السلام عليكم
كل عام وانتم بخير والله يعيده علينا وعليكم ب الصحه والعافيه يارب
بما ان المواضيع الي تتكلم عن الولاده في المستشفى السعودي البريطاني ب الرياض قليله
وقديمه لما كنت ابحث قبل ولادتي
ف قلت انزل موضوع عن ولادتي عشان الي ناويه تولد فيه تستفيد
ااول شي انا ناويه اولد فيه من زمان
وبحثت واستخرت والحمدلله ارتحت له
رحت ل دكتورتي قبل ولادتي ب اربع ايام وكان يوم اربعاء تاريخ 8_12_1433
وهي كانت متوقعه ولادتي ب ها اليوم ولاكان فيه اعراض ولاده بس كان فيه ثقل
وقالت لي ان جا الاربعاء الجاي ماولدتي تجيني عشان اكتب لك ورقه للمستشفى الي بتولدين فيها اقول لهم وش يسوون عشان تولدين
يوم جا ثاني العيد كنت عند حمولتي وطلعنا ل الحديقه وحماتي جايبه لي كرسي حطته لي ونست تركيه من ورا زين جيت انا وجلست وتركيت الاهو ماثبت ف طحت على ورا
حسيت ب الم بسيط كنه شد عضلي
رجعت البيت واحس حركت البيبي غير العاده
نمت وقمت الصبح حسيت اني مبلوله
نزل معي افراز زايد
وبدايت طلق و مثل الخيوط حمرا
قومت زوجي
وانطلقت للمستشفى وكان الالم كل ماله يزيد
وصلت جتني نيرس ودتني الغرفه ونادو لي الدكتوره المناوبه
كانت دكتوره هناء مصريه
كشفت علي قالت فاتح2
قلت لها اني ابي اخذ ابرة الظهر قالت اوك الحين نسوي لك تحليل على مايوصل الرحم الى 4
راح زوجي اختار غرفه ورقوني لها
ولما فتح الرحم الى 4 ودوني غرفت الولاده
وجا دكتور التخدير مصري و مغربي رؤوف وثامر
وعلمني عن الابره واعراضها و وقعت
عطاني الابره وبعد 10 دقايق بدا الالم يخفف
وكل شوي تجي الدكتوره تكشف علي
وتوسع بيدها الم فضيععع
ولما صار لي ساعه ونص ما اتالم بدا البنج يخف
قلت ل الدكتوره تزيد لي التخدير بدا الالم يرجع
قالت ما اقدر لان الرحم جالس يفتح بس البيبي مانزل للحوض ولو ازيد البنج ماراح تساعدين نفسك ب الدفع :icon33:
جت وفتحت المويه
وصار الالم يقووو ويافرحه ماتمت ب هاا الابره
لاحظت الدكتوره مع مساعدتها يتكلمون بصوت واطي وكل ماكشفت على يناظرون بعض :(
قلت دكتوره وش فيه قالت وهي متردده نبظات البيبي بدت تضعف :icon33: انا مات حيلي قلت لاحول ولا قوة الا بالله
عقب قالت الحمدلله تحسن النبض
فتح الرحم الى 10 وصرت ادفع والبيبي مايتحرك
من مكانه
والدكتوره مدخله يدينها الثنتين تحاول تسحب
تقطع قلبي وانا ادفع ولا فيه فايده اقول ل الدكتوره الحين وش اسوي
تقول اذا جتك الطلقه ادفعي مافيع الاكذا وان عجزت من الدفع
ل درجت اني حسيت ان دفعي ماله فايده فكرت استسلم
وبعد وقت ومعانات طلع الراس وتقطع قلبي من الالم حسيت بطلعت الراس والكتوف والحمدلله على كل حال
وجبت ناصر بتاريخ 12_12_1433
الساعه 7ونص المغرب
خيطتني وقالت الحمدلله على السلامه
ف الطيحه على ظهري هي الي خلت الولاده تجيني قبل ينزل البيبي ب الحوض
انتبهو ل نفسكم زين :icon33:
وراحت الدكتوره ومار يجيني صياح:icon33: موب طبيعي
عجزت اشبع صياح
ماهقيت اني اسلم من الي شفته
نزلوني الغرفه وجلست ب المستشفى يومين معاملتهم من ارقى مايكون كل شي ممتاز حسيت اني ملكه
مكان مريح نفسيا ماكنه مستشفى
بس خلال ها اليومين كنت ما اقدر وانتم بكرامه اتحكم ب البول اسويها على نفسي ولما سألت الدكتوره المناوبه
قالت اذا كانت ولادتك تعسرت هذا شي طبيعي يومين وريرجع كل شي طبيعي والحمدلله
واليوم لي اسبوع والده
ويارب لك الحمد
وعقبال ماكل الحوامل يقومون ب السلامه
حسيت اني كثرت كلاام
اي سؤال انا ب الخدمه ومانزلت الموضوع الا ابي افيد
الي بتسأل عن ابرة الظهر او الاسعار او اي شي تتفضل
و لاتنسوني من دعواتكم تكفووون
احب اتفلسف @ahb_atflsf
عضوة جديدة
يلزم عليك تسجيل الدخول أولًا لكتابة تعليق.
2حلوة
•
الحمدالله علي سلامتك وطالعه من الشر
ام مودي
•
الحمدلله علئ سلامتك يااارب
والف مبروك ماجبتي
بسالك عن ابرة الظهر لاني حول ولاده انتظر الفرج ومادري اجزم اخذها او لا ؟
وعن اسعارها وهل التامين ممكن يشملك ابرة الظهر او لا ؟؟
ومشكوووره مقدما
والف مبروك ماجبتي
بسالك عن ابرة الظهر لاني حول ولاده انتظر الفرج ومادري اجزم اخذها او لا ؟
وعن اسعارها وهل التامين ممكن يشملك ابرة الظهر او لا ؟؟
ومشكوووره مقدما
الحمد الله على لإسلامه وألف مبروك يقلبي الله يطعمك بره فعلن الطيحه تأثر أنافبنتي الثالثة طحت وأنا فالثامن وولدت والاده مبكره لان المويه انفتحت علي بعد الطيحه وجاني طلق بس الحمد الله ربك ستر مبروك مره ثانيه جعله من مواليد ألسعاده والصلاح
الصفحة الأخيرة