ولادتي بمستشفى سعد التخصصي بالخبر .. البنج النصفي

مرحبـإآ ...



هذي قصصة ولادتي مثل ماوعدتكم ...:baby2:


وربي يـسسهلها عليكم ..


جـإآ موعد ولادتي يوم الاربعا 11 جمادى وفيني طلوق خفييفه ماهي حق ولادة


والخميس والجمعه نفس الشي السبت ززززاد الطلق من 8 الصباح لـ 12 الظهر قووي قلت اوكي ولادة


وانا كنت سهرانه العصر غفيت لي ساعه قلت اريح فيها ...


وما انتبهت الا مافيني ولا اثر للطلق :hmh:


ونفس الشي الاحد والاثنين الطلق قووي وفجاه يختفي ولما اروح اكشف الرحم مقفل مو فاتح الا 1 سم واحيانا يرجع يقفل نهاااائي يصير نص سم

وطبعا الدكتورة معطتني موعد للثلاثا اللي اهو تاريخ 17


موعد للعمليه لان بكري قيصريه وتعرفون ماينفع لي الصناعي


جااا اليوم الموعود ههههههه يوم الثلاثا

ولادتي بـمستشفى سعد التخصصي بالخبر
طبعا من الليل رتبت شقتي ورتبت كل شي ونمت يمكن 1

وصحيت 3 ونص :hmh: وانتظرت الصلاة صليت وبعدها اخذت لي دش دااافي


وطلعت من البيت 5 تقريباً


وصلنا المستشفى 5ونص


وعلى طول دخلت الغرفه 6 تخطيط وضغط وحراره


وانا بس دخلت الغرفه هاااتك يادمووووووع

لان حاطه ببالي بيخلون بنتي تدخل معي قالو لا ممنوع

وياعمري قلبي معاها براا اسمعهاا تبكي وابغي ماما وابغي ماما


وانااا عيوني صاااارت حممممرآ والنيرسات يـسسالون مدام في خووف !

وانا اقول لااا ابغى بيبي هههههههههههه


ياعمري هي والله

قالو العمليه 8 .. اوكي جاني دكتور التخدير قال انصحك بالبنج النصفي وانا لاا


قال والله احسن وانا لااا قال لمصلحتك وانا لااا

قال براحتك

واخذوني للعمليات مسكرين وجهي الا اسممع صوت بنتي تلعب وتتكلم وبسرعه ارفع عن وجهي اقولهم خلوني اشوفها


ورفعوها لي واضمها وابوس فيها ودمووووع


تقولي وين يودونك ماما اقولها بيطلعون البيبي واجي تقول ابغى اجي معك


وخليناها مع ابوها ودخلوني الا قالو في حاله طوارئ قبلك بس تنتظري 5 دقايق


وجاتني دكتورة تقول والله لمصلحتك النصفي وانا لاااا

قالت العمليه هي هي وحنا بنشتغل نفس الشغل بس علشان المضاعفات عليك اخف


وقلت ابغى اسال زوجي انا لان ادري ان زوجي مو موافق خخخخخ

وخلوه يدخل وكلمته الدكتورة قال اوكي لان من جد الكلام مقنع بس ماتخيل اني طول الوقت منتبهه واششوف بعيوني

غرفة العمليات


دخلت الغرفه بااااااااارده بس الحمد لله الطاقم الطبي حنون وكلهم علي

وحده بس تسولف وتضحك تغير جو بالغصب

اخذت الابره ب الظهر وبدات رجولي تتبنج حطت لي القسسطره قالت حسيتي !

قلت لاا قالت حلوو حطو الستار وكذا


وبديت احس بـ احساس اللمس على بطني وعرفت انهم بدوو شغل

طبعاً اللي يلهون ويـسولفو معي تقريبا 4

آقل من 10 دقايق واسسمع ووووووووووااااء

ووووووووووواءء


يااعمري وش هالاحسسساس

اضضضضحك ودموووع تنزل اللي عند رااسي تكلمني تقول مبروك وانا بسس دموع تنزل


طبعا ذاك اليوم ممكن اسوي للهم بركه من هالدمووع ههههههههه


ببكري قيصريه وبنج كامل ماحسيت بهالاحساس


وطلعوها وجابتها لعندي شفتها واخذوها

وكملو شغل العمليه وانا اذاني عند اللي ينظفونها البيبي تصصصصيح

ياااعمري مو مستوعبه

طبعا دخلت معي غرفة العمليات اخت زوجي اهي طلبت مني وماحبيت اردها

ربي يرزقها بالذريه عاجلا غير اجلا ...


لان اهي راحت معي المستشفى من عرفت اني تعبانه قالت والله ما اخليك


خلصوها وجابوها طلعو صدري وحططووه بـفمها وشافتها تقدر ترضع واخذتها

العمليه خلصت على خير وسلام وباركو لي

وانا هنا جاني احساس ابغى اناااام قالت الدكتورة نامي


قلت لا ابغى اشوف زوجي وبنتي براا


وطلعوني لغرفتي وجاو عنننندي


والبنج ظل فيني لبعد العمليـه بـ ساعتين مافيني الالم لسى مبنجه من تحت

بس جاني شي مدري كيف اعصابي تعبت كل جسسمي يرجف حتى فكي يرجف

ولما بدا البنج يفك عني راحت عني الرجفه


وبدآ الالم معي ومافي الامسكن راايح ومسكن جااي


واليوم لي 6 ايام والالم معي .. الله لايحرمني الاجر ...

والله يحفظ البنوتة النتوفه العسسل