله الرحمن الرحيم
السلام عليكم ورحمة الله وبركاته
كيفكم حبيباتي حبيت اكتب لكم قصة ولادتي البكرية الله يسهل على كل حامل ويرزق كل من تمنت الذرية ويحفظ عيالكم جميعا
طووول التاسع وانا حابسة نفسي خايفة من الولادة وهذا الكلام كان برمضان مااطلع ولاادخل مما جعل نفسيتي متعبة جدا مع قل شهية في الاكل ويجي هذاك اليوم وتكلمني بنت عمي وتقولي لازم تجين معنا للاستراحة بنفطر فيها وكلنا مجتمعين تعالي وسعي صدرك وبعد الحاح منها ومن امي رحت معهم وكان يوم الاربعاءوتسليت شوي ونسيت الولادة وانا امشي الا تقابلني بنت عمي قالت يوووه بطنك مرتفع شكلك مطولة ماراح تولدين الحين خوفتني المهم طلعت من الاستراحة ومرينا حذنا سحووور وصلينا ونمنا ويومك الخميس كنت مجهده من كثر التفكير وقل النوم وقل الشهية وجاء يوم الجمعه وانا نايمة الساعه 10 الصباح الا احس برغبة في الحمام مع الم زي ماغص الدورة واروح الا اشوف شي احمر مع افرازات بيضاء استغربت وخفت وكان عندي كتاب شاريته عن الولادة رحت وفتحته واقرا ان هذي سدادة عنق الرحم واتها علامة للولادة وبدا الخوف يزيد واروح اصحي زوجي قلت له يالله قووم شكلي بولد وبسرعه يفزع ويقول يالله خليني اوديك المستشفى قلت له لا بدري بالكتاب يقولون لاتروحين لحد مايزيد الالم ويصير كل 10 دقائق ويرجع ينام وانا رحت اقرا على نفسي اوراد وادعية واشرب زمزم وادهن جسمي بزيت زيتون والالم يزيد والمشكلة امي محرصة علي مااعلمها تقول مااتحمل ومافي يدي شي وقالت اذا تحبيني لاتعلميني واجلس لحد اذان المغرب وانا تعبانة واصيح وماابي اروح يلعبون فيني وزوجي يقول قومي اوديك المستشفى يبي يريح مني :44:
وفعلا افطر وانا كنت صايمة وكلت لي تمرة وشربت موية وطلعنا للمستشفى دخلنا وكان فيه طبيبة سورية مرة طيبة وقالت ابفحصك قلت لها وشلون قالت بس اقيس كم سانتي مفتوح قلت طيب شوي شوي انا خايفة قالت طيب وشوي تدخل يدها وانا ماتسمعين الا صوتي اصرخ وهي تقول لا كذا مااعرف كم لازم ترخي وبعد ثلاث محاولات ارخيت وقالت يوووه لسى واحد سانتي بدري عليك روحي للبيت يمكن ماتولدي الابعد كم يوم
وطلعت لزوجي وقلت له اللي قالت لي الطبيبة ورجعنا للبيت وانا تعبانة ونصحتني قبل لااطلع اني امشي
ورجعت البيت وجلست امشي بالصالة وفيني الم ويسمعني زوجي قالي قومي نروح نمشي ورحنا نمشي وانا امشي ادعي والالم يزيد
ويشتري له سحوور ونرجع للبيت واروح اتحمم بمويه دافيه وانام مااكلت شي بس ابي انام من التعب واصحى على اذان الفجر تعبانة ماغص واقول لزوجي يالله بروح المستشفى واطلع للمستشفى علطول وهو يقول ناخذ الشنطة والا كيف لان بكل مرة ناخذها ويرجعونا ودخلت واحصل نفس الطبيبة وقاست وانا اصارخ وقالت 3 يالله غرفة الولادة وانا ابكي مرة من الالم والخوف ومامعي احد وزجي يشوفهم وهم يدفوني بالعربية ويقول وين بتروجين قلت يقولون ولادة وودعني وقال اجيب الشنطة قلت مدري الا السستر تقول انت زوج قالها ايوه قالت تعال معنا فوووق ويطلع معانا وانا واقفة قدام بوابة حديييد كبيرة وياخ\ون توقيعه وملفي وارقامه ويعطونه شنطة يدي وجوالي قالو ممنوع الجوال قال طيب كيف اعرف انها ولدت قالت اتصل على هذا الرقم الا الاستشاري اللي كنت اتابع عنده جاي انا دخلت مدري وش دار بينهم الا الدكتور يسال زوجي زوجتك بكرية قاله ايوه قال روووح ياشيخ وتعال بعد 12 ساعه تحصلها ولدت زوجي انخرع وراح للدوام وخلاني
ويوم دخلت غرفتهم راح كل الالم اللي فيني الا الدكتور يجي ويقولي اسمعي ابعطيكي طلق صناعي عشان الحين مافيكي طلق والبيبي تعبان لانه خلص 40 اسبوع وقلت مايألم قالي لا الم بسيط وراح نعطيكي مسكن هذا الكلام كان الساعه 6 صباحا يوم السبت واول ربع ىساعه ماحسيت بالم جالسه اطالع في اللي حولي طبعا حاطين لي تخطيط شوي الا انا اتالم واصبر وبعد نص ساعه حسيت اني معلوقه بكهرب وماادري وش اقول وش اسوي وجلست اصارخ واقول لهم فكو التخطيط ابمشي تعبانة ومرة اقول ابي الحمام وتجي الدكتورة قلت ابي مسكن ابي اي شي يخفف الالم وتعطيني ابر وتعطيني كمامة سوداء واشمها وادوخ وارجع اصارخ واقول يمه وينك تعالي ابموووووووت وشوي تجيني الممرضه تهخديني وتقول انا ماما وانا ابكي زي الاطفال وتقولي ايش فيكي اقول تعبانة كثير وتمسح على راسي وتضمني وانا ابكي شوي قلت سستر ابي بطاقة شحن ب10 ريال ورفضت تقول انا مايقدر اطلع برا قلت انا يعطيك 100 شوي الا هي موصية العاملة وجابتها لي وقلتن ابي الحمام بسرعه ابي الحمام وفكوووني واروح اكلم بالتليفون واتصل على امي كان هذا الساعه 9ونصف ومجد رد علي حاولت على البيت والجوال كلهم نايمين واتصل على زوجي قلت بسرعه تعال خذني انا تعبانة مرة والا ترا ابنحاش في الشارع ويجلس يهديني ويقول طيب ابجيك الحين وتجي الممرضة وتسكر السماعه مني وترجعني لمكاني ويلبسوني التخطيط ويركبون المغذي وارجع اصارخ من جديد ويجووون يكشفون قالو كويس يالله ماما شوية ولادة وانا اصارخ واقول كم مفتوح تقول 4 وانا ابكي يالله من الصباح مازاد الا واحد وشو هالعذاب واسأل السستر كم المفروض يوصل قالت 10 انهبلت كنت افكره خمسه
وبعدها دخلت مرحلة الهذيان والاغماء وماعاد اميز وش قاعد يصير فيني ويعطوني الكمامة واشمها وماادري وقتها وش اسوي الا اني اتذكر اني اقول يالله يالله اتاريهم زادو الطلق لان البيبي تعب وعلى الساعه 4 قلت سستر ابي حمام قالت سوي هنا قلت لا ابي حمام وقالت ابشوف وقالت خلاص ولادة 7 ويشيلوني ويودوني غرفة الولادة ويبدون يزيدون الطلق وانا الله وكيلكم من شدة الالم اخربط واصايح وعلى الساعه 8 طلع احلا واجمل بيبي بعيون امه وطبعا وسعوني يمين وتحت وبعد ماطلع البيبي اغمى علي وجلسو يصحووني عشان اشوفه وصحيت لمحه واغمى علي ثانية وخلوني شوي وبعدها المشيمة والخياطة كانت كثير تألم وعطتني مسكنات كثير وبعدها بساعتين حاولو فيني اكل رفضت وودوني الحمام يبون يروشوني ورفضت وقالو ماتطلعين الا لما تروحين الحمام واقولهم مافيني شي بس انتظروا لحد ماطلبت الحمام وبعدها طلعوني الغرفة ويوم وصلت حاولت الممرضه اني اقوم اتروش وقلت لها مااقدر فيني دووووخه وحاولت انووووم ماقدرت طبعا زوجي جاء على كلام الدكتور الساعه7 بعد ماافطر وانتظر برا وبشروووه واتصل على اهلي واهله وبلغهم
على الساعه 10 ونصف جاني زوجي بالغرفة وقالي وشفيها شفايفك مقطوووعه حذت مراية وشفت الا فعلا كنت اعض عليها وقت الطلق وانا ماني دارية
طبعا جت الساعه 7 الصباح مانمت وانا تعبانه لما مر علي الدكتور قلت له انا تعبانة مانمت ابي شي ينومني واعطاني حبووب ونمت بعدها صحيت على اذان الظهر الا توني افضى اسأل عن البيبي قالو تعبان بالحضانة عشان الرحم طول وهو مفتوووح ودخل فيروسات وانتي لازم
تاخذين مضاد في الوريد بعد عشان الرحم عندك تعبان والبيب كان وزنه 2 كيلو و400 غرام وكان لونه ازرق وشكله تعبااان وبعد كم يووم قلت خلاص ابي اطلع قالو لا انتي تعبانة والبيبي تعبان لازم تجلسون كانو يعطوني ابر حديد ومضاد وطلعنا بعد 7 ايام
والحمد لله على كل حال
احسن لحظة بالولادة يوم يطلع البيبي تحسي توك مخلوقة بالدنيا
بس الطريف طول النفاس كنت اقول لاهلي جعل عدوووو عيني يعطووونه صناعي
من جد مؤلم :icon33:
ام صبا 123 @am_sba_123
عضوة جديدة
يلزم عليك تسجيل الدخول أولًا لكتابة تعليق.
اه يا اختي.ما هد.صحتي.الا طلق الصناعي ثلاث مرات يعطوني اياه في بناتي ودعواتك.يجيني.طلق من ربي والف مبروك.والحمد لله على سلامه
ههههههه نفسس الهلوسه الي جتك في الولاده جتني ولما الحين كل ما اذكر امووت على نفسي من الضحك ..
والحمدلله على سلامتك وسلامت الحلو وربي يخليه لك وتبلغين فييه معرس ^^ ..
والحمدلله على سلامتك وسلامت الحلو وربي يخليه لك وتبلغين فييه معرس ^^ ..
من جد الصناعي عذاااب حمدلله على سلامتك حبيبتي
والف مبروك ملجاك ويتربى بعزكم
دعواتك أنا بالسابع وخايفة وان شاء تطلع بنوتي سليمه وحلوة مثلي ههه
والف مبروك ملجاك ويتربى بعزكم
دعواتك أنا بالسابع وخايفة وان شاء تطلع بنوتي سليمه وحلوة مثلي ههه
الصفحة الأخيرة
اخ عالصناعي من جد شي يموت
يا رب ولادتي دي ما يعطوني هو