ولادتي بمستشفى الاطباء المتحدون الدكتورة ريم محلي

ولادتي بمستشفى الاطباء المتحدون الدكتورة ريم محلي




السلام عليكم ورحمة الله وبركاته
ابشركم ولدت قبل شهر تقريباً وجبت احلى بنوته ربي يحفظها لي




حبيت اذكر تجربتي لان اكيد منكم تبغى معلومات عن المستشفى او الدكتورة اذكر اني بحثت كثير وكان ودي اقرا تجارب اكثر قلت اذكر تجربتي ان شاءالله تستفيدون منها




طبعاً ولدت قيصري عند الدكتوره ريم محلي راجعت عندها مره وحده بداية التاسع كنت اراجع فترة حملي في مجمع السامرية لما دخلت التاسع حجزت موعد مع الدكتورة ريم محلي ولأن ولادتي الاولى كانت قيصري وتعرضت لتسمم حمل قررت لي الدكتورة قيصري منعتني من الولادة الطبيعية خوف يحدث تسمم اثناء الولادة
حددت لي موعد بعد اسبوع رحت لموعدي طلعوني التنويم الساعه 3 العصر دخل عندي الدكتور المساعد ودكتور التخدير ثم دخلوني غرفة العمليات الساعة 6
كان عندي كحه وبلغم فنصحني دكتور التخدير بالبنج النصفي لان البنج الكامل يزيد الكحه بس تفاجأت يخيرني بين البنج النصفي المعتاد او ابرة الظهر المعروفة بولادة بدون ألم سألته ايش الفرق بينهم قال العادي ابره تنعطى لك مرة وحده قبل العملية في الظهر اما النوع الثاني نفسها ابره في الظهر بس يترك انبوب مكانها لبعد الولادة ب48 ساعة يعطوني المسكن عن طريقه تخفف الالم بنسبة 80٪ 
الصراحه انا مارتحت لحركة الانبوب ورفضتها بس زوجي الله يهديه اصر عليها قال دام مافيها الم خذيها 
وعن تجربة نصيحة لا احد ياخذها ماستفدت منها ابد الم العملية هو هو ولا يعطوني المسكن في الانبوب الا كل 12 ساعه يعني عطوني ياها ثلاث مرات بس ومفعولها مايتعدى 2-3 ساعات وتبدأ الالم وباقي الوقت يعطوني مسكنات خفيفه في الوريد
صراحه تندمت اخذتها فوق اني ماستفدت منها وجعتني وظل مكانها الم  لبعد الولادة بأسابيع




بالنسبة للدكتوره ريم ماقدر احكم عليها لان زيارتي لها مثل ماذكرت كانت مره وحده لكن كانت حبوبه وتعطيك مجال تسألين وخياطتها جداً ممتازة صحيح المها كان اشد من القيصرية الاولى لكن كانت ممتازة لا التهابات ولا صديد وطابت بسرعة




بالنسبة للمستشفى معروف خدماته روعة وغرفهم فخمة تعامل الممرضات رائع والحمدلله طوال فترة اقامتي بالمستشفي ماشتكيت من شي




بالنسبة للاسعار انا ع التأمين الا ابرة الظهر بـ 1500 وخسارة ريال فيها 




واي سؤال او استفسار انا جاهزة